Skip to main content
104

Dette jobopslag er udløbet

Inuusuttunik sullissivimmut marlunnik orniguttartussanik Inuusuttunut Siunnersuisartut / Atorfiup nr. 632/20

Kommuneqarfik Sermersooq Inuusuttunik Sullissivimmi Nuummiittumi Inuusuttunut siunnersortinik marlunnik ulloq 1. januaari 2021 isumaqatigiissuteqarnikkulluunniit sulilertussanik pissarsiorpoq.

Atorfimmi suliassat:
Meeqqanut Ilaqutariinnullu Immikkoortortami marlunnik sullisserusussusilinnik pitsaasunillu inuusuttunik assigiinngitsutigut unammilligassaqartunik sullissinissatsinnut suleqatissarsiorpugut. Atorfiit Inuusuttunik Sullissiviup Immikkoortortaani Farip Aqqutaa 10-mi inissisimapput.  

Inuusuttunik Sullissivik sullissiviuvoq inuusuttunut inuuniarnermikkut aamma/imaluunniit tarnikkut ajornartorsiortunut. Ajornartorsiornerannut amerlanertigut peqqutaasarpoq sumiginnagaaneq, kisianni aamma atornerluinermik, avinnermik, nakuusernermik, kinguaassiutitigut atornerluinermik, toqusoornermik, qinngasaarinermik aamma/imaluunniit taakku akulerunnerannik peqquteqarsinnaavoq.

Inuusuttunik Sullissiviup immikkoortortani allisinniarpaa inuusuttunut siunnersuinermik marlunnik inuusuttunik siunnersuisartunik orniguttartussanik. Inuusuttunut siunnersuisartut ulluinnarni sulinermik saniatigut orniguttartutunik sulisassapput, tassani meeqqat inuusuttullu aqqusinermi angalaaginnartut attaviginiartassavaat. Meeqqat inuusuttullu Inuusuttunik Sullissivimmut aggeqqusassavaat, isumalinnik sammisaqartittassallugit, ataatsimooqatigalugit oqaloqateqarnissamut aamma/imaluunniit meeraq angerlarnissaminut toqqissisimanngippat ikiorlugu.

Uummaarissuusutit pitsaasuullutillu pitsaassutsimillu tunniussinissannut imminut piumaffigisutit naatsorsuutigaarput. Suliassaqarfiit akimorlugit suleqatigiittarnermut aamma ingerlaavartumik ineriartortitsinermut siunnersoqatigiittarnermullu qitiutinneqartunut peqataassaatit.

Inuusuttunut Siunnersortitut inuusuttut ineriartortinneqarnissaanut ajunngitsumik atugaqarnissaannut akisussaaqataassaasi. Suliassat assigiinngitsorpassuit isumagisassavatit, taakkununnga ilanngullugit:

  • Inuusuttunut arlalinnut imaluunniit ataasiakkaanut sammisassanik naleqquttunik neqeroorutinik ineriartortitsineq ikorfartuutaasinnaasullu pilersaarusiorlugit
  • Inuusuttup ilaqutaanik attavigisaanillu suleqateqarneq
  • Isumaginnittoqarfiup Oqartussaaffeqarfianik suleqateqarneq.
  • Ilinniarfinnik allanillu attuumassuteqartunik suleqateqarneq.
  • Ataatsimiinnerit aaqqissuunneri peqataaffiginerilu.
  • Nalunaarusiornerit.

Naatsorsuutigaarput:

  • Meeqqanut sumiginnagaasimasunut peqqissaartumik sulinermik ilisimasaqartutit.
  • Naleqquttumik ilinniagaqartuusutit imaluunniit pikkorissarsimasutit aamma meeqqanut inuususuttunullu sullissinermik misilittagaqartuusutit.
  • Suliatigut inuttullu ineriartoqqinnissamut ammasuusutit.
  • Immikkoortortaqarfimmi immikkut illuinnartumik iliuuseqartarnissat pisariaqartinneqartoq suliffigissallugu nakerissavat.

Tamatuma saniatigut pingaartipparput, illit:

  • Ammasuusutit, inussiarnersuusutit, aalajaatsuusutit, tatituujusutit,
  • Inuusuttunut atassuteqarnermik ineriartortitsinermi tatiginnilersitsinermillu piginnaasalik.
  • Allattariarsornermi oqaluttariarsornermilu kalaallisut qallunaatullu ersarissumik paatsuugassaanngitsumillu attaveqartuusutit.
  • Akisussaaffeqarlutit sullisserusussuseqarlutillu nammineerluarsinnaassuseqarlutillu sulisinnaasutit.
  • Suleqateqallaqqissuusutit.
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueqataasinnaassuseqartutit.

Neqeroorutigaavut:
Suliffik unammillernartoq atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq.
Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigiilluartarnissaq kiisalu aallartitsinissamut nutaaliornissamullu inissaqartitsinissaq anguniartuarparput.
Pikkorissarnernut peqataasarneq aqqutigalugu sulisut ilinniagaqaqqinnissamut periarfissaqartinneqarnerat pingaartipparput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, AK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Atorfiup nr. 632/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 18. december 2020
Atorfininneq: 1. januar 2021 isumaqatigiinnikkulluunniit
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Cecilie Jeremiassen
Telefon: +299 366929
Mobil: +299 274112
Nittartagaq: http://www.sermersooq.gl
Qinnuteqaat nassiutiguk