Skip to main content
97

Dette jobopslag er udløbet

Inuusuttunik sullissivimmi ilinniarsimasunik sulisussanik pissarsiorpoq / Atorfiup normua 616/20

1. januaari 2021 aallarnerfigalugu Kommuneqarfik Sermersooq Nunatta Kangiani suliniummik nutaamik aallartitsissaaq. Tasiilami Inuusuttunik Sullissivimmik pilersitsineq. Neqeroorummi sulisussanik ilinniarsimasunik katillugit 6-inik pissarsiortoqarpoq.

Meeqqanut inuusuttunullu tunngasunik pitsaaliuinermik suliat inerisarlugit Kommuneqarfik Sermersooq aallartitsivoq. 2020-p ingerlanerani suliniutit nutaat arlallit, tamarmik suliap pitsaanerunissaanut iluaqutaasussat aallartinneqarput.

Suliniutit, Nunatta Kangiani pitsaaliuinermik suliat pitsanngorsarneqarnissaannik aamma inuusuttunik sullitaqarnermik sulinermi, kissaateqarnermik pilersinneqarput. 2021-mi kommunimi Inuusuttunik Sullissivimmik pilersitsissaagut.

Inuusuttunik Sullissiviit:

1. januaari 2021 aallarnerfigalugu Tasiilami Inuusuttunik Sullissivik aallartinneqassaaq.

Inuusuttunik Sullissivik Ulloq Unnuarlu immikkoortortaqassaaq 14 - 18-inut ukiulinnut, katillugit 8 - 10-nik inissalimmik; suliniuteqareernermi malitseqartitsinermut ulloq unnuarlu ingerlanneqartumik 8 - 23-nut ukiulinnut neqeroorut 6-inik inissalik kiisalu inuusuttunik immikkut pisariaqartitsisunik perorsaanerup iluani ulluunerani neqeroorut 12 -18-inut ukiulinnut. Inuusuttunik Siunnersuisarfik massakkut ingerlanneqartoq tassunga ilaatinneqassaaq.

Inuusuttunik sullissivimmi inuusuttut inersimasunit isumassuisunit ilagineqartassapput, sullissivimmiinnermilu tamanna aalajangersimasuussaaq. Ulluinnarni nalinginnaasumik inooriaaseqarnissaq (ADL-imik qallunaatut taaneqartartoq) sungiusartarpaat, inuusuttut taamaalillutik imminnut paarsarilersinnaaniassagamik. Inuusuttut ataatsimooqatigiinniinneq kingunerisaanillu pisussaaffiit ilinniassavaat. Inooqataanikkut perorsaataasunik suliassat aallaarsimaarnerillu aaqqissuunneqartarput.

Inuusuttunik sullissivimmi tarnikkut perorsaanikkullu katsorsaanermik sulineq sinaakkusersorneqartarpoq, tassani ilaatigut pisarialimmik suliaqarsinnaalernissaq inooqataalernissarlu anguniarlugit katsorsaariaaseq tunngavigineqarluni. Neqeroorutigineqartumi inuusuttut tamarmik ulluunerani sammisaqartitsinermik, sapinngisamik Tunumi kulturi aamma inooriaaseq aallaavigalugu ingerlanneqartunik sammisaqartinneqassapput. Inuusuttut suliffimmik ilinniakkamilluunniit unitsitsinatik ingerlaannarsinnaanissaannut tapersersorneqassapput pitsaasumik inuuneqarnissaat qulakkeerneqassammat. Eqimattakkaarluni katsorsartinnissamut neqerooruteqarpoq ilaatigut inuusuttunut iluaqutaasinnaasumik. Inuusuttut aanngajaarniutinik pinngitsuuisinnaajunnaarsimasut pinaveersaarluni inuuneqarnissaannut sulisunit tapersersorneqartarput. Inuusuttut amerlanerpaat angerlarsimaffimminnut ilaquttaminnullu attaveqartuarnissaat pingaaruteqarpoq, taamaattumik tamakkiisumik ilaqutariit ilanngullugit sullissinissaq neqeroorummi ilaatinneqarpoq.

Inuusuttunik sullissivissami Tasiilami suliffeqarfiit allat, soorlu atuarfik, inuusuttut kulturikkut illuat, najukkami suliffeqarfiit aamma Suliffeqarnermut Isumaginninnermullu Ingerlatsivik suleqatigineqassapput. Aammattaaq namminersortut suleqatigilernissaat anguniarparput, taamatullu najukkami sanasut/piniartut praktikkerfissat, ilinniartuuffissanik assigisaallu amerlineqarnerinik periarfissiisinnaasut, suliffimmik misiliinissamut, ilinniartoqarnissamut assigisaannillu periarfissiisussat.

Neqeroorutigaavut:

  • Suliffeqarfik pissanganartoq, illit Inuusuttunik Sullissiviup sunik imaqartinnissaata piorsarnissaanik sunniuteqarfigilluagassat
  • Init ajunngitsut, najugaqarfittut immikkoortoqarfinnik marlunnik, igaffik, ini pigaartullu inaa, pigineqarput
  • Timersortarfik scenetalik, nipilersuutilik timigissartarfilillu Sannavimmi atortut
  • Suliniuteqareernermi malitseqartitsinermut illu immikkoortoq 6-inik initalik
  • Illup iluani aamma silami sammisassaqartitsinermut atortut assigiinngitsut, angallat namminerisaq umiatsiarlu ilanngullugit
  • Suliassaqarluarpoq pissanganartunik aamma suleqatigisat pimoorussisuupput
  • Qanimut aamma qanimut malinnaasumik aqutsineq

Kissaatigaagut:

  • Sullinneqartut pillugit angusaqarusussuseqartutit misilittagaqartutillu
  • Sullissininni inuusuttup tunniussinnaasai eqqumaffigalugit aallussinnaagitit, suleriaatsillu kajumissaarineq ataqqinnittumillu tunngaveqarluni pissuseqartutit
  • Inuusuttunillu tunaartaqartumik anguniagaqarusussuseqarlutit, takorluuisinnaallutit qasusuillutillu sulerusussuseqassasutit
  • Meeqqanik inuusuttunillu sullissinnini angusaqarusussuseqarnissat sammissagit, suliaqarninnilu aqqutinni akimmiffeqarsinnaanerit ersigissanngikkit
  • Naatsorsuutigaarput, perorsaasutut ilinniarsimasuussasutit imaluunniit suliamut tunngatillugu ilinniagaqarsimasutit imaluunniit sullinneqartut pillugit inuussutissarsiornerup iluani arlaatigut misilittagaqartutit.
  • Ulloq Unnuarlu Paaqqinnittarfimmi sulinermik misilittagaqarsinnaavutit

Kommune, illoqarfik immikkoortortarlu pillugit:

Illoqarfik Tasiilaq silarsuarmi kommunit annersaanni Sermersuumi kangillerpaajuvoq. Tasiilap eqqaani ukioq kaajallallugu pinngortitarsuaq kulturikkullu misigisassanik ulikkaarpoq. Tamakku saniatigut timersuutit amerlanerit atornissaat akeqanngillat ass. fitness aamma crossfit. Ukiumi sisorarsinnaavutit qimussersinnaallutilluunniit, ukiup sinnerani pinngortitarsuaq kusanarluinnartoq aamma eqqaani angallammik angalaarfiusinnaavoq aalisarfeqartorlu nuannaarutigisinnaavatit.

Tasiilami Meeqqanut Ilaqutariinnullu Ingerlatsivimmut eqqaani nunaqarfiit tallimat ilaapput. Innuttaasut 2200-t sinnilaarpai.

Sulianik ingerlatsinermut tunngatillugu Nuummi Immikkoortoqarfik suleqatigineqarpoq.

Tasiilami Meeqqanut Ilaqutariinnullu Ingerlatsivik ataatsimut aqutsisoqarpoq aammalu Meeqqanut Ilaqutariinnermullu Immikkoortortaqarfik kiisalu Meeqqanut Ilaqutariinnullu Sullissivimmiippoq. Meeqqanut Ilaqutariinnullu Immikkoortoqarfik aamma Meeqqanut Ilaqutariinnullu Sullissivik taamatullu Siusissukkut Iliuuseqarnermi taakku Suleqatigiinnut aqutsisunit/Sullissinermi aqutsisunik peqarput. Illumi ataatsimoorpugut ulluinnarnilu qanimut suleqatigiittarluta. Taamatullu Inuusuttut Illuat, Ilaqutariit Illuat aamma inissiat Qimarnguillu akisussaaffigivagut.

Ingerlatsivik aamma Kommuneqarfik Sermersooq pillugit paasissutissat allat kommunip nittartagaani takuneqarsinnaapput.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Ineqarneq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Qinnuteqaat:

Qinnuteqaatip ilisarnaataata Job nr. 616/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                  

Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 11. december 2020
Atorfininneq: 1. januar 2021 imaluunniit isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Lene Warwick
Telefon: +299 367795
Nittartagaq: http://www.sermersooq.gl
Qinnuteqaat nassiutiguk