Skip to main content
88

Dette jobopslag er udløbet

Inuussutissarsiutingalugu ilaqutariit paarsisartunik Nuummi pissarsiorpoq/ Atorfiup normua 323/20

Kommuneqarfik Sermersooq Nuummi pikkorissumik tunniusimasumillu Inuussutissarsiutingalugu Ilaqutariit paarsisartutut piaartumik sulilersussanik pissarsiorpoq.

Pitsaaliuinermut immikkoortortaq aamma Meeqqanut Ilaqutariinnullu Katsorsaavik, Meeqqanut Ilaqutariinnullu Ingerlatsivimmi Pitsaaliuinermut immikkoortortami suliassaqarfiit akisussaaffigineqartut tassaapput; Ilaqutariinnik paarsisartunik sullissisut, pitsaaliuinermik siunnersortit aamma meeqqanik tapersersorteqartunik ataqatigiissaarisoq.

Inuussutissarsiutingalugu ilaqutariit paarsisartut atorfeqarnikkut inissinneqarsimapput ilaqutariinnik paarsisartunik sullissisut ataanni, tassanilu sulisut tassaapput ilaqutariinnik paarsisartunik siunnersortit/sullissisut, sullissisunut aqutsisuusoq aammalu immikkoortortaqarfimmi aqutsisoq.

Atorfiup imarisaa:
Misilittagaqartumik ilaqutariittut paarsisartunik Isumaginninnermut tunngasunik assingusumilluunnit ilinniakkatigut misilittakkatigulluunniit tunuliaqutaqartoq, soorlu ilinniartitsisoq, perorsaasoq, peqqissaasoq il. Il, Piffissaq tamaat meeqqanik paarsanik sullissinermut sulerusuttunik.

Inuussutissarsiutingalugu ilaqutariinni paarsisartoq ilaqutariit paarsisartut allat assigalugit meeqqanik 0-18 ukiulinnik inissinneqarsimasunik isumaginnittuusarput, ilaqutariit paarsisartunut allanut sanilliullugu allaanerussutigivaa inuussutissarsiutingalugu ilaqutariit paarsisartunut Kommuneqarfik Sermersooq aamma inuussutissarsiutingalugu paarsaqartoq isumaqatigiissutit atuuttuusut tunngavingalugit atorfinitsinneqartarmat.

  • Qitornarsiaasunut paaqqinninneq aamma isumassuineq
  • Ilaqutariinnik paarsisartunik sullissisunut nalunaarusiortarneq attaveqarnerlu
  • Ilaqutariit paarsisaartut pikkorissartinneqarnerannut peqataaneq

Suliassat suliarinerini ilaqutariinnik paarsisartunik sullisisut taamattaarlu inissinneqarsimasunik sullissisut allat meeqqallu avatangiisai suleqatigalugit ingerlanneqassapput.

Qinnuteqartunut naatsorsuutigisat:

Inuussutissarsiutingalugu atorfinitsinneqarneq tunngavingalugu ilaqutariittut paarsisartunut naliginnaasunik annerusumik Kommuneqarfik Sermersuumiit piumaffigineqarput, pisinnaasatigut inissaqartitsinikkut aamma eqaatsumik aaqqiisinnaanernut. Isumaqatigiissutit atuuttuusut malillugit atorfinitsitsineq tunntgavingalugu.

  • Isumaginninnermut tunngasumik assigusumilluunniit ilinniakkatigut misilittakkatigulluunniit tunuaqutaqartoq, soorlu perorsaasoq, ilinniartitsisoq, peqqissaasoq il.il.
  • Meeqqanik inuusuttunillu atungarliortunut tunngasunik katsorsartariaasinnaasunillu suliaqarnermik misilittagaqarluartoq
  • Aalajaatsoq, tatitussuseqarluartoq sulianillu ilisimasaqarluartoq
  • Oqartussanik atuumassuteqartumullu suleqatigisartakkanik suleqateqarsinnaalluartoq
  • Meeqqat angajoqqaavinik attaveqaataanillu suleqateqarnissamut piumassuseqarluartoq
  • Inuunermik pitsaasumik isiginnittaaseqartoq, ammasuullunilu inussiarnersoq
  • Iliuuseqarusussuseqartoq namminersorsinnaassuseqarluartorlu
  • Ilaqutariit paarsisartunut tunngaviusumik pikkorissarsimasoq – pikkorissarnissamut piareersimasoq
  • Paarsaqarsinnaanermut akuersissutilik
  • Ullu unnuarlu paarsaqarnissamut piareeqqasoq, aappaasorlu tapertaanissamut piareeqqasoq.

Pingaartipparputtaaq:

  • Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
  • Uippakajaarani arlariinnik suliaqarsinnaasoq
  • Erseqqissumik tappissumillu allattariarsorlunilu oqaluttariarsorsinnaasoq
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Nukittooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Atituumik suleqateqarluarsinnaasoq

Neqoroorutigaavut:
Suliffik unamminartoq, suliat imarisaannut sunniuteqarnissamut periarfissaqartitsisoq, annertuumik piumasaqaatitalimmik paarsaqarfiusinnaasoq. Pingaartipparput:

  • Pikkorissarnissanut tulluuttunut periarfissaqartitsineq
  • Ilaqutariinnik paarsisartunik sullissisumik aaliangersimasumik ilitsersorneqarsinnaaneq
  • Supervision allatullu tapersersorneqarsinnaaneq pisariaqartitsineq tunngavingalugu periarfissaavoq
  • Meeraq pillugu sulisut assigiinngitsut isumasioqatigalugit suleqataasinnaaneq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 323/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 17. juli 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Gerda Fleischer
Telefon: +299 367206
Nittartagaq: http://www.sermersooq.gl
Qinnuteqaat nassiutiguk