Skip to main content
112

Inunnut innarluutilinnut Tarnimikkullu Nappaatilinnut immikkoortortaq Timimik sungiusaasunut pillorissaasunullu Aqutsisussamik sulisussarsiorpoq / Atorfiup nr. 610/19

Innarluutilinnut tarnikkullu nappaatilinnut Immikkoortortaqarfimmi sulilernissat pilerigaajuk, namminersorlutit sulisinnaavit, aamma sulisut sulerusussuseqarluartut pikkorissullu akimut suleqatigisinnaavigit, taamaappat Kommuneqarfik Sermersuumi Timimik sungiusaasunut pillorissaasunullu aqutsisutut piukkunnaateqarsimassaatit.

Timimik sungiusaasunut pillorissaasunullu aqutsisutut Suleqatigiit timimik sungiusaasut pillorissaasullu, Innarluutilinnik biiliussisartut kiisalu Iluaqusersuutinut toqqorsivimmut tassanilu sulisumut toqqaannartumik aqutsisuussaatit. Suleqatigiit timimik sungiusaasut pillorissaasullu Innarluutilinnut tarnikkullu nappaatilinnut Immikkoortortaqarfimmiipput, tassanilu illit Immikkoortortaqarfimmi aqutsisut marluk peqatigalugit aqutsisuni suleqataassaatit suliassaqarfimmilu Fagchefi toqqaannartumik qaninnertut qullersarissallugu.

Innarluutilinnut tarnikkullu nappaatilinnut Immikkoortortaqarfimmi innuttaasut timikkut aamma imaluunniit tarnikkut nappaatillit kiffartuuppavut, kiisalu innuttaasut soraarnerussutisiallit siusinaartumillu soraarnerussutisiallit timimikkut, tarnimikkut inooqataanermikkut kiisalu nalinginnaasumik suliassatigut piginnaasaminnik attassiinnarnissamut, pitsanngorsarnissamut siuarsarnissamullu pisariaqartitsisut sullitaralutigit.  Tapersersuinermi tassani pingaartinneqarpoq innuttaasup kinaassutsiminik, imminut naleqartinnerminik aamma inuunermik nuannarisaqarneranik attassiinnarnissamik ineriartortitsinissaanillu, kiisalu inooqatigiinnermi pitsaasumik inooqataasinnaaneranut, attaveqaqateqarsinnaaneranut taamatullu nammineq inuunerminik annerpaamik oqartussaaqataanermik misigisimanissaanik ikorfartuineq.

Timimik sungiusaasunut pillorissaasunullu aqutsisutut sulisunik atorluaanissaq akisussaaffigaat tulleriissaarinermilu sakkussat, kiisalu suliassaqarfiup iluani sullissinerit pitsaassusaat ataavartumik qulakkeerneqarluni, inatsisit naleqartitallu Kommuneqarfik Sermersuumi innuttaasunut annertuumik innarluutilinnut sullissineranut naapertuunnersut.

Suliassatit makkuupput:

  •  Sulisunik siuarsaaneq aqutsinerlu, taamaalillutik suliassaat anguniagaallu taakkununnga ersarissooqqullugu.
  • Innuttaasut pisinnaasaannut ikorfartuinermut attuumassuteqartunik pingaarnertut suliassanik ineriartortitsineq.
  • Nutaaliorneq, ineriartortitsineq qulakkeerinninnerlu qitiutillugit ulluinnarni ingerlatsineq, suliat pitsaassusaannik sulisunillu aqutsinermik qulakkeerinninneq qitiutillugit.
  • Tapertariilluni suleqatigiinnermik suliffeqarfik akimorlugu pilersitsineq.
  • Tamakkiisumik isiginnissinnaassuseqartitsineq, aaqqissuussaasumik sulineq suliniuteqarusussuseqarnerlu
  • Iliuutsinut nutaanut qulakkeerinninneq inatsimmi attuumassuteqartut immikkoortuni pisortat/teamlederi qanimut suleqatigalugit.
  • Missingersuutinik malinnaatitsinissamut ataavartumillu iluarsiissuteqarnernut aqutsisutut akisussaasuuneq allannguutinut annertuunut iliuuseqarfiginninnerit.
  • Innarluutilinnut tarnikkullu nappaatilinnut tunngasuni najoqqutassani aaqqissuussaasunut, politikkikkut allaffissornikkullu ineriartortitseqataanissamut akisussaaqataaneq
  • Missingersuutit politikkikkut sinaakkutassat akuersissutigineqarsimasut iluiniinnissaannik akisussaaqataaneq.
  • Nassuiaasiornermut, misissuiernut kingunerisinnaasanillu naatsorsuinernut akisussaaqataaneq.
  • Anguniagaqarluartumik siunnersuisarneq aqqutissiuinerlu akisussaaqataaffigalugu kiisalu Suleqatigiit timimik sungiusaasuni pillorissaasunilu sulisunik ineriartortitsineq piukkunnarsaanerlu
  • Sulisunut allanut maligassiuinerit sulisullu sinnerinut aallartitsisutut atuunneq
  • Sulisunut pitsaasumik sulinermik atugassaqartitsinissamut akisussaasuuneq
  • Innuttaasut 75-ileereersimasut angerlarsimaffiinut pitsaaliuiniarluni pulaartarnerit pilersaarusiornissaasa suliarisarnissaasalu akisussaaffigineri.
  • Innarluutilinnut tarnimikkullu Nappaatilinnut Immikkoortortami aqutsisooqataaneq
  • Innarluutilinnut tarnikkullu nappaatilinnut Immikkoortortaqarfimmi aaqqissuussanik pilersarusiornermi eqinnaatsumik peqataaneq.

Naatsorsuutigaarput:

  • Pillorissaasutut imaluunniit timimik sungiusaasutut akuerisaasumik ilinniagaqarsimasuussasutit, politikkikkullu aqunneqartumi suliffeqarfimmi sulinermik misilittagaqarluartutit
  • Sumiiffimmi allaniittunik aqutsinermik misilittagaqarnissaa.
  • Ingerlatsinermi ineriartortitsinermilu pissanganartumi sulisinnaassuseqartutit.
  • Innarluutilinnut tarnikkullu nappaatilinnut tunngasuni utoqqarnut tunngasunittaaq ilisimasaqartutit ajornanngippallu misilittagalik.
  • Aningaasatigut atugassarititaasunik pisariaqartitsinermillu nalilersuisinnaassuseqarlutillu suliniuteqarsinnaassuseqartutit.
  • Aqutsisutut ersarittutit sulianillu aallussillutit, inunnik allanik naapitaqarnermik nuannarisalik suliaqarfinni suleqatinut, innuttaasunut taakkulu qanigisaannut suleqatinullu akuersaartumik ammasumik akuliusimasutit.
  • Inuit annertuumik innarluutillit sullikkusullugit iliuuseqarnikkut allanngueqataaffigerusukkitit.
  • Anguniagaqarnissamut akuersaartumik attaveqaqatigiinnermullu pikkorittutit.
  • Perorsaanikkut iliuusissatut pilersaarusiorneq ilisimasaqarfigigit
  • Kajumissuseqarlutit inuunermullu pitsaasumik isiginnittaaseqarlutit
  • Namminersorlutit suleqatit akimorlugit sulisinnaasutit tamatigoortuusutillu
  • Savituujunissat, aallarnisaasinnaasoq qungujunnartunillu nuannarisalik
  • Malinnaasinnaasoq aamma pisunik paasinnissinnaasoq

Neqeroorutigaavut:

  • Sulisut kajumilluartut pikkorissullu
  • Tatiginassuseqarneq
  • Akisussaaneq
  • Ilanngussineq
  • Ataqatigiinneq/suleqatigiinneq
  • Suliffeqarfinnik allanik kommunimit, peqqinnissaqarfimmiit il.il. akimorlugu suleqateqarneq.
  • Suliffeqarfimmi eqeersimaarfiulluartumi ullormut amerlasuunik assigiinngitsunillu nalaatassaqarfiusumi assigiinngisitaartunillu suliassartalik atorfik namminersorfiulluartoq unammillernartulillu neqeroorutigaarput.
  • Pitsaasunik avatangiiseqarluni, suliatigut siunersiueqatigiilluni, akisussaassuseqarluni, ammasuulluni assigiinngissutsinillu ataqqinnilluni sulineq pingaartipparput.

Atorfik ulloq naallugu suliffiuvoq. Timimik sungiusaasunut pillorissaasunullu aqutsisutut Narsaviaq 26-mi 3905 Nuussuarmiittumi allaffeqassaatit.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

INISSAQ:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 610/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 28. oktober 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Susanne K. Ettrup
Telefon: +299 36 61 63
Mobil: +299 56 27 61
Nittartagaq: http://www.sermersooq.gl
Qinnuteqaat nassiutiguk