Skip to main content
122

Dette jobopslag er udløbet

Inunnut innarluutilinnut tarnikkullu nappaatilinnut Immikkoortortaqarfik aqutsisup tullersortissaanik pissarsiorput / Atorfiup nr. 413/21

Perorsaanikkut, peqqissaanermulluunniit tunngasumik ilinniarsimasuuit aqutsisoorusukkuit, taava immaqa illit Aqq. 13-imi aamma blok 9-ilu aqutsisumut tullersortissatut amigaatigaatsigit.

Immikkoortut taakkua marluk Nuummi inissisimapput.

Aqq. 13 (Jungep Illua) immikkoortuuvoq ulloq unnuarlu sulisulik, innuttaasut sisamat 18-66-inik ukiulinnik najugaqartulik.
Blok 9-imi innuttaasut sisamat najugaqarput.
Innuttaasut amerlanersaat tarnikkut nappaateqarput, sulisooqatigiit katillugit aqqaneq marluk aalajangersimasumik atorfeqarput, taassuma saniatigut aalajangersimasunik taarteqarput.

Innuttaasunut piginnanngorsaaqqinneq atorlugu sulisoqarpoq tarnikkut nappaataat inuttullu piginnaasaat kiisalu suliatigut piginnaasaat ineriartortinniarlugit.  Ikorfartuinermi tassani innuttaasup kinaassutsiminik, imminut naleqartinnermik aamma inuunermik nuannarisaqarneranik attassiinnarnissaa ineriartortitsinissaalu, kiisalu inooqatigiinnermi pitsaasumik inooqataasinnaaneranut, attaveqaqateqarsinnaaneranut tapersersuineq taamatullu nammineq inuunerminik annerpaamik oqartussaaqataanermik misigisimanissaa pingaartinneqarpoq.

Tullersortitut sulisunut akuunissaq tamatumanilu aqutsisutut suliassat ingerlannissaat kiisalu ingerlatsinermut akisussaaqataanissaq suliassanni pingaarnerpaassapput. Immikkoortortami aqutsisup ataani aqutsisup peqannginnerani aqutsisutut akisussaaffeqassaatit.

Pingaarnertut ulluunerani sulisassaatit, taamaattorli unnuit weekendillu ataasiakkaat sulisarnissat naatsorsuutigineqassaaq.

Tamatuma saniatigut suliassatit ilaatigut tassaassapput:

  • pitsaassutsimik qulakkeerinninneq kiisalu aqutsisoq suleqatigalugu immikkoortumi suliniutinik nutaanik suliassanillu atuutsitsilerneq ataqatigiissaarinerlu.
  • Aqutsisoq, sulisut innuttaasullu qanimut suleqatigalugit immikkoortortami suliassat pilersaarusiornerat, aaqqissuunnerat aamma ataqatigiissaarnerat.
  • Innuttaasunut ineriartortitsinermut pilersaarutit suliarineqarnissaat qulakkiissallugu
  • Sulisut allat peqatigalugit killiffik pillugu nalunaarusiorneq.

Suliatigut ima piginnaasaqarnissat naatsorsuutigaarput:

  • Perorsaanikkut/isumaginninnermut tunngasumik ilinniarsimasutit.
  • Aqutsinissamut sapiissuseqartutit ajornanngippallu aqutsinermut tunngasunik misilittagaqartutit.
  • Immikkoortortaqarfimmi suliatigut ineriartortitseqataassasutit

Ima inuttut piginnaaneqarnissaq naatsorsuutigaarput:

  • Akerlilersorneqaraluarlutit inuttut innarligassaanngitsutit, sunniuteqarsinnaassuseqarluarlutit kiisalu suliamut tunngasunik aalajangiussaareersunik aalajangiussisimasinnaallutit.
  • Unneqqarissumik, tunniusimasumillu sulerusussuseqartuullutillu sulisinnaassuseqartutit.
  • Nammineq aqutseriaatsimik ineriartortitsinissannut piumassuseqarlutillu piginnaasaqartutit.
  • Ataqqinnittumik akuerinnittumillu pissuseqartuusutit (sulisunut, suleqatinut, suleqatigisartakkanut il.il.).
  • Suliffeqarfimmi ineriartorfiujuartumi sulinissamut soqutiginnittutit.
  • Attaveqaqatigiinnikkut piginnaaneqarluartutit, ataatsimoorlusi aaqqiissutissanik pitsaanerusunik pilersitsinissassinnut ammasuuneq innuttaasunillu akuliutsitsineq suleriaasissatut nalinginnaasutut isigalugu.
  • Uteriitsuusutit
  • Suliassanik isiginnissinnaassuseqartutit pingaarnersiuillutillu suliaqarsinnaasutit.

Neqeroorutigaavut:

  • Ilinniartinneqaqqaarneq.
  • Suliffik unammillernartoq aamma nammineq suliatigut sunniuteqarfiusoq.
  • Siunersioqateqarnissamut kiisalu inuttut suliatigullu tunngasutigut ineriartornissamut periarfissalik.
  • Ulluinnaq qiimasaarfiusoq illarfiusorlu qujarunneqassaaq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqassaaq atorfeqartitsillunilu.

Atorfinitsitsineq qaammatini pingasuni misiliutaaqqaassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 413/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 04. august 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Anerak Skifte
Mobil: +299 548935
Henrik Gundersen
Telefon: +299 36 60 87
Mobil: +299 522836
Nittartagaq: http://www.sermersooq.gl
Qinnuteqaat nassiutiguk