Skip to main content
97

Dette jobopslag er udløbet

Inunnut innarluutilinnut tarnikkullu nappaatilinnut Immikkoortortaqarfiup ataani Seernaq 4-mi aqutsisumut tullersorti / 610/20

Perorsaanikkut, peqqissaanermulluunniit tunngasumik ilinniarsimasuuit aqutsisoorusullutillu? taamaappat immaqa illit Seernaq 4-mi aqutsisumut tullersortissatut amigaatigaatsigit.

Suliffeqarfik Seernaq 4-mi Qinngutsinni inissisimavoq.

Seernaq 4 ulloq unnuarlu sulisoqarpoq quleriinnullu sisamanut agguataagaalluni.

Najugaqartut assigiinngitsunik innarluuteqarput, pineqartut ilaat tarnikkut nappaateqarlutik, allat ineriartornermikkut akornuteqarlutik imaluunniit assigiinngitsukkuutaanik autismeqarlutik.

Sulisut tamakkerlutik 25-t missaanniipput taakkulu saniatigut taartaasartoqarluni.

Najugaqartut ataasiakkaarlugit tarnikkut, inooqataanikkut kiisalu suliassatigut piginnaasaasa ineriartortinnissaat aallaavigineqartarpoq. Ikorfartuinermi tassani innuttaasup kinaassutsiminik, imminut naleqartinnermik aamma inuunermik nuannarisaqarneranik attassiinnarnissaa ineriartortitsinissaalu, kiisalu inooqatigiinnermi pitsaasumik inooqataasinnaaneranut, attaveqaqateqarsinnaaneranut tapersersuineq taamatullu nammineq inuunerminik annerpaamik oqartussaaqataanermik misigisimanissaa pingaartinneqarpoq.

Tullersortitut sulisunut akuunissaq tamatumanilu aqutsisutut suliassat ingerlannissaat kiisalu ingerlatsinermut akisussaaqataanissaq suliassanni pingaarnerpaassapput. Immikkoortortami aqutsisup ataani aqutsisup peqannginnerani aqutsisutut akisussaaffeqassaatit.

Pingaarnertut ulluunerani sulisassaatit, taamaattorli unnuit weekendillu ataasiakkaat sulisarnissat naatsorsuutigineqassaaq.

Tamatuma saniatigut suliassatit ilaatigut tassaassapput:

  • Pitsaassutsimik qulakkeerineq kiisalu aqutsisoq suleqatigalugu immikkoortumi suliniutinik nutaanik suliassanillu atuutsitsilerneq ataqatigiissaarinerlu.
  • Aqutsisoq, sulisut innuttaasullu qanimut suleqatigalugit immikkoortortami suliassat pilersaarusiornerat, aaqqissuunnerat aamma ataqatigiissaarnerat.
  • Innuttaasut ineriartortitsinissamut pilersaarutaannik aallartitsineq attassinerlu.
  • Sulisut allat peqatigalugit killiffik pillugu nalunaarusiorneq.

Suliatigut ima piginnaasaqarnissat naatsorsuutigaarput:

  • Perorsaanikkut, peqqissaanermulluunniit tunngasumik ilinniarsimasutit assingusumilluunniit.
  • Aqutsinissamut sapiissuseqartutit ajornanngippallu aqutsinermut tunngasunik misilittagaqartutit.
  • Immikkoortortaqarfimmi suliatigut ineriartortitseqataassasutit

Ima inuttut piginnaaneqarnissaq naatsorsuutigaarput:

  • Akerlilersorneqaraluarlutit inuttut innarligassaanngitsutit, sunniuteqarsinnaassuseqarluarlutit kiisalu suliamut tunngasunik aalajangiussaareersunik aalajangiussisimasinnaallutit.
  • Unneqqarissumik, tunniusimasumillu sulerusussuseqartuullutillu sulisinnaassuseqartutit.
  • Nammineq aqutseriaatsimik ineriartortitsinissannut piumassuseqarlutillu piginnaasaqartutit.
  • Ataqqinnittumik akuerinnittumillu pissuseqartuusutit (sulisunut, suleqatinut, suleqatigisartakkanut il.il.)
  • Suliffeqarfimmi ineriartorfiujuartumi sulinissamut soqutiginnittutit.
  • Attaveqaqatigiinnikkut piginnaaneqarluartutit, ataatsimoorlusi aaqqiissutissanik pitsaanerusunik pilersitsinissassinnut ammasuuneq innuttaasunillu akuliutsitsineq suleriaasissatut nalinginnaasutut isigalugu.
  • Uteriitsuusutit
  • Suliassanik isiginnissinnaassuseqartutit pingaarnersiuillutillu suliaqarsinnaasutit.

Neqeroorutigaavut:

  • Ilinniartinneqaqqaarneq.
  • Suliffik unammillernartoq aamma nammineq suliatigut sunniuteqarfiusoq.
  • Siunersioqateqarnissamut kiisalu inuttut suliatigullu tunngasutigut ineriartornissamut periarfissalik.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissiamik atugassiisoqanngilaq.

Qinnuteqaatip
Qinnuteqaatip ilisarnaataata Atorfiup nr. 610/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 16. december 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Henrik Gundersen
Telefon: +299 36 60 87
Mobil: +299 522836
Nittartagaq: http://www.sermersooq.gl
Qinnuteqaat nassiutiguk