Inunnut innarluutilinnut sullissinermi ataqatigiissaarineq maanna aaqqissuuteqqinneqaqqammerpoq Inunnut innarluutilinnut tarnikkullu nappaatilinnut Immikkoortortaqarfiup ataaniilerluni, aamma pissanganartumik ineriartortussanngorpugut, tassani immikkoortortaqarfimmi inuit innarluutillit sullittarnerat ataatsimoorluta sammivilertussanngoratsigu.

Inunnut innarluutilinnut sullissinermi ataqatigiissaarinermut immikkoortortaavoq nutaaq, inuit innarluutillit sullinneqarnerat pitsaanerusumik ataqatigiissaarneqartarnissaa siunertaalluni, taamaalilluni innuttaasut ataqatigiissumik ataatsimullu isigisumik suliniuteqarnermik misigisaqartarniassammata. Immikkoortup suliassaraa innuttaasumut sullissinermi attaveqaataaneq, attaviuneq ataqatigiissaarisutullu suliassaq innuttaasumut tunngasoq suliarineqaraangat aamma innuttaasut sullinneqarnerat inunnut innarluutilinnut suliassaqarfimmi immikkoortortanit assigiinngitsunit ingerlanneqaraangata.

Taamaattumik pingasunik suleqatissarsiorpugut, innuttaasunut inersimasunut piginnaasaqassutsimikkut annikilleriarsimasunik aamma qanigisaanut sullisserusuttunik. Aamma immikkoortortaqarfimmi suliatigut piginnaasat pingaartinnerinik, assigiinngissutsimik, ataatsimoornermillu suliffitsinni ilisarnaateqarfiusumut akuunissamut kissaateqartunik.

Atorfimmi illit suleqatitillu aamma immikkoortortami aqutsisoq immikkoortortaq aallartisassavarsi ineriartortillugulu.

 

Suliassatit ilaatigut makkuussapput:

∙ Suleqatigiinnik/attaveqaatinik suleqatigiinnik pilersitsinissamut ingerlatsinissamullu akisussaaneq kiisalu innuttaasut sullinneranni qitiusumik ataqatigiissaarinissamik qulakkeerinninneq.

∙ Ingerlatsiviit akornanni attavinnik suleqatigiinnillu oqallittarfimmik pilersitsineq

∙ Inunnut innarluutilinnut sullissisarnermi pitsaassutsimik qaffaanermut suleqataaneq

 

Sulianut tunngasutigut piginnaasat

 

∙ (Kommunini) sulianik sullissinermik misilittagaqarneq paasisimasaqarnerluunniit

∙ Piginnaasamikkut killeqalersimasunik inunnullu innarluutilinnut suliassaqarfimmut, taakkununngalu tunngasunik inatsisinik ilisimasaqarneq

∙ Innuttaasunik qanigisaanillu sullitanik misilittagaqarneq

∙ Attaveqallaqqissuuneq, aamma suliassat ataatsimoorluni suliarineqaraangamik pitsaanerusumik aaqqinneqartartut upperissavat

∙ IT-mut tunngasunik ilisimasaqarneq, GetOrganized misilittagaqarfigigaanni iluaqutaassaaq

∙ Kalaallit Nunaanni inuiaqatigiinnut kulturimullu ilisimasaqartuussaatit

∙ marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

 

Inuttut

 

∙ Tunngaviusumik allaanerussuteqarneq ataatsimoornerlu nukittut isigissagitit

∙ Pitsaasumik suleqataanissat pingaartippat

∙ Aaqqissuulluagaasumik ingerlataqarnermut nuannarisaqarneq

∙ arlalinnik suliaqarlutit nuannarissagit

∙ paasisaqarusussuseqartutit, alapernaatsuusutit allallu isiginnittaasiinut akuerinnittuusutit

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: susassaqarfimmi pisortaq Mathias Knude Brusgaard, oqarasuaat +299 562761 imaluunniit e-mail: mtbr@sermersooq.gl

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

Inissaq:
Atorfininnermut atatillugu inissiamik innersuussisoqarsinnaanngilaq.

 

Qinnuteqaat:
Qinnuteqaat qulequtserlugu Atorfiup ilisarnaataa 855-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Ingerlatsivik pillugu

Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqarsoraagut. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilluareerpugut. Pikkorissunik sulisoqassagaanni suliatigut tunngasut atorlugit sulineq pingaartinneqartariaqartoq upperaarput!

 

Alapernaannerulersimaguit

Kommunip nittartagaani suliat allaaserineqarnerini suliatsinnut malittarisassat pillugit atuarsinnaavutit, aammattaaq allanik apeqqutissaqaruit attaveqarfiginissatsinnut tikilluaqqusaavutit.

Illiuguit eqqortunik naleqartitalik, sulilu misilittakkanik amigaateqarlutit tusarfiginissat aamma soqutigaarput. Atorfiup tulluarsarnissaanut periarfissaqarpoq, taamaalillutit suliassat ilaannik sulilerniassagavit inerisarfigalugillu.

Tusarfiginissat qilanaaraarput.

 

Qinnuteqarnissamut killissarititaasoq: oktobarip 11.-at, 2023

Atorfik una qinnuteqarfigiuk