Skip to main content
89

Dette jobopslag er udløbet

Inuit annertuumik innarluutillit sullinnissaanut piumassuseqarpit? Taamaappat illit pisariaqartippatsigit. / Job nr 651/19

Inunnik Innarluutilinnik Sullivimmi unnuarsiortussamik ataatsimik Piginnaangorsaqqiinermut neqeroorummut sulisussarsiorput, piaarnerpaamik immaqaluunniit isumaqatigiinnikkut atorfinissinnaasumik.

Piginnaanngorsaqqiinermut neqeroorut tassaavoq annertuumik innarluutilinnut inersimasunut utaqqiisaasumik najugaqarfik, tassa imaappoq inuttaasut assigiinngitsunik nappaatinik suussusilikkanik nappaatillit. Massakkut piginnaanngorsaqqiinermut neqeroorummi najugaqartuupput autismeqartut, skizofrinertut, ineriartornermikkut akornutillit kiisalu allatut innarluutillit.

Unnuarsiortutut unnuakkut eqqumasassaatit innuttaasullu ajunnginnersut qulakkiissallugu.

Atorfik ullormut suliffiusussamik atorfiuvoq.

Naatsorsuutigaarput:

  • Inuit annertuumik innarluutillit sullikkusukkitit
  • Inunnik annertuumik innarluutilinnut sullissinermik misilittagaqaruit pitsaassaaq
  • Perorsaanermi ilinniarsimanissat ilinniagarluunniit assingusoq ilinniarsimagit
  • Suleqatigiit amerlanngitsut akornaniissinnaasoq, suleqatigiinneq pingaarnerpaatillugu
  • Malinnaasinnaasoq aamma pisunik paasinnissinnaasoq

Tamatuma saniatigut pingaartipparput:

  • Aalajaatsuusutit
  • Sulianik eqaatsumik sulisinnaalluni takutitsisartoq suliallu agguataarneqarnerini ingerlaavartumik iluarsiisartoq
  • Suleqatiginnillaqqittuusutit
  • Qinnuteqartut marluinnik oqaaseqartuuguni (kalaallisut/qallunaatut) iluaqutaassaaq, piumasaqaataanngilarli

Neqeroorutigaavut: 

  • Suliffik pissanganartoq suliassaqarnartorlu, ullullu assigiinngiiaartut.
  • Suliffeqarfimmi sunniuteqarnissamut periarfissaqartoq suliffeqarfillu ineriartortuarlunilu allanngorartuartoq, innuttaasut pitsaanerpaamik tunniussaqarfiginissaat eqqarsaatigalugit
  • Atorfimmi sunniuteqarnissamut periarfissaqartoq suliassallu aamma sunniuteqarfigisinnaallugit
  • Oqartussaasoqarfinnik assigiinngitsunik sulialinnik suleqateqarneq

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. xxx/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.

Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 01-11-2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Katrine Werum Baad
Telefon: +299 366352
Mobil: +299 564532
Nittartagaq: http://www.sermersooq.gl
Qinnuteqaat nassiutiguk