Skip to main content
88

Dette jobopslag er udløbet

Innersuussisartunik marlunnik utoqqarnik sullissivimmi pissarsiorpugut/ Job nr. 320/20

Innersuussisartumik pikkorissumik kajumissuseqarluartumillu piaartumik Kommuneqarfik Sermersooq sulisussarsiorpoq.
Innersuussisartuni suleqataasutut ullut pissanganartuupput suliassallu tamatigoortuullutik ilaatigut suliatigut inuttullu ineriartornissamut periarfissaqarluarluni.

Innersuussisartutut suleqatit innuttaasunut utoqqarnut kommunimit neqeroorutinik innersuussisarneq pillugu qanimut suleqatigisassavat. Kiisalu puigortunngortunut ataqatigiissaarisut, ineriartortitsinissamut peqqissaasoq, peqqinnissaqarfimmi sulisut aamma sullissisut ilaatigut qanimut suleqatigisassavatit.

Innuttaasunik utoqqarnik taakkulu ilaqutaannik suleqateqarnermit kajumissuseqarnissat pingaaruteqarpoq. Ulluinnarnilu assigiinngitsunik suleqateqarluni, namminersorluni aamma nammineq aaqqissuussilluni sulinermi iluarisimaarinnittoq.

Kommunimi utoqqaat pillugit politikkit ilaat naapertorlugu piginnaanngorsaaneq sulinitsinni atugarivarput taamaalillutalu aamma innuttaasut namminneq sapinngisamik sivisunerpaamik angerlarsimaffimmiinnissaannut ikorfartuisussaalluta. Suleriaatsivut siuarsartuarpavut illillu suleqatitit peqatigalugit aalajangeeqataanissannut periarfissaqarluarlutit.

Utoqqaat kommunimi neqeroorutinut innersuuttarnerisa saniatigut innuttaasunut napparsimmavinni katsorsarneqarlutik naammassineqareersunut innersuussisartut attaveqaataasarputtaaq.
Innersuussisartutut suleqatigiit pingasuupput taakkulu utoqqarnut sullissisuni pisortaq qaninnertut qullersarivaat.

Pingaartipparput illit:

  • Peqqissaasutut, timimik sungiusaasutut, pillorissaasutut imaluunniit isumaginninnermut Peqqissutsimullu ikiortitut ilinniagaqarsimanissat
  • Utoqqarnik sullissinermi misilittagaqarnissat
  • Arlalissuarnik suleqateqallaqqissoq
  • Allattariarsornermi naatsumik, paasiuminartumik eqqorluartumillu oqaaseqaasiorsinnaasutit
  • Akuersaartutut kajumissaarisutullu oqaloqatigiinneq piginnaasaqarfigissagit
  • Kiisalu piginnaanngorsaaqqinnermut siunertaqartumik suleriuseqarneq paasisimasaqarfigissagit

Neqeroorutigaavut:

  • Suleqatit nuannaartut pikkorissullu
  • atorfik suliassanik unammillernartulik namminerlu suliassanik sunniuteqarfiusinnaasoq
  • kommune immikkoortullu akimorlugit suleqatigiiffiusoq
  • suliffik pissanganartoq ammasorlu
  • Atorfik tamatigoortoq  unammillernartunillu suliassartalik

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq PPK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 320/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 13. juli 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Isabella Schluchtmann
Telefon: +299 366169
Nittartagaq: http://www.sermersooq.gl
Qinnuteqaat nassiutiguk