Find job
Dette jobopslag er udløbet
Innarluutilinnut aamma tarnimikkut nappaatilinnut Immikkoortortami aqutsisoq
Innarluutilinnut aamma tarnikkut nappaatilinnut Immikkoortortami aqutsisumik pissarsiorpugut, najugaqarfinni, najugaqatigiiffinni, ikorfartoqatigiinneq kiisalu sammisassaqartitsinermi aamma oqilisaassinermi neqeroorutini ingerlatsinermi aamma inerisaanermi allannguinissamut kissaatilimmik.
Ineriartortitsinermik ingerlatsillualeruttorpugut, pingaarnertullu suliatsinnik ineriartortitsinitsinni suliatigut piginnaasat, assigiinngissuseq, ataatsimoornerlu ilisarnaataassapput.Innuttaasut nammineersinnaanerulernissaannik pitsaanerusumillu inuuneqalernissaannik tapersersornissaat. Iluatsissappat, aqutsisutut isiginnittaatsit ingerlatsinermillu qitiutitserusunnerit aamma aqutsisutsinnik tapersiinissat inerisaanissallu pisariaqartippagut.
Atorfimmi fagchefi peqatigalugu najugaqarfinni arfineq marlunni, najugaqatigiiffinni tallimani, sammisassaqartitsivittullu ornittakkani marlunni kiisalu kommunimi illoqarfinni tamani ikorfartuisoqatigiinni aqutsisunut aqutsisuussaatit. Ulluinnarni ingerlatsineranni, suliniutini aamma pilersaarutini taakkua inerisarnissaannut tapertaasussanut tapersersuissaatit. Tamatumunnga pisariaqartillugu neqeroorutini aqutsisut aqunnerisa saniatigut pisariaqarfiini ingerlatsinermi ikiuuttassasutit piumasaqaataavoq. Tamatumani tapersersorniarlutit, ingerlatsinermut tunngasunik siunnersortimik misilittagartuumik sulisoqassaatit.Taamatuttaaq ineriartortitsinermik suliassani siunnersortinit marlunnit aaqqissuussinikkut fagchefip ataaniittunit tapersersorneqassaatit. Fagchefi immikkoortumik periusissiatigut pingaarnertut aqutsisuuvoq, taamaattumillu suleqatigiinneq immikkoortup ingerlalluarnissaanut pingaaruteqarluinnarpoq.
Suliatigut piginnaasat, assigiinngissuseq, ataatsimoornerlu suleriaatsimik siunissami kivitsinissap iluatsinnissaanut pingaaruteqarsoraagut. Taamaattumik suliniutinik pitsaasunik ingerlatsivugut, suliatigut qaninnerulersitsisussanik aallartisaalluta aallartilluareerpugut. Pikkorissunik aqutsisoqassagaanni aqutsisuuneq oqaluuserineqarsinnaasariaqartoq upperaarput!
Naak anguniagarput suli angunngikkaluarlugu, angusareriikkatsinnik tulluusimaarutiginnippugut: Aqutsisugut qanimut ataqatigiilluarput ikioqatigiiffiusumik. Ammasumik unneqqarissumillu attaveqatigiippugut, pitsaasumillu sulilluta angusaqarluarusulluta. Innuttaasutsinnut sammisassanik amerlanerujartortunik pilersitsisarpugut, sulisussarsiornermilu nittartakkatsinni iliuuserput sunniuteqarluarpoq, taamaattumik atorfiit ikinnerungaatsiartut inuttaqanngillat.
Naatsorsuutigaarput:
- Aqutsisutut misilittagartuujusutit, inuit imminnut atorluarsinnaanerinik eqqumaffiginnittoq
- Suliatigut patajaatsumik toqqammaveqartutit, peqatigalutalu ineriartortinnissaanut soqutiginnittutit
- Innuttaasut sullitat misilittagaqarfigigitit qanigisallu peqataatinneqarfiinik suliaqartarsimallutit
- Attaveqaqateqarnermut piginnaaneqarluartutit, immikkoortumilu suliffeqarfiup iluani avataanilu suleqatigiinnerup nukittorsarnissaanut tamassuma pingaaruteqassusaa takusinnaagit
- Kalaallit Nunaanni inuiaqatigiinnut kulturimullu ilisimasaqartuusutit, marlunnillu kalaallisut qallunaatullu oqaaseqartuullutit
Inuttut
- Tunngaviusumik allaanerussuteqarneq ataatsimoornerlu nukittut isigissagitit
- Arlalinnik suliaqarlutit nuannarissagit
- Tatitusutit oqaloqatiginnikkumasuullutillu
- Paasisaqarusussuseqartutit, alapernaatsuutit allallu isiginnittaasiinut akuerinnittuusutit
Alapernaannerulersimaguit
Kommunip nittartagaani suliat allaaserineqarnerini suliatsinnut malittarisassat pillugit atuarsinnaavutit, aammattaaq allanik apeqqutissaqaruit attaveqarfiginissatsinnut tikilluaqqusaavutit.
Illiuguit eqqortunik naleqartitalik, sulilu misilittakkanik amigaateqarlutit tusarfiginissat aamma soqutigaarput. Atorfiup tulluarsarnissaanut periarfissaqarpoq, taamaalillutit suliassat ilaannik sulilerniassagavit inerisarfigalugillu.
Tusarfiginissat qilanaaraarput.
Annertunerusumik paasisaqarusukkuit:
Annertunerusumik paasisaqarusukkuit Susassaqarfimmi pisortaq Mathias K. Brusgaard attavigisinnaavat uunga oqarasuaat +299 56 27 61 imaluunniit e-mail-imut uunga: mtbr@sermersooq.gl
Atorfinitsitsinissamut oqaloqatiginninnerit sapaatip akunnerini 25-mi ingerlannissaat naatsorsuutigaarput.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 438/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
MALIGIUK:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.
Qinnuteqarnissamut killissarititaasoq: juunip 16.-at, 2023