Skip to main content
127

Dette jobopslag er udløbet

Innarluutilinnik sullissisisumik Meeqqanut Ilaqutariinnullu ingerlatsivik Nuummi pissarsiorpoq

Nuummi Kommuneqarfik Sermersuumi Meeqqanut Ilaqutariinnullu Ingerlatsivik piaartumik isumaqatigiissuteqarnikkulluunniit atorfinittussamik innarluutilinnut isumaginninnikkut siunnersortimik/sullissisumik pissarsiorpoq. Atorfik ulloq naallugu atorfiuvoq meeqqanut inuusuttunullu innarluutilinnut sullissisutut.

Piffissaq suliffiusoq ataasinngornermiit tallimanngornermut (sapaatip akunneranut nalunaaquttap akunnerinik 40-t).

 

Sulininni pingaarnertut suliassatit makkuussapput:

·Sulianik meeqqanut tunngasunik suliaqarneq, ilaatigut paasissutissanik attuumassuteqartunik tamanik nalunaarsuineq.

·Inuit innarluutillit tapersersorneqarnissaannut Inatsisartut inatsisaat nr. 13, 12. juni 2019-imeersoq naapertorlugu inummut sammititamik nakkutilliineq

·Sulianik ingerlatsineq aamma innarluutilinnut tunngasuni siunnersuineq

·Inatsisit atuuttut naapertorlugit suliassallu allaaserineri innuttaasut aataasiakkaat pisariaqartitaannik nalilersuinikkut sulineq

·Ilaatigut ataatsimiititanut allanut saqqummiussassanik suliaqarneq

·Suliffiup iluani avataanilu suleqatigisanik attuumassuteqartunik suliaqartarneq

·Iliuusissatut pilersaarutinik malinnaasitsineq suliaqarnerlu

·innuttaasunik oqaloqateqarneq

·Siunertaq pisariaqartitsinerlu apeqqutaatillugit oqartussaassusilinnut attuumassuteqartunut paasissutissanik noqqaassuteqarneq.

·Ilaqutariinnut ikiorsiissutit tulluartuujuarnissaat pillugu iliuusissatut pilersaarummik suliaqarneq, nutarterineq nalilersuinerlu.

·Siunertaq pisariaqartitsinerlu apeqqutaatillugit oqartussaassusilinnut attuumassuteqartunut inassuteqaasiorneq innersuussisarnerlu.

·Qinnuteqaatinik assigiinngitsunik suliaqarneq, tassunga ilaallutik aningaasartuuteqarnerunermut, tikeraarluni angalanermut suliniutinut, efterskoleriarnermut, højskoleriarnermut, inissiinerup allamut nuunneqarneranut, angerlartitsinermut, suliniuteqareernerup kingorna malinnaaviginninnermut il.il. tunngasut.

·Meeqqanik inuusuttunillu inissinneqarsimasunik ukiumoortumik nakkutilliiartortarneq.

·Ikiorneqarnissamik pisariaqartitsisoqartillugu psykiatrimut oqartussanulluunniit allanut allagaqaasiorneq.

·Piginnaatitsinermut pilersaarutit aamma maleruagassanut malittarisassat atuuttut malillugit atorlugillu

·Ulluinnarni suliassat assigiiaamik suliarineqarnissaat qulakkeerniarlugu isumasioqatigiilluni ataatsimiinnernut peqataaneq

·Suleqatigiinni, immikkoortortami, ingerlatsinermi kiisalu avataaniit suleqatigisartakkat ataqqinnittumik siunnerfeqartumillu suleqatigalugit

 

Naatsorsuutigaarput:

Naatsorsuutigaarput, illit isumaginninnermi siunnersortitut imaluunniit isumaginninnermik suliaqarnermut tunngasumik ilinniagaqarsimanissat, sulianillu meeqqanut tunngasunik siammasissumik ilisimasaqartutit, ilaatigut oqaloqatiginninnerit kingorna paasissutissanik attuumassutilinnik nalunaarsuinerit, ataatsimiinnerit allakkanilluunniit tigusaqarnerup kingorna paasissutissanik pisariaqartunik nalunaarsuinermik.

Naatsorsuutigaarput, oqaloqatiginnittarnerit assigiinngitsut sungiusimallugit ingerlassinnaagitit, tutsuiginartuullutit tunuarsimaartuunngitsutit, ajornanngippallu innuttaasunik, meeqqanik suleqatigisartakkanillu oqaloqatiginneriaatsit assigiinngitsut ilisimasaqarfigigitit. Suliamik anguniagaqarusussuseqarneq pimoorussisuunissallu pingaaruteqarpoq. Namminersorlutit sulisinnaasutit, suleqatigiinni suleqatigiinnissamik pingaartitsiffiusumi akuusinnaasutit. Ullormut nalaattakkat siumut oqaatigiuminaassinnaasarmata allanngueriaannaassuseqassaatit, attavigiuminartoq tatitoorlu. Ingerlatsivimmi ineriartortitseqataassaatit, naatsorsuutigaarpullu aaqqiissutissarsiorluarsinnaassuseqarlutillu ajunnginneq angorusullugu uparuaasinnaassuseqartutit.

 

Neqeroorutigaavut

  • Immikkoortortami nuannersumi atorfik suliatigut qaffasissoq
  • Suleqatit nuannaartut pikkorissullu
  • Atorfik suliassanik unammillernartulik namminerlu suliassanik sunniuteqarfigisinnaasaq
  • Suliassaqarfinni assigiinngitsuni sulisunik suleqateqarnerit
  • Suliffik pissanganartoq ammasorlu
  • Atorfik tamatigoortoq unammillernartunillu suliassartalik

 

Pineqaatissinneqarsimannginnermut aamma meeqqanik pinerliisimannginnermut uppernarsaatit:
Atorfik taanna meeqqanik pinerliisimannginnermut aammalu pineqaatissinneqarsimannginnermut uppernarsaammik peqartussaatitaaneq pillugu inatsit naapertorlugu piumasaqaatitaqarpoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut,meeqqanik pinerliisimannginnermut uppernarsaat Rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:Kalaallit Nunaanni Naalakkersuisut, AK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.Atorfinitsitsineq qaammatini pingasuni misiligutitaqassaaq.

 

Annertunerusumik paasisaqarusukkussi;

Atorfik inuttassarsiorneqartoq pillugu annertunerusumik paasisaqarusukkussi, immikkoortortami aqutsisoq Susanne Frandsen oqarasuaat; +299 36 72 43 E-mail; sfra@sermersooq.gl attaveqarfigisinnaavarsi.

 

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

Qinnuteqaat:Qinnuteqaat atorfiup normuanik ilisarnaatilik

Atorfik nr. 401/22 aamma ilinniagaqarsimaneq siornatigullu suliffigisimasat pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani Sulisoqarnermut immikkoortortaqarfimmit tiguneqareersimassaaq.

 

Ima qinnuteqassaatit:

Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allermi innersuussaq toorlugu qinnuteqaatit CV-llu kakkiullugit nassiussinnaavatit.

Qinnuteqarnissamut killissarititaasoq: juulip 5.-at, 2022

Atorfik una qinnuteqarfigiuk