Inissinneqarsimanerup kingorna isumassuinermut tunngasuni Inuusuttunut siunnersuisartutut atorfiit

 

Tatiginarpasissuuit, tamatigoortoq inuusuttunillu sullissinermik nuannarisaqartoq? Taava Kommuneqarfik Sermersuumi Inuusuttunut Sullissivimmi sulinissat ilinnut piukkunnaateqarpoq.

Meeqqanut Ilaqutariinnullu immikkoortortaqarfik suleqatissamik nukissalimmik pitsaasumillu isiginnittariaasilinnik, inuusuttunik inissinneqarsimanerup kingorna inersimasuunermut ikaarsaalersunik isumassorneqartussanik sullissinitsinnik ikiuisussanik pissarsiorpoq. Atorfiit Saqqarlerni Inuusuttunut Sullissivimmiipput.

Naatsorsuutigaarput, nukittuujusutit pitsaasuullutillu, imminullu piumaffigisutit pitsaassutsimik qaffasissumik tunniussinissannut. Inuusuttunik assigiinngitsunik unammilligassaqartunik sullissinnermik nuannarisaqaruit, Kommuneqarfik Sermersuumi Inissinneqarsimanerup kingorna isumassuinermut tunngasuni Inuusuttunut siunnersuisartutut atorfik, pissanganartoq allanngorartuartorlu, ilinnut neqeroorutigineqarsinnaavoq.

Atorfik

Suleqatigiit tunniusimasut ilaaniilissaatit, inuusuttunik inissinneqarsimanerup kingornatigut isumassorneqartussatut immikkullu sullitassatut innersuunneqarsimasunik sullissisussaapput, tassa inuusuttunik 18-23-nik ukiulinnik. Inissinneqarsimanerup kingorna isumassuinermut tunngasuni Inuusuttunut siunnersortitut atorfimmut tunngatillugu inuusuttut ataasiakkaat qanimut suleqatigineqartartussaapput, inersimasutut inuunermut imminullu ikiorsinnaalernissamut piareersarneqarneranni. Inuusuttunut Sullissivimmi suleqatit allat peqatigalugit suliniutinik ineriartortitsinissamut aammalu aamma inuusuttut peqatigalugit angalasarnissanut periarfissarpassuaqarpoq.

 

Inissinneqarsimanerup kingornatigut isumassuinermut tunngasuni Inuusuttunut siunnersortitut akisussaaffigisassatit aalajangersimasut:

 

·Inuusuttunut Sullissivimmi inissinneqareernerup kingorna isumassuinernut tunngasunut innersuunneqarsimasunik sullissineq inuusuttunik 18-23-nik ukiulinnik.

 

·Inuusuttoq peqatigalugu suliat piviusut pilersaarusiorneri, iliuusissatut pilersaarutit angunissaannut.

 

·Inuusuttut ineeraanni sulineq.

 

·Malitseqartitsinermut inuusuttut eqimattat sammisassaat attuumassutillit pilersaarusiorneri

 

·Inuusuttumik, taassuma ilaqutaanik attaveqaataanillu suleqateqarneq

 

·Isumaginninnermi siunnersortinik, inuusuttunik innersuussisartunik, suleqateqarneq

 

·Inuusuttoq peqatigalugu ilinniarfinnik, suliffeqarfinnik allanillu attuumassuteqartunik suleqatiginninneq

 

·Angalanissanik suliniutissanik pilersaarusiorneq aammalu immikkut ittunik sammisassaqartitsinernut aningaasaliisussarsiornerit

 

·Immikkoortortaqarfimmi suleriaatsinik pitsaanerpaanik suleqatit peqatigalugit ineriartortitsineq

 

Naatsorsuutigaarput meeqqanik inuusuttunillu inuuniarnikkut ajornartorsiuteqarsimasunik sullissinermi misilittagaqarlutit sulerusussuseqartutit aamma piumassuseqarlutit allanngueqataajumasuusutit.

 

Piginnaasatit:

 

·Inuusuttunik ilitsersorneqaratik ikorfartorneqaratillu nammineernissamik ajornartorsiortunik sullilluarsinnaasuusutit

 

·Inuusuttut kajumissuseqartinneqarnissaannut, ajunngitsussamik aalajangiusimanninnissaannut piumassuseqarnissaannillu pigiliussaqartitsisinnaassuseqartuusutit

 

·Piginnaasaqartutit inuusuttut tunngavigineqarnissaannik, ataqqinnittumillu taakkua anguniakkaminnik angusaqarniarneranni suleqateqarsinnaassuseqartuusutit

 

·Inuusuttut suleqatigisanik allanik suleqateqarsinnaanermut ikiorfartuisinnaasutit

 

·Piumasaqaateqarsinnaasutit naleqquttumillu ikiorfartuisinnaallutit

 

∙ marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

 

Pingaartinneqarpoq illit

 

·Nukissaqarluartuusutit, pitsaasussarsiortuusutit, sulianut paasisimasaqartuullutillu tunniusimasuusutit

 

·Immikkoortortami persuarsiorpalaanngitsumi qiimanermillu anersaaqarfiusumi sulisinnaasutit

 

·Allannguinermik inunnut sunniuteqarsinnaasutit

 

·Killilersuineq pinnagu periarfissanik takunnissinnaasutit taakkulu iliuuseqarfigalugit

 

·Suleqatigiuminartuusutit

 

·Akisussaaffimmik tigusisinnaasutit, suliallu naammassinissaasa tungaanut suliarisinnaallugit

 

·Unammillernartunik suliaqarsinnaaneq, eqaatsumillu periuseqartuusutit

 

·Ilungersuuteqarsinnaasutit nalunagulu iluatsitsineq isumaminik takkunneq ajortoq.

 

Piffissaq suliffiusoq nikerartuussaaq nal. 7:00 og 22:00-illu akornanni.

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Centerlederi Cecile Jeremiassen oqarasuaat +299 366929 imaluunniit e-mail: ceje@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 919-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: februaarip 2.-at, 2023

Atorfik una qinnuteqarfigiuk