Skip to main content
144

Dette jobopslag er udløbet

Ingerlatsinermut pilersaarusiortoq Angerlarsimaffimmi Ikiortit allaffiannut / Atorfiup ilisarnaataa 413/19

Inuiaqatigiit utoqqaqassusaata annertusiartornerani amerlanerit angerlarsimaffimmiinnissaat peqqutigalugu, massakkut ingerlatsinermi pilersaarusiortoq suleqatissaminik pisariaqartitsivoq.

Qarasaasiamik atuillaqqissuunerit atorluarlugu orniguffissanik pilersaarusiorluarnermillu suliaqarnissaq pilerigigukku, iteriallusuujuguillu nal 7.00 suliartorusuttartoq, taava tusarfigerusuppatsigit.

Qanimut suleqatissatit tassaapput immikkoortumi aqutsisoq, pitsaassutsimik ineriartortitsisoq angerlarsimaffimmilu ikiortit.

Suliassat

  • orniguffissanut pitsaasumik pilersaarusiornikkut, innersuussinerit naapertorlugit suliassat sulisunut eqqortunut, innuttaasunut orninneqartussanut isumannaarineq
  • immikkoortumi aqutsisoq suleqatigalugu innutaasut aatsaat sullinneqartalertussat aammalu innuttaasut maannakkorpiaq pisariaqartitsisut nalilersuiffiginissaat sullinneqarnissaallu
  • suliamik sullissinerullu pitsaassusissaanik malinninneq
  • immikkoortortami aqutsisoq peqatigalugu allaffimmi suliassanik suliaqarnermi peqataaneq, oqarasuaatilinerinerit, kisitsisinik nalunaarsuinerit, buskortilerinerit tusass-ilerinerillu
  • sulinermi atortussanik inniminniinerit
  • orniguffissanik agguaassinerit
  • innuttaasunik aatsaat sullinneqartalersoqartillugu aammalu sullissinissamik pilersaarusiornerit/innuttaasut sullinneqartut pilersaarusiorneri
  • matuersaatinik mobilinillu aqutsineq
  • napparsimasoqartillugu innuttaasup angerlarsimaffiani suliassanut peqataaneq
  • ingerlatsinermut pilersaarusiortup pitsaasumik aqutsineq aqqutigalugu sulisut pitsaanerpaamik atorluarneqarnissaat isumannaareqataaffigissavaa

Ilinniakkatigut piginnaasaqartutit

  • peqqinnissamut tunngasunik ilinniagalik
  • kisitsisitigut nalunaarsueqqissaarisinnaasoq qarasaasiamillu atorluaasinnaasoq, ajornanngippat utoqqarnut tunngasunik suliaqarnermik misilittagalik
  • sulisunik isumalluutinillu allanik aqutsilluarsinnaasoq
  • ajornanngippat isumassuinermi piffissanillu suliffiusussanut tunngasunik suliaqarnermi misilittagalik

Nammineq piginnaasat:

  • suleqatiginnilluarsinnaasoq, pilersaarusiornermilu annikitsuararpassuarnik eqqarsaatiginnittartoq
  • tusarnaarluarsinnaasoq attaveqallaqqissorlu
  • tatisimaneqarnermi aaqqiissutissanik takunnillaqqissoq
  • nukittoqutigaatit eqqissisimaneq, pitsaasumik isiginnittaasilik aammalu nammineq piginnaasannik killissannillu ilisimannittoq
  • suliamut tunngasunik tamanik suleqateqarnermi paasinnissinnaasoq
  • unneqqarissoq suliffimmillu ataqqinnilluartoq
  • pitsaasumik isorinnittumillu isornartorsiuinernik tigusisinnaasoq, aammalu inuit assigiinngitsuunerinik inissaqartitsillunilu najoqqutaqarsinnaasoq

Neqeroorutigaavut:

  • Suliffeqarfimmi ineriartortitsineq, akisussaaqataaneq sunniuteqaqataasinnaanerillu pingaartinneqartut.
  • suliffik pissanganartoq assigiinngisitaartunik unammilligassarpassuarnillu suliassaqarfiusoq
  • suleqatigiit suleqatigiinnermik pingaartitsisut, ingerlatitsinissamik paasinnittut
  • immikkoortortami aqutsisoq, suleqatigiit pillorissaasut, innersuussisartut puigortunngortunullu tunngasunik ataqatigiissaarisoq qanimut suleqatigalugit
  • pitsaasumik ilisarititsineq sungiusarneqarnerlu

Nuummi Angerlarsimaffimmi ikiorteqarfiup ilisaritinnera.
Immikkoortortami aqutsisoq ataaseq sulisunik 20-inik aqutaqarpoq, ullukkoortartunik unnukkoortartunillu, Nuummi Nuussuarmilu innuttaasunik 160-inik sullitaqartunik.

Siunissaq ungasinnerusoq isigalugu ingerlatsinermut pilersaarusiortunik marlunnik peqalissaaq, qulaaniittut malillugit atuuffeqartussat.

Taakkua saniatigut sineriammi immikkoortumi aqutsisoqarpoq, sineriammi utoqqaat illuini kiisalu illoqarfinni nunaqarfinnilu angerlarsimaffinni ikiorteqarnermi ingerlatsineq qulakkeerniarlugu.

Kommuneqarfik Sermersooq pingaartitat pingaarnerit pingasut aallaavigalugit sulivoq: Ataqqinninneq, akisussaaneq ineriartornerlu, illillu qinnuteqartutut pingaartitanik taakkuninnga pingaartitsisuunissat pingaaruteqarpoq.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

 

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 413/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:         
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 11. juli 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Isabella Schluchtmann
Telefon: +299 366169
Nittartagaq: http://www.sermersooq.gl
Qinnuteqaat nassiutiguk