Skip to main content
127

Dette jobopslag er udløbet

Ingerlatsinermut Immikkoortoqarfimmi aqutsisoq

Inunnut innarluutilinnut tarnikkullu nappaatilinnut Immikkoortortaqarfimmut Ingerlatsivimmi aqutsisutut piukkunnaateqartumik pissarsiorpugut

 

Misiliigit: Allannguiffimmi qitiusumik inissisimalerit

 

Kommuneqarfik Sermersooq Inunnut innarluutilinnut tarnikkut nappaatilinnullu immikkoortortaqarfimmi suleriaatsimut nutaamut ikaarsaarpoq. Allanngorartitsisumik immikkoortortaqarfimmi ingerlatsivimmi aqutsisumik pissarsiorpugut allanguiffimmiinnaanngitsoq kisiannilu aamma piviusunngortinnerani pingaarutilittut inissisimarusuttumik.

 

Illit inissisimaffiit:

Takorluukkat piviusullu akornanni ataqatigiissitsisutut immikkoortumi aqutsisoq siunnersuisooqatigiillu tunniusimalluartut qanimut suleqatigissavatit. Ataatsimoorlusi najugaqarfissatut neqeroorutitsinni, najugaqatigiiffitsinni, sammisassaqartitsivittullu ornittagaatitsinni kiisalu kommunimi illoqarfinni tamani ikorfartuisoqatigiinni aqutsinermut tapertaassaasi.

 

Suliassaraat:

Ineriartortitsinermut ilusileeqataaneq ingerlatsinerlu, qanoq innuttaasut nammineernerulersinnaanerannut inuunerisalu pitsaassusaannut tapersersorsinnaanerinut pitsaassutsinik nutaanik aalajangiisoq.

 

Illit suliassatit:

Immikkoortortaqarfimmi ingerlatsivimmi aqutsisutut suliassat assigiinngilluinnartut suliarissavatit, aqutsisut sulisullu qanimut suleqatiginerannit neqeroorutitsinnillu paasinninnermit pitsanngorsaanermillu, piginnaanngorsaaqqinnermut suliniutitsinni peqataalissaatit. Tamaangalu unittoqassanngilaq. Aqutsisutut ingerlatsinermut suliassanut akisussaaqataassaatit, immikkoortortani tamani aqutsisunut ikiuisassaatit pisunilu pinartuni ikiuuttassaatit aqutsisullu sulinnginnerini taartaasassallutit. Tamatuma ingerlatsinitsinnut immikkuullarissumik inuppalaartumik ilusiliinissamut sunniuteqarnissannut periarfississavaatit. Kiisalu pisariaqartitsisoqartillugu suliartorsinnaanermut atuuffik atorfimmut ilaavoq.

 

Ineriartornerit:

Atuuffik taanna eqqortumik inuttassaasumut ingerlariaqqinnissamut periarfissatut isigaarput. Ingerlatsivimmi aqutsisutut suliassani suliassaqarfimmilu piginnaanivit ineriartortinnissaannut pitsaanerulersinnissaannullu periarfissinneqassaatit, ilutigalugu pingaarnertut suliassatsinnut peqataassallutit.

 

Illit kinaavit?

∙ Sullitatsinnut paasinnilluarsinnaavutit aammalu misissueqqissaartuullutit aaqqissuussaasumillu sulisinnaallutit

∙ Attaveqartarnerit ersarippoq, suliffiullu iluani avataanilu attaveqarnissamut atornissaa paasisimavat

∙ Kalaallit Nunaanni inuiaqatigiit kulturilu pillugit ilisimasaqarluartutit, iluaqutaassaarlu marluinnik oqaaseqaruit, piumasaqaataanngilarli

∙ Inuttut assigiinngissuseq ataatsimoornerlu pingaartippatit, suliassallu arlallit ataatsikkut ingerlassinnaallugit, aamma isumatusaartumik oqaloqatiginninnissamut piareeqqajuaannarputit

 

Soqutiginarpa? Oqaloqatigeeriarta. Pilersaarutigut pissanganartut pillugit avitseqatiginnikkusuppugut, iliuusissatut pilersaarutinit nutaanit aqutsisoqatigiinnut aamma workshoppinut nutaaliorfiusunut.

 

Una atorfiinnaanngilaq. Kommuneqarfik Sermersuumi Inunnut innarluutilinnut tarnikkullu nappaatilinnut Immikkoortortaqarfiup siunissaanut ilusileeqataanissannut tassa periarfissat. Unammilligassat piareersimaffigaagit?

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Marie Grønvold, oqarasuaat +299 564466 imaluunniit e-mail: mgro@sermersooq.gl

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.

 

Inissaq:

Atorfininnermut atatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 880-23 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

 

Qinnuteqarnissamut killissarititaasoq: oktobarip 23.-at, 2023

Atorfik una qinnuteqarfigiuk