Skip to main content
91

Dette jobopslag er udløbet

Inatsiseqarnermut Malitsitsinermullu Immikkoortortaqarfik inatsisinik malitseqartitsinermillu suliaqartussamik pissarsiorpoq / Atorfik nr. 44/21

Kommuneqarfik Sermersooq, nunap annertussusia eqqarsaatigalugu nunarsuarmi kommunit anginersaanni, Nuuk Kalaallit Nunaanni kusanartumi ineriartortitsinermi qitiulluni illoqarfiit pingaarnersaraat, innuttaasut sukkasuumik amerliartorlutik aningaasaqarnermilu annertuumik siuariartorfiulluni.  Kommune innuttaasut 2030-mi 30.000-inngornissaannik takorluugaqarluni nalunaaruteqarnikuuvoq, kommunillu anguniagaq taanna anguniarlugu Siorarsiorfik 2023-mi aallartissavaa, Kalaallit Nunaata oqaluttuarisaanerani illoqarfimmik ineriartortitsinermi suliniutit anginersaat. Kommune, tassunga ilanngullugit ingerlatsiviit tallimat tamarmik, annertuumik ineriartortitsineq taanna pakkersimaartariaqarpaat tassungalu atatillugu sunniuteqartumik, pitsaasumik aamma Kalaallit Nunaanni inatsisit atuuttut naapertorlugit naleqqussaanerit ingerlanneqartariaqarput. Tamassumunnga iliuusissat pisariaqartut ilaattut Inatsiseqarnermut Malitsitsinermullu Immikkoortortaqarfik, kommunaldirektørip toqqaannartumik ataani, pilersinneqarpoq.

Kommuneqarfik Sermersooq inatsisilerituumik tunniusimasumik pissarsiorpoq. Suliassatit ilaatigut tassaassapput malitseqartitsinermik nakkutilliinermi peqataaneq, inatsisinik atuuttunik il.il. malinninngitsunik paasiniaaneq aamma malinninngeriataarnissat annikillisinnissaat, tassunga atatillugu nalunaarusiornerit kiisalu inassuteqaatinik suliaqarnerit. Malitseqartitsinermi pisortaq toqqaannartumik pisortarissavat.

Atorfiup imarisaa:
Immikkoortortaq marlunnik immikkoortortaqartussatut ilusiligaavoq, malitseqartitsinermut inatsiseqarnermullu tunngasut.

Inatsisilerinermi ilaatigut ilaatinneqarput kommunimi ingerlatsivinnut tamanut ikiuineq ilitsersuinerlu, tassunga ilanngullugit pisortat ingerlatsinerat pillugu inatsit, kommunit aqunneqarnerat pillugu inatsit tassunga ilanngullugu kommunimut piginnaatitsissut, avatangiisit sanarfinerlu pillugit inatsisit, isumaginninnermut inatsit, tassunga ilanngullugit meeqqat inuusuttullu pillugit inatsit kiisalu inatsisit atuarfeqarnermut atuartitsinermullu tunngasunut.

Malitseqartitsinermi malitseqartitsinerup ingerlalluartup atorneqarluarsinnaasullu atuutilersinneqarnera ilaavoq. Suliassatit ilaatigut tassaassapput ingerlatsivinni tamani aqutsinermik nakkutilliinermik pisortaqatigiinnut, aqutsisunik nutaanik aqutsinermik nakkutilliinermik ilitsersuineq ilinniartitsinerlu kiisalu naammagittaalliutinik suliaqarneq il.il. Pisortat isumaqatigiissuteqarfigalugu tamakkununnga tunngasunik allanik suliassaqarsinnaassaatit. Immikkoortortaqarfimmi maannakkut sulisut pingasuussapput-sisamaassapput, taakkulu tamarmik malitseqartitsinermi pisortaq pisortarissavaat.

Pingaarnertut suliassatit ukuussapput:
Suleqatigiinni tunniusimallutit peqataaneq:

  • malitseqartitsinermik sunniuteqartumik atuutilersitsineq aaqqissuussinerlu, tassunga ilanngullugit iliuuseqarluni pisullu tunngavigalugit nakkutilliineq
  • suleriaatsinik najoqqutassianillu suliaqarneq
  • Inatsisilerinermi pitsaassutsimik misissuineq pitsaassutsimillu ineriartortitsineq,
  • kommunimi tamarmi, pisortaniit immikkoortumi aqutsisunut, aqutsinermik nakkutilliinermik ataqatigiissaarisuuneq
  • inatsisinik sulianut tunngassuteqartunik suliffeqarfimmi namminermi pikkorissartitsinerit,
  • ingerlatsivimmi aqutsisooqatigiit suleqatigalugit ingerlatsivinni tamani aqutsisut nakkutilliisarnerannik ineriartortitsinermut tapersiineq
  • suliat aalajangersimasut pillugit avataanit saaffiginnissutinik suliaqarneq/aaqqissuussineq,
  • suliassanik suliaqarnermut tunngasunik suliaqarneq.

Qinnuteqartunut piumasaqaatit:

  • cand.jura-tut, cand.merc.-itut ilinniagaqarneq, naleqquttumilluunniit allamik ilinniagaqarneq
  • pisortat ingerlatsinerat pillugu inatsimmik ilisimasaqarluarneq
  • suleqatigiit suleqatigiinneranni peqataalluarsinnaaneq
  • suleqatiginnissinnaassuseqassaatit, inoqatitit naligalugit ataqqillugillu naapissinnaassavatit
  • Aalajaatsuunissaq, pitsaassutsimik ilisimasaqarluarneq immikkoortualunnillu maluginiaasinnaaneq
  • Ataatsimut takunnissinnaaneq attatiinnarlugu arlalinnik suliaqarsinnaaneq
  • Sulianut atatillugu tamatigoortuusinnaaneq suliallu ataavartumik agguataarneqartarnerannik nalimmassaalluarsinnaaneq
  • Ulluni ulapaarfiusuni ukkassilluni aaqqissuussaasumillu sulisinnaassuseqarneq
  • immikkoortortami   suliassat ingerlanneqarnerini ingerlaavartumik ineriartortitsinermut pitsanngorsaanermullu suleqataaneq
  • Peqqissaartuussaatit, ataqatigiissaaralutit aaqqissuussisinnaassaatit, tatituujussaatit, suliniuteqartuussaatit, nukissaqarluassaatit iliuuseqarnissamullu piumassuseqarluarlutit
  • Oqalulluni allattarissatigullu oqaasertaliornermut piginnaasaqarluartutit
  • Suliffeqarfimmi ineriartorfiujuartumi sulinissamut soqutiginnittuussaatit
  • Ataqqinnittuuneq inuttut piginnaasavit annertunersaraat.
  • Atorfeqarneq pillugu inatsisilerinermik aamma/imaluunniit isumaqatigissuusiornermik/inatsisilerinermik soqutigisaqarputit.

Qinnuteqartunut naatsorsuutigisat:

  • Atorfeqarneq pillugu inatsisilerinermik aamma/imaluunniit isumaqatigissuusiornermik/inatsisilerinermik ilisimasaqarsinnaavutit.
  • Pisortat ingerlatsivianni imaluunniit politikikkut aqunneqartumi sulinermik misilittagaqarsinnaavutit.
  • Kommuneqarfik Sermersuumik ilisimasaqarneq iluaqutaassaaq, piumasaqaataananili.
  • Kalaallit Nunaanni inuiaqatigiinni pissutsinik ilisimasaqarneq aamma kalaallisut oqalussinnaaneq iluaqutaassaqaaq, piumasaqaataananili

Neqeroorutigaavut:
Suliffik unammillernartoq suliassartalik, imarisassaanik nammineq sunniuteqarfigisinnaasaq, suliffeqarfimmilu  ineriartortinneqartuartumi allanngorartuartumillu annertuumik akisussaassuseqarfiusoq. Pingaartipparput patajaatsumik suliassanut suliffimmullu pulatikkiartuaarneqarnissaq, anguniarparputtaaq aqutsisut qanimut isumasiueqatigalugit suleqatigiinnermi silaannaap pitsaasup qulakkeerneqarnissaa kiisalu pilersitsisinnaaneq nutaaliorsinnaanerlu inissaqartinneqarnissaat.

Pineqaatissinneqarsimannginnermut uppernarsaat:
Atorfininnissamut isumaqatigiissusiortoqarsinnaavoq aatsaat kommune pinerluuteqarsimannginnermut uppernarsaammik pissarsereerpat.

Akissaatinut atorfinitsitaanermullu tunngatillugit atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqassaaq atorfeqartitsillunilu.

Atorfinitsitsineq qaammatini pingasuni misiliutaaqqaassaaq.

Inissaq:
Atorfimmut atatillugu inissaqartitsisoqarsinnaavoq, tassungalu qularnaveeqqummut ineqarnermullu, atuinermut il.il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu illuutaannut il.il. tunngatillugu ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisarneq pisassalluni. Atorfininnermi inissamik piareersimasuuteqanngikkaanni, sulisunut utaqqiisaasumik inissaqarsinnaatitaasunut, utaqqiisaasumik inissaq neqeroorutigineqassaaq, tamatumunngalu atatillugu ineqarnermut, atuinermut il.il. qulaani maleruaqqusaasut naapertorlugit akiliuteqartoqartassalluni.  Ineqarnermut, tassunga ilanngullugu atuinermut tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl

Piffissamut atorfininnissamut sulisunut qaqugu inissaqartitsilersinnaaneq apeqqutaavoq. Atorfininnermi angalaneq aamma pequtit assartorneqarnerat malittarisassat atuuttut naapertorlugit akiliussisoqassaaq.

Qinnuteqaateqarneq:
Qinnuteqaat Atorfik nr. 44/21, ilisarnaatilik, ilinniagarisimasat aamma siornatigut suliffigisimasat pillugit paasissutissartalik aamma soraarummeernermi pappilissat assilineri il.il. ilanngullugit qinnuteqaateqarnissamut killissarititaasup qaangiutinnginnerani Sulisoqarnermut Immikkoortortamit tiguneqareersimassaaq.

Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Qinuteqaat tunniunneqassaaq kingusinnerpaamik: 1. apriili 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Compliancechef Mehdi Shams
Telefon: +299 367093
Mobil: +299 284041
Nittartagaq: http://www.sermersooq.gl
Qinnuteqaat nassiutiguk