Nuussuup Atuarfia trin 3-mi ilinniartitsisumik 1. november 2023 atorfinittussanik ataatsimik pissarsiorpoq.

 

Nuussuup Atuarfia aammalu trin 3 naatsumik pillugit:

Nuussuup Atuarfia atuarfik ulapaarfiuvoq Nuussuarmiittoq (Nuummi immikkoortortaq) 347-inik atuartoqarluni, 16-nit nalinginnaasut klasseqarpoq 11-llu specialklassiullutik 1. – 10. klassimi atuartunik aammalu 51-inik piumassuseqarluartunik ilinniartitsisoqarluni.

Trin 3-mi (angajullerni) sisamanik klasseqarpugut, tassaasunik: 8.A, 9.A, 9.B aammalu 10.A atuartut katillugit 65-iullutik. Trin 3-mi suleqatigiit suleqatigiinnerup ilisarnaatigvaa attaveqaqatigiittarneq, anguniagassaqaqatigiinneq siumut takorluuineq, atuartitsinissamut aaqqissuussaasumik pilersaarusioqatigiinneq, atuartunik ilorrisimaartitsineq, aaqqiagiinngittoqartillugu iluarsiisarneq aammalu ilikkagassatigut ineriartortoqarnissaata atuutsinneqarnissaa.Suleqatigiit 8-nik inuttartussaavoq.

 

Ilinniartitsisumik ukunannga suliaqartussamik pissarsiorpugut:

Sapaatip-akunneranut 22-iusunik atuartitsisartussamik, faagini ukunani: Inuiaqatigiilerineq oqaluttuarisaanrerlu 9. A-ni, Upperisalerineq isumalioqqissaarinerlu 9. A-ni, Kalaallisut 9. B-ni, Qallunaatut 9. B-ni, Inuttut inerikkiartornermi 9. B-ni lokal valgimilu 9. B-ni. Atuartitsineri saniatigut qallunaatut atuartitsinermi siunnersortaasussaavoq, iPadinut Ikiortitut aammalu 9. B-ni klasselæreritut una ukioq atuarfiusoq ingerlassalluni. Atuartut 16-iupput.

 

Naatsorsuutigaarput:

∙Ilinniartitsisutut atuartitsinermik misilittagaqartuunissaq

∙Ilinniartitsisutut ilinniarsimasuunissaq

∙Inimi atuartitsivimmik aqutsilluarsinnaassaatit

∙Akuersaartuusutit, tunniusimasuusutit, akisussaassuseqartuullutillu aallarnisaasuusutit

∙Ammasuullutillu ilumoortuussutit attaveqatigiissitsillaqqissuusutillu attaveqallaqqittuusutit

∙Suleqatinik, aqutsisunik angajoqqaanillu pitsaasumik suleqateqarusussuseqartutit

∙Aporfiit salliutinnagit periarfissanik takunnissinnaasutit

∙Atuarfiup avatangiisaani tamatigoortuni ineriartornermullu sammisuni ilanngunnissannut kajumissuseqartutit

∙Atuarfimmi immikkoortukkuutaarlugit agguataagaasumi suleqatigiinnut ilanngussinnaasutit suleqatigiinnillu taakkuninnga ineriartortitseqataasinnaasutit

∙Handleplaniliornermik misilittagaqarsimassasutit

 

Neqeroorutigaavut:

∙Atuarfiup avatangiisai ineriartornermut sammisut, inuttut suliatigullu ineriartornissamut periarfissallit

∙Kommunimi atuarfeqarfik politikikkut pingaartinneqarfiusumi atuarfeqarfimmi atorfik soqutiginartoq atuarfillu pillugu peqqussummi atuuttumi perorsaanikkut ineriartorneq pingaartinneqartoq

∙Ilinniartitsisutut nutaatut tapersersorneqarneq

∙Suleqatigiinni isummanik pissarsiffiulluartumik suleqatit pitsaasut

∙Suliassanik sunniinissamut aaqqissuussinissamullu periarfissat pitsaasut

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup pisortaanut Kîstârak Danielsenimut, oqarasuaat +299 366401 imaluunniit e-mail: kida@sermersooq.gl

 

Meeqqanik pinerliisimannginnermut uppernarsaat:

Atorfik inatsisit atuuttut naapertorlugit meeqqanik pinerliisimannginnermut uppernarsaateqarnissamik piumasaqaatitaqarpoq. Inatsit naapertorlugu atorfinitsitsineq aatsaat pissaaq meeqqanik pinerliisimannginnermut uppernarsaat kommunimit piumasarineqareerpat.Atorfinitsitsineq pissaaq Kommuneqarfik Sermersuumi piumasarineqartutut meeqqanik pinerliisimannginnermut uppernarsaat inatsisitigut piumasarineqartunut naapertuuppat.

 

Inissaq:

Atorfininnermut atatillugu inissiamik innersuussisoqarsinnaanngilaq.

 

Akissaatit atorfinitsitaanermilu atugassarititaasut:

Namminersorlutik Oqartussat aamma IMAK-ip, Ilinniartitsisut Meeqqat Atuarfianni Kattuffiat, isumaqatigiissutaat atuuttut naapertorlugit akissaasersuisoqarlunilu atorfinitsitaanermi atugassaqartitsisoqassaaq.

 

Qinnuteqaat:

Qinnuteqaat qulequtserlugu Atorfiup ilisarnaataa 890-23-mik, ilinniagaqarsi

manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Qinnuteqarfissaq kingulleq: 

Qinnuteqaat kingusinnerpaamik 24. Oktober 2023.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 24.-at, 2023

Atorfik una qinnuteqarfigiuk