Kommuneqarfik Sermersooq Kangillinnguit Atuarfia  ilinniartitsisumik erninermut atatillugu paarlattaasussamik pissarsiorpoq.

Ulloq 15. april 2023 imaluunniit isumaqatigiissuteqarnikkut atorfinittussamik, paarlattaaneq killeqartinneqarpoq ulloq 15. februar 2024-imut

 Akullerni erninermut atatillugu sulinngiffeqartoqarnerani atuartitsisinnaasoq, atuartitsissutini ukunani: Kalaallisut, inuttut inerikkiartornermi, sumiiffimmi qinigassiissutini, eqaarsaarnermi inuiaqatigiilerinermilu.

-Kangillinnguit Atuarfiata ilisarnaatigaat: Klassit kammagiiaat, angajoqqaat suleqataalluartut aammalu atuartoq inuttut, inooqataanermigut ilisimasatigullu ineriartortoq. Oqariartaaseraarput

Ataatsimoorluta Ilinniarneq Kivissarput. Kangillinnguit Atuarfiani 500-jut sinnilaarlugit atuartoqarpoq, ilinniartitsisoqarluni katillugit 49-inik.

Kommuneqarfik Sermersooq Kangillinnguit Atuarfianni ilinniartitsisutut nutaanut unammilligassanik piukkooruit, tikilluaqqusaavutit saaffiginninnissamut.

Naatsorsuutigaatsigit:

·Ilinniartitsisutut ilinniarsimasuussasutit, assingusumilluunniit.

·Ilinniartitsisutut akisussaaffeqartumik attaveqariaaseqassasutit pitsaasumik, peqataalluartuussasutit, kajumissuseqarlutit aallartisaasinnaassasutit, ineriartuutaasumik eqqarsartassasutit, aammalu atuartunut, angajoqqaanut, suleqatinnut aqutsisunullu pitsaasumik suleqateqarsinnaassasutit.

·Atuarfiup avatangiisaanut allanngorartumut, ineriartorfiusumut atuartitsinermilu allanngorarfiusumut kajumissuseqarluartuussasutit.

·Atuarfittut ilivitsutut suleqatigiittumik ineriartortitseqataasutut peqataasumik suleqataasinnaanissat.

·Ilinniartitsisutut It atorlugu atuartitsisinnaanissat, Ipad atorlugu app’it assigiinngitsut pamersaanikkut  ilikkarnartortalinnik atuartitsisinnaaneq.

 

 Neqeroorfigissavatsigit:

·Atuarfiup avatangiisaanut ineriartortitsiffiusoq inuttut piginnaasatigullu ineriartortitsinissamut periarfissalik

·Atuarfeqarfimmi atorfik pissanganartoq, perorsaanikkut ineriartortitsineq salliunneqartoq atuarfeqarfiup inatsisitaavata ataani, politikkitigullu qaffasissumik salliutinneqartoq

·Atuarfimmi ilinniartitsisutut nutaatut pitsaasumik tapersersorneqartoq

·Suleqatigiinni suleqataanikkut isummersueqataaffiusumi suleqatit pitsaasut

·Suliassatigut sunniinikkut pilersaarusiornikkullu periarfissat pitsaasut

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Ilinniartitsisut Meeqqat Atuarfianneersut Kattuffiat (IMAK-ip) akornanni isumaqatigiissut atuuttoq imaluunniit Kalaallit Nunaannil kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu atorfinitsitsisoqassaaq.

 

Ilinniartitsisutut isumaqatigiissut malillugu atorfineqqaarnermi siullerni qaammatini pingasuni misiliisoqarnissaa aalajangersarneqarsinnaavoq.

 

Inissaq:

Atorfimmut atatillugu inimik innersuussisoqarsinnaanngilaq.

 

 

Atorfik pillugu ersarinnerusumik paasisaqarusukkuvit:

Atorfik pillugu ersarinnerusumik paasisaqarusukkuvit attaveqarfigisinnaavat Kangillinnguit Atuarfia-ni pisortaq Karl Frederik Danielsen oqarasuaat 366424 imaluunniit email: kfda@sermersooq.gl

 

Qinnuteqaat:

Qinnuteqaatip ilisarnaataata atorfiup normua 223/23, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Qinnuteqarnissamut killissarititaasoq: marsip 29.-at, 2023

Atorfik una qinnuteqarfigiuk