Tasiilami najugaqatigiiffiit ilinniarsimasumik sulisussarsiorput – inissaq neqeroorutigineqarpoq

 

 

Inunnut innarluutilinnut tarnimikkullu nappaatilinnut immikkoortortaqarfik Tasiilami nunaqarfiinilu najugaqatigiiffinnut isumassuerusussusilimmik ilakkuminartumik ilinniarsimasumik (peqqissaanermi ikiortimik, peqqissaanermi assistentimik perorsaasumilluunniit) pissarsiorpoq. Taamatut sulinissaq uummateqarfigiviuk, aamma najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.

 

 

Atorfik piffissaq suliffiusussaq tamaat suliffiuvoq sapaatip akunneranut 40 tiimit, annerusumik ullukkut unnukkullu kiisalu sapaatip akunnerisa naanerini. Najugaqartuutitta ineriartornissaannut tapersersuinermi suleqatitit qanimut suleqatigissavatit.

 

 

Najugaqatigiiffiutivut minnerusut marluupput, ataatsimut arfinilinnut inissallit. Najugaqartut tarnimikkut timikkullu piginnaasakillisimasuupput atornerluisuullutillu. Pingaarnertut suliassaraarput najugaqartut eqqarsartaatsimikkut, inooqataanikkut aamma nalinginnaasunik piginnaasassanik inerisaaviginissaat, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Najugaqatigiiffiutitta minnerusut marluusut saniatigut ikorfartorteqarpugut illoqarfimmi innuttaasut angerlarsimaffiini suliniuteqartartumik.

 

 

 

Suliassatit:

• Najugaqartut nammineernerulernissaat inuunerisaasalu pitsaanerulernissaat ineriartortillugit

 

• Najugaqartut ulluinnarni sammisassanut kajumissaarlugillu tapersersortassavatit assersuutigalugu pisuttuarnermi, pisiniarnermi, nerisassiornermi nakorsiarnermilu

 

• Suleqatit, aqutsisoq najugaqartullu suleqatigalugit najugaqatigiiffimmi ataatsimoornerulersitsineq

 

 

Suliassat najugaqatigiiffimmi sulisut allat qanimut kiisalu illup iluani avataanilu suleqatigisat suleqatigalugit suliarineqassapput ilaatigut sullissisut, SHV, Dronning Ingridip Napparsimmavissua aamma Pinerluttunik Isumaginnittoqarfik ilanngullugit.

 

 

 

Ilinnut naatsorsuutigineqartut:

• Isumassuisoq, inussiarnersoq suliffiullu pitsaasumik avatangiiseqarnissaanik takunnissinnaasoq

 

• Ilinnut siuarsarusupputit immikkoortortaqarfitsinnillu ineriartortitserusullutit, taamaalillutit najugaqartumut allannguineq pingaaruteqarluinnartoq pilersillugu

 

• Qarasaasiamik atuisinnaavutit

 

• Neqerooruterput sullinniakkagullu ilisimasaqarfigaatit

 

 

 

Uagut pilluta:

Atorfimmi tassani ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfinnut pingasunut Nuummi, Tasiilami Paamiunilu agguataarsimasut.

 

 

Immikkoortoqarfimmi annertuumik ineriartortitsiffiusumi pissanganartumilu atorfimmik neqeroorfigaatsigit. Ineriartortitsinermi ilaatigut pineqarpoq sulilerlaatut sukumiisumik ilitsersuunneqarnissat.

 

 

Tasiilaq Kalaallit Nunaata kangiani illoqarfiit annersaraat 2000-it miss. innuttaqarluni. Innuttaasut inussiarnersut ilakkuminartullu. Pinngortitarsuaq kusanartoq unammillernarsinnaasoq. Angallammik angalaarnermit/qajartornermit sikumi aalisarnermut qimussernerlu sunngiffimmi sammisassaasinnaapput. Ataatsimoornissamut peqatigiinnissamullu periarfissaqarpoq.

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: aqutsisoq Karen Poulsen attaveqarfiginissaanut oq: +299 291529 imaluunniit e-mail: kapl@sermersooq.gl tullersortiluunniit Aksel Christensen, mail: aksc@sermersooq.gl

Atorfinitsitsinissamut oqaloqatiginninnerit sapaatip akunnerani 22-mi ingerlannissaat naatsorsuutigaarput

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

 

 

Atorfinititsineq qaammatini pingasuni misiliutitaqassaaq.

 

 

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

 

Atorfiniffissamut angalanissaq:
Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna.

 

 

 

 

Qinnuteqaat:

Qinnuteqaat qulequtserlugu Atorfiup ilisarnaataa 382/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: maajip 31.-at, 2023

Atorfik una qinnuteqarfigiuk