Skip to main content
112

Dette jobopslag er udløbet

Ilaqutariinnut immikkoortortqarfimmut suleqatigiit aqutsisuanik sulisussarsiorneq / Atorfiup normua 602/19

Meeqqat Ilaqutariillu ikiortariallit atugaannik pitsanngorsaaqataarusuppit? Taava Tasiilami Meeqqanut Ilaqutariinnullu Ingerlatsivimmi sulinermut peqataanissamut periarfissaqarputit. Kommuneqarfik Sermersooq Tasiilami Ilaqutariinnut immikkoortortamut suleqatigiiaanut aqutsisussamik pikkorissumik tunniusimasumillu pissarsiorpoq isumaqatigiissuteqarnikkut atorfinittussamik.

Meeqqanut Ilaqutariinnullu Ingerlatsivik nutarfasippoq, Innersuussisoqatigiit aaqqissuusseqatigalugit, Nuummi nalunaarutiginninnerit misissuinerillu tamaasa ingerlattarpaat, Ilaqutariinnullu Ingerlatsivimmi suliarinninnerit meeqqat ilaqutariillu atugarliortut ikiorniarlugit Ilaqutariinnut Immikkoortortaqarfik immikkoortortaqarfeqarpoq kommunip illoqarfiini kitaani tunumilu.

Tasiilami Ilaqutariinnut Immikkoortortaq mikisuuvoq najukkami MI-mi pisortamit aqunneqartoq sulianik sullissisut tallimat, allaffissornermillu suliaqartumikataatsimik sulisulik. Meeqqanut Ilaqutariinnullu Sullissivik immikkoortortami allaffeqatigineqarpoq, suleqatitut qaninnerpaatut ilaqutariinnut sullissinermi naammassinnittartutut. Aammalu Ilaqutariinnut Immikkoortortaqarfimmi illoqarfiup atuarfia, meeqqeriviit, ornittagaq meeqqallu angerlarsimaffiat qanimut suleqatigalugit.

Ilaqutariinnut Ingerlatsiviup aammattaaq Tasiilap eqqaaniittut nunaqarfiit sullitarai. Ingerlatsivik pillugu annerusunik paasiniaasoqarsinnaavoq aamma Kommuneqarfik Sermersuup nittartagaani, taassuma ataani Tasiilami kommunip ineriartortinneqarnissaanut pilersaarusiaq illoqarfimmilu kommunip allaffissorneranut nutaamik aaqqissuussineq.

Tunumi pingaartumillu Tasiilami isumaginninnikkut atukkat politikkikkut tusagassiuutinillu eqqumaffigineqartorujussuupput. Kommunalbestyrelsip meeqqanut ilaqutariinnullu atugarliortunut suliniutit pingaartittorujussuai, kommunilu Tasiilami pingaartumik meeqqanut inuusuttunullu suliniutit suliallu amerlasuut aallartisarpai. Kommunip immikkoortumut anguniakkaminik angusinissaa suli sivisuumik ingerlassaaq, ajornartorsiutilli iliuuseqarfiginissaannut najukkami nunalu tamakkerlugu piumassuseqartoqartorujussuuvoq.

Atorfik ulloq tamaat atorfiuvoq (sapaatip akunneranut tiimit 40-t) Tasiilamilu ingerlatsiviup immikkoortuani MI-mi pisortaq qullersarineqarluni.

Atorfiup imarisai:
Suleqatigiinnut aqutsisussarsiorpugut ingerlatsivimmi suliassanik naammassinninnissamut suleqatit pikkorissut ikioqatigalugit, avataanit suleqatigisat innuttaasullu ikioqatigalugit. Pitsaasumik sullissinissamut periarfissaqarluarpoq Suliassaqarfiillu akimorlugit ingerlaavartumik ineriartorneq qitiutillugu suleqataaffiulluarsinnaasoq. Pingaarnertut suliassaraat suleqatigiit sullissisut tallimanut suliamik ingerlatsinermi aqutsineq.

Pingaarnertut suliassatit:

  • Tasiilami Oqartussaqarfimmi ataqatigiissaarisoq suliallu agguataartanerannut akisussaasoq.
  • Suliamut ilisimasanik eqqartueqatigiinneq iliuusissatut pilersaarutinut sulianullu malitseqartitsinermut pitsaassutsimik qularnaarisarnissaq.
  • Immikkoortortami suliassat ingerlanneqartunik ataatsimut isiginninneq.
  • Suleqatigiinni sinaakkutassiat iluanni suliat pillugit eqqartueqatigiilluni ataatsimiinnermi aqutsineq.
  • Innuttaasunut suleqatinullu allanut attaveqarneq.
  • Suliassaqarfiit assigiinngitsut akornanni suleqatigiinneq siunersioqatigiinnerlu.
  • Isumaqatigiinnikkut suliarinasuagassanik suliaqarneq.

Suliassat Meeqqanut Ilaqutariinnullu Ingerlatsivimmi sulisut allat qanimut suleqatigalugit suliarineqassapput. Tamatuma saniatigut ataatsimoorussamik suliniuteqarnerup ingerlatsivinnullu allanut attuumassuteqartunut suleqateqarnerup pitsanngorsarnissaa aammalu nalinginnaasumik avataani suleqatitsinnik suleqateqarnerup nukittorsarnissaa innuttaasunullu sullissinissaq siunertaralugu.

Qinnuteqaateqartunut naatsorsuutigisat:

  • Isumaginninnermi siunersortitut ilinniarsimasoq, sapinngisamik aqutsinermik misilittagaqarneq.
  • Meeqqat pillugit suliassanik suliarinnittarnermik misilittagaqarneq inatsisinillu ilimasaqarneq.
  • Meeqqat ilaqutariillu ikiortarialinnik suliaqarusussuseqarneq.
  • Najoqqutassanut periutsinillu nutaanik ilikkagaqarussuseqarneq ilinniartitsisinnaanerlu.
  • Anguniagaqartuuneq, tarnikkut tatitooq kiisalu pilersitsiniassuseqarneq piumassuseqartuunerlu.
  • Sullitanut suleqatinullu kinguneqartussamik pitsaasumillu oqaloqatiginnissinnaassuseqarneq.
  • Allanngortitsinissamut piareersimalluartuunissat ineriartortitsinissamillu aallutaqarneq.

Tamatuma saniatigut pingaartipparput, illit::

  • Iluarsiinissamik pikkoriffeqartutit, tatiginassuseqartutit oqaloqatigiinnerlu aallaavigalugu suleriuseqartutit.
  • Aalajaatsuusutit aaqqissuussamik suliariaaseqassasutit pitsaasutsimillu paasisimasaqartuusutit.
  • Ataatsimoortumik takunnissinnaanerit annaanagu arlalinnik ataatsikkut suliaqarsinnaanissat.
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit.
  • Nammineersinnaassuseqarlutit, akisussaaffeqarlutit sullisserusussuseqarlutillu sulisinnaanissat.
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqartutit.
  • Ulluinnarni ulapaarfiusuni qitiutitsillutit aaqqissuisinnaassuseqarlutit sulisinnaasutit.
  • Suliassat ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit.
  • Pissarsiarineqarsinnaassasutit arlalissuarnillu suleqateqallaqqissuunissat.
  • IT-mik piginnaasaqarluassasutit.
  • Qinnuteqartut marluinnik oqaasillit (kal/qa) atorfinitsinnissaat orniginartinneqarpoq.

Neqeroorutigaavut:
Suliffik unammillernartoq atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq. Akuttoqatigiissumik imaajartarnissamik neqerooruteqartoqartarpoq, aammalu sulisutut inuttullu ineriartornissamut periarfissaqarluarpoq, pikkorissarnerni ilinniaqqinnernilu peqataanissamut periarfissalik. Suliffimmut suliffeqarfimmullu iserluartinneqarnissat pingaartipparput aamma qanimut aqutsisut suleqatigalugit pitsaasumik suleqatigiittoqarnissaata qulakkeernissaa anguniartuarparput.

Suliamik ingerlatsinermi unammillernartunut soqutiginartunut piumassuseqaruit sapiissuseqarlutillu taakkununnga ilanngullugu Tunu kusanartoq inuillu inussiarnersut ilikkarnissaannut periarfissaqarputit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, Atorfillit Kattuffiat AK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 602/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 11. oktober 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Peter Brix Andersen
Telefon: +299 367340
Mobil: +299 587983
Nittartagaq: http://www.sermersooq.gl
Qinnuteqaat nassiutiguk