Skip to main content
90

Dette jobopslag er udløbet

Ikorfartortinut, Ornittakkanut Najugaqatigiiffinnullu Immikkoortortaani aqutsisussamik sulisussarsiorneq / Atorfiup ilisarnaataa 267/19

Inunnut Innarluutilinnut Tarnimikkullu Nappaatilinnut Immikkoortortami anersaaqarfigalugu sulinissannut soqutiginnilluaruit, namminersorlutit sulinermik nuannarisaqaruit taamatuttaaq suleqatigiiaanut sulisunik susassareqatigiinnik pimoorussisunik pikkorissunillu inuttalinnut peqataarusukkuit taava immaqa illit Kommuneqarfik Sermersuup Ikorfartortinut, Ornittakkanut Najugaqatigiiffinnullu Immikkoortortaani aqutsisussaraatsigit

Immikkoortortami aqutsisutut immikkoortuni aqutsisunit/suleqatigiinnut aqutsisunit sisamaasunit sulisunut 60-ingajannut Kommuneqarfik Sermersuumi tamarmi agguataarsimasunut aqutsisuusunit aaqqissuussaanikkut toqqaannartumik qullersarineqassaatit.

Immikkoortortami aqutsisutut Najugaqarnissamik Neqerooruteqarnermut Immikkoortortami aqutsisoq aammalu Pillorissaasut qullersaat peqatigalugit aqutsisoqatigiinni ilaasortaassaatit. Suliassaqarfinni ingerlatsisoq qullersarissavat.

Inunnut Innarluutilinnut Tarnimikkullu Nappaatilinnut Immikkoortortami sulisuusugut innuttaasut timikkut tarnimikkullu innarluutillit inuuniarnikkut ulluinnarnilu isumagisassatigut piginnaasaminnik attassinissaminnut, pitsanngorsaanissaminnut ineriartortitsinissaminnullu tapersersorneqarnissaminnik kaammattorneqarnissaminnillu pisariaqartitsisut sullittarpavut.

Innuttaasut kinaassutsiminnik, imminnut naleqartinnerminnik uummaarinnerminnillu attassinissaannut ineriartortitsinissaannullu taamatuttaaq inuunerminnut namminneq sunniuteqarluartutut misigisimasarnerannut iluaqutaasarmat timikkut, tarnikkut inuuniarnikkullu imminnut isumagisinnaanissaannut tapersersuinikkut kaammattuinikkullu sullissisarnissarput suliassatta pingaarnerit ilagaat.

Immikkoortortami aqutsisutut innersuussinikkut nalunaaquttap-akunnerinik sulisunillu atorluaasoqartarnissaanik qulakkeerineq taamatuttaaq Kommuneqarfik Sermersuup suliassaqarfiit, inatsisit pingaartitallu aallaavigalugit innuttaasunut annertuumik innarluutilinnut sullissineranut atatillugu suliassanik allaaserinnittoqartarnissaanik qulakkeerinninneq akisussaaffigissavatit.

Inunnut Innarluutilinnut Tarnimikkullu Nappaatilinnut Immikkoortortap neqeroorutigisartagai arlaliusut ilaatigut makkuupput; Najugaqarfiit, Najugaqatigiiffiit, Ornittakkat, Ikorfartortit taamatuttaaq Pillorissaasut aammalu Timimik Sungiusaasut Suleqatigiit.

Suliassaqarfimmi pineqartumi tamarmi sulisut 150-ingajaapput innuttaasullu sullinneqartut 300-ngajaallutik, taakkulu tamarmik Inunnut Innarluutilinnut Tarnimikkullu Nappaatilinnut Immikkoortortamut attuumassuteqarput.

Suliassatit ilaatigut makkuussapput:

  • Sulisut suliassatik anguniagassatillu pillugit ilisimaarinnilluarnissaat qulakkeerumallugu sulisunik ineriartortitsineq aqutsinerlu.
  • Innuttaasut piginnaasatigut ikorfartorneqarnissaannut tunngatillugu pingaarnertut suliassanik ineriartortitsineq.
  • Suliatigut naammassisaqarluarneq sulisoqarnikkullu aqutsineq ukkataralugit ulluinnarni aqutsinerup tungaatigut inerisaaneq, ineriartortitsineq qulakkeerinninnerlu.
  • Kommunimi immikkoortortanik suliatigut susassareqatigiinnik suleqatigiittoqarnissaanik qulakkeerinninneq.
  • Tamakkiisumik isiginnittoqarnissaanik, aaqqissuulluakkamik sulisoqarnissaanik iliuuseqarnissamillu pingaartitsisoqarnissaanik qulakkeerinninneq.
  • Immikkoortuni aqutsisut/suleqatigiinnut aqutsisut qanimut suleqatiginerisigut suliniutit nutaat inatsisillu sulianut attuumassutillit tunngavigalugit ingerlatsisoqarnissaanik qulakkeerinninneq.
  • Missingersuusianik malittareqqiinermi allannguinernillu annertuunik ataavartumik naleqqussaanermi aqutsinermut akisussaaneq.
  • Inunnik Innarluutilinnik Tarnimikkullu Nappaatilinnik sullissinermi killigititanik pilersaarusiornikkut, politikkikkut allaffissornikkullu ineriartortitsisoqarnissaanut akisussaaqataaneq.
  • Missingersuutinik killigititat politikkikkut akuerisat tunngavigalugit naapertuisoqarnissaanut akisussaaqataaneq
  • Nassuiaasiortoqartarnissaanut, misissueqqissaarisoqartarnissaanut kingunerisinnaasanillu naatsorsuisoqartarnissaanut akisussaaqataaneq.
  • Angusassamik toraagaqarluni siunnersuinermut aqqutissiuinermullu taamatuttaaq suleqatit qaninnerpaat qanimut suleqatiginerisigut Inunnut Innarluutilinnut Tarnimikkullu Nappaatilinnut Immikkoortortami sulisunik ineriartortitsinermut taakkulu piginnaasaannik qaffassaanermut akisussaaqataaneq.
  • Sulisunut allanut maligassiuineq taakkulu sinnerlugit aallarniisuuneq
  • Ikorfartortinut, Ornittakkanut Najugaqatigiiffinnullu Immikkoortortami sulisut sulinermi pitsaasunik atugaqarnissaannik qulakkeerinninnermut akisussaaneq.
  • Inunnut Innarluutilinnut Tarnimikkullu Nappaatilinnut Immikkoortortami aqutsisoqatigiinni ilaasortaaneq
  • Inunnut Innarluutilinnut Tarnimikkullu Nappaatilinnut Immikkoortortami aaqqissuussinikkut pilersaarusiornermi peqataalluarneq.

 Naatsorsuutigaarput:

  • Perorsaasutut peqqinnissamulluunniit tunngasuni allamik ilinniarsimasuussasutit suliffeqarfimmilu politikkikkut ingerlatsiffiusumi sulineq ilisimasaqarluarfigissagit
  • Aqutsineq immikkoortortanilu allani suliffigisavit avataani inissisimasuni aqutsineq misilittagaqarfigissagitit.
  • Ingerlatsinermik ineriartortitsinermillu aallussiffiusumi sulinermik nuannarinnissasutit.
  • Inunnik innarluutilinnik tarnimikkullu napparsimasunik sullissinermik ilisimasaqaruit misilittagaqaruillu iluarineqassaaq.
  • Pisariaqartitat aningaasaqarnikkullu killigititat tunngavigalugit sulisunik atuinermik sullissinermillu nalilersuisinnaassasutit.
  • Ilakkuminartuullutit taamatuttaaq sulisunut, suleqatinut, innuttaasunut qanigisaannullu ammasumik, peqataatitsinermik akuersaartumillu atassuteqarnikkut malunnaatilimmik suliatigullu aqutsisinnaassasutit.
  • Suliffigisimasanni aqutsinermik misilittagaqassasutit, isumaginniffinni sulinermik misilittagaqaruit iluarineqassaaq
  • Inunnik annertuumik innarluutilinnik sullissinermik misilittagaqassasutit.
  • Inunnik annertuumik innarluutilinnik sullissinissannut kajumissuseqarlutillu anersaaqarfigalugu aallussinissannut soqutiginnissasutit.
  • Angusassamik toraagaqarlutit sulisinnaallutillu akuersaarneq tunngavigalugu attaveqaqateqallaqqissasutit
  • Perorsaanerup tungaatigut iliuusissatut pilersaarusiorneq ilisimasaqarfigissagit
  • Pimoorussisuussasutit aamma isummatit inuunermi najoqqutarisatit peqqissuunissamik qiimasuunissamillu tunngaveqassasut
  • Susassareqatigisannik suleqateqarsinnaassasutit, namminersorlutit sulisinnaassasutit suliatigullu sungiussiasuusutit
  • Savituujussasutit, pilersitsinermik piginnaasaqassasutit qiimasuussasutillu
  • Tamakkiisumik isiginnissinnaallutillu pisunik alaatsinaassinnaaneq pikkoriffigissagit

Neqeroorutigaavut:

  • Sulisut pimoorussisut pikkorissullu.
  • Tatiginninneq
  • Pisussaaffeqartitaaneq
  • Peqataatitsineq
  • Ataqatigiinneq / suleqatigiinneq
  • Kommunimik, peqqinnissaqarfimmik allanillu suliatigut susassareqatigiinnik suleqateqarneq
  • Sulinermi atukkat pitsaasuunissaat, ileqqorissaaqatigiinneq, suliatigut isummersoqatigiinneq, pisussaaffeqarneq isertuaatsuunerlu taamatuttaaq assigiinngisitaartuunitsinnik ataqqinninneq pingaartitaraavut.

Atorfik inuttassarsiuussarput aalajangersimasumik atorfiuvoq, aggersarneqarlutillu suliartoqqusaasarnissat naatsorsuutigissavat.

Immikkoortortami aqutsisutut uani allaffeqassaatit: Narsaviaq 26, quleriit aappaat, 3905 Nuussuaq

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

(BOLIG)
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Atorfiup ilisarnaataa 267/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.               

Imatut qinnuteqaateqassaatit:                  
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 20. maj 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Susanne K. Christensen
Telefon: +299 36 61 63
Mobil: +299 56 27 61
Nittartagaq: http://www.sermersooq.gl
Qinnuteqaat nassiutiguk