Skip to main content
82

Dette jobopslag er udløbet

Ikiortit marluk Boenhed-imut / Atorfiup ilisarnaataa 240/20

Inuit annertuumik innarluutillit najugaqatigiiffiannut nutaamut ilusilersueqataarusuppit, taamaappat illit pisariaqartippatsigit.

Innarluutilinnut aamma Tarnimikkut Nappaatilinnut Immikkoortortaq najugaqatigiiffik Seernaq 4-mut ajornanngippat perorsaasutut peqqinnissaqarfinnilu assistentitut ilinniarsimasunik marlunnik sulisussarsiorpoq, piaartumik isumaqatigiissuteqarnikkulluunniit atorfinittussanik.

Seernaq 4 najugaqatigiiffiuvoq nutaarluinnaq, februaarip aallartisimalernerani ammartoq. Najugaqatigiiffik nutaarluinnaammat Nuummi najugaqatigiiffimmik pitsaanerpaamik pilersitsinissatsinnut illerpiaq pisariaqartippatsigit.

Najugaqatigiiffik sisamanik quleriilimmiippoq, quleriinni tamani immikkut ilisimasaqarfiulluni. Sullitavut inersimasuupput annertuumik innarluutillit, tassa innuttaasut nappaataat assigiinngitsunik suussuserneqarsimallutik. Inuit ima nappaatillit sullitarissavatit autisme, skizofreni, ineriartornerminni akorngutillit, Prader-Willi syndrom tarnikkullu nappaatinik allanik nappaateqartut.

Uku suliassaraatit:

  • Nammineq inigisaqarnissamut sungiusarneq, soorlu eqqiaaneq, errorsineq, nerisassiorneq il.il.
  • Inoqatit akornanniissinnaaneq
  • Inunnut attaveqarniarnermut sunngiffimmilu sammisassaqarnermut tapersersuineq
  • Ilinniartitaanermut sammisaqarnissaannullu tapersersuineq
  • Timigissartarfimmi sungiusarneq kiisalu nalunneq
  • Ullormut timigissarneq aamma sammisaqartitsineq
  • Timigissarneq sianissutsikkullu piginnaanngorsarneqarneq.

Piginnaangorsaqqinnermut neqeroorummi perorsaasutut, innuttaasoq sulisullu sinneri suleqatigalugit ulluinnarni najoqqutassaqartinnissaannut qulakkeerinneqataassaatit, innuttaasoq toqqissimanermik aalajangersimasunillu najoqqutassaqarneranik misigitillugu, nammineq sungiusarnissaminut iliuusissatut pilersaaruteqarfiunera aallaavigalugu, illit ataavartumik nalilersueqataaffigisartagassannik, innuttaasoq suleqatitillu suleqatigalugit.

Suleqatitut attavigisartakkat, sullissineq pillugu ataatsimiinnerit peqataaffigisassavatit ilanngullugit ataatsimiinnerit attuumassuteqartut allat, taanna pisarpoq innuttaasoq qanigisaalu qanimut suleqatigalugit kiisalu sulisut allat

Atorfik aallaaviatigut piffissaq tamakkerlugu suliffiuvoq.

Sermeq 4 ulloq unnuarlu suliffigineqartarpoq, taamaattumillu ullukkut unnukkullu sulisarnissat naatsorsuutigissavat.

Naatsorsuutigaarput

  • Inuit annertuumik innarluutillit sullikkusukkitit
  • Inunnik annertuumik innarluutilinnut sullissinermik misilittagaqaruit pitsaassaaq
  • Suleqatigiit akornaniissinnaasoq, suleqatigiinneq pingaarnerpaatillugu
  • Malinnaasinnaasoq aamma pisunik paasinnissinnaasoq

Tamatuma saniatigut pingaartipparput:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqartutit
  • Ulluinnarni ulapaarfiusuni ukkassillutit aaqqissuisinnaassuseqarlutit sulisinnaasutit
  • Tatituujusutit
  • Aallarnisaasinnaasutit, nukissaqartutit iliuuseqarnissamullu piumassuseqarluartutit
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit

Neqeroorutigaavut:

  • Suliffik pissanganartoq suliassaqarnartorlu, ullullu assigiinngiiaartut.
  • Suliffeqarfimmi sunniuteqarnissamut periarfissaqartoq suliffeqarfillu ineriartortuarlunilu allanngorartuartoq, innuttaasut pitsaanerpaamik tunniussaqarfiginissaat eqqarsaatigalugit
  • Atorfimmi sunniuteqarnissamut periarfissaqartoq suliassallu aamma sunniuteqarfigisinnaallugit
  • Suliassaqarfinni assigiinngitsuni sulisunik suleqateqarnerit

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, SIK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 240/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 2. juni 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Katrine Werum Baad
Telefon: +299 366352
Mobil: +299 564532
Nittartagaq: http://www.sermersooq.gl
Qinnuteqaat nassiutiguk