Skip to main content
134

Dette jobopslag er udløbet

Ikiorti Najugaqatigiiffik Seernaq-mi pissarsiorpoq

Najugaqatigiiffik Seernaq Ikiortimik pissarsiorpoq.

 

Inunnut innarluutilinnut tarnimikkullu nappaatilinnut immikkoortortaqarfik Najugaqatigiiffik Seernaq aalajaatsumik suliartortartumik namminersorsinnaasumillu Perorsaasumik pissarsiorpoq. Inunnik sullissinissaq uummateqarfigiviuk, aamma najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.

 

Atorfik piffissaq suliffiusussaq tamaat suliffiuvoq sapaatip akunneranut 40 tiimit, annerusumik ullukkut unnukkullu kiisalu sapaatip akunnerisa naanerini. Najugaqartuutitta ineriartornissaannut tapersersuinermi suleqatitit qanimut suleqatigissavatit.

 

Najugaqatigiiffik Seernaq Nuummi innarluutilinnut tarnikkullu nappaatilinnut immikkoortortaqarfiup najugaqarfiisa annerit ilagaat, 18-67-inut ukiulinnik tarnimikkut timikkullu innarluutilinnik najugaqartitsilluni. Illit pingaarnertut suliassarissavat najugaqartut tarnimikkut, timimikkut inooqataanikkullu piginnaasassanik inerisaaviginissai, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Najugaqartut 17-it saniatigut najugaqatigiiffik 25-t missaanik sulisoqarpoq, peqqinnissamut tunngasunik ilinniagallit, perorsaasut ilaalu ilinniagaqartuunatik.

 

Suliassatit:

  • Najugaqartut pisariaqartitaat, kissaataat takorluugaallu aallaavigalugit ulluinnarni suliassaasut pillugit pilersaarusiorneq, piareersarneq ataqatigiissaarinerlu.
  • Najugaqatigiiffiup najugaqartunut neqeroorutaanik ineriartortitsineq, najugaqartut imminnut ikiorsinnaanerannik annerulersitsisussamik inuunermillu naleqarsitsinerulersussamik.
  • Najugaqartut ulluinnarni aaqqissuussanut peqataanissaannut kajumissaarisuullutillu ikiuuttarnissat.
  • Suleqatit, aqutsisoq najugaqartullu suleqatigalugit najugaqatigiiffimmi ataatsimoornerulersitsineq.
  • Qaamaatikkaartumik perorsaanilerisut ataatsimiinneranni peqataasassaatit.
  • Najugaqartunut aalaakkaasumik ulluinnaat ingerlanneqarnissaannut peqataassaatit.
  • OCN-imik atuinermi peqataaneq

 

Suliassat najugaqatigiiffimmi sulisut allat qanimut kiisalu illup iluani avataanilu suleqatigisat suleqatigalugit suliarineqassapput, sullissisut, Ikaarsaarfik, Dronning Ingridip Napparsimmavissua aamma Pinerluttunik Isumaginnittoqarfik ilanngullugit.

 

Ilinnit naatsorsuutigineqartut:

  • Perorsaasutut ilinniarsimasuunissat
  • Innarluutilinnik tarnimikkullu nappaatilinnik sullissinermik misilittagaqartutit, piumasaqaataanngilarli
  • Peqqissaartuussasutit, aalajaatsuussasutit, akisussaassuseqarlutillu
  • Isumassuisoq, tusarnaarsinnaasoq ilakkuminartorlu pitsaasumillu suliffiup avatangiiseqarnissaanik takunnissinnaasoq
  • Ilinnut siuarsarusupputit immikkoortortaqarfitsinnillu ineriartortitserusullutit, taamaalillutit najugaqartumut allannguineq pingaaruteqarluinnartoq pilersillugu
  • Ulapaarfimmi tamakkiisumik takunnissinnaassuseqarsinnaasutit sulianut nammineerluarsinnaasutit aamma suleqatigiinni.

 

Uagut pilluta:

Atorfimmi tassani ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfiit pingasut Nuummi, Tasiilami Paamiunilu agguataarsimasut.

 

Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigaatsigit. Ineriartortitsinermi ilaatigut pineqarlutik sulilerlaatut iluamik ilitsersuunneqarnissat, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqarput.

 

Paasisaqarnerorusukkuit aqutsisoq Signe Petersen oqarasuaat +299 36 73 70 imaluunniit emailikkkut spet@sermersooq.gl attavigisinnaavat imaluunniit tullersorti Ane Margrethe Andreassen oqarasuaat +299 36 73 71 imaluunniit emailikkut aand@sermersooq.gl attavigisinnaavat.

 

Atorfinitsitsinissamut oqaloqatiginninnerit sapaatip akunnerani 42-mi ingerlannissaat naatsorsuutigaarput

 

Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

Atorfimmut atatillugu inissiamik atugassiisoqanngilaq.

 

Qinnuteqaatip:
Qinnuteqaatip ilisarnaataata Atorfiup ilisarnaataa 713/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 11.-at, 2022

Atorfik una qinnuteqarfigiuk