Skip to main content
98

Dette jobopslag er udløbet

Igasumik/igaffimmi aqutsisumik Atuartut angerlarsimaffiat pissarsiorpoq/ Atorfiup nr. 578/20

Nuummi Atuartut Angerlarsimaffiani Kisermaami 8. klassiniit 10. klassip tungaanut atuartunut 28-nut inissaqarpoq, atuartut nunaqarfinni qanittumeersunut Ittoqqortoormiullu. Ataatsimik pisortaqarpoq, sulisut aalajangersimasut 7-iupput, igasoq ataaseq ikiortillu 6-it. Ullut tamaasa inunnut 30-t missaannut nerisassiortoqartassaaq.

Igasup /igaffimmi aqutsisup akisussaaffigivaa igaffiup pitsaanerpaamik ingerlanneqarnissaa, atuartut sapinngisamik assigiinngisitaartunik, peqqinnartunik akimikkullu naleqquttunik nerisaqartinneqarnissaat anguniassallugu, ulluinnarni nerisassat nalliuttorsiornermilu nerisassat immikkullu pisoqartillugu nerisassat pingaarnerpaatinneqassallutik.

Suliassatit tassaassapput:

  • Pisiniarneq nerisassiassallu suunissaannik pilersaarusiorneq akisussaasoq
  • Ullaakkut, ullup qeqqanut unnukkullu nerisassanik piareersaaneq sassaalliinerlu
  • Eqqiaaneq aserfallatsaaliuinerlu
  • Atuartut angerlarsimaffianni sulisut allat suleqatiginissai

Pisinnaasatit:

Naatsorsuutigaarput

  • Suleqatinut atuartunullu maligassiuisuusutit
  • Atuartunut suleqatinullu nersualaarinnissinnaasutit
  • Inunnut attaveqarfigisannut akuersaartuullutillu inissaqartitsisuusutit
  • Aqutsisunut suleqatininullu tatiginartuusinnaasutit
  • Atuartut angerlarsimaffianni perorsaanerup tungaatigut suleqatitit peqataatillugit ineriartortitsilluni suliaqarnermi peqataasassasutit
  • Suleqatitit tusarnaaluarsinnaagitit namminerlu isummannik annissisinnaasutit
  • Uku pingaartitarnut ilaassasut: Ataqqinninneq, isumassuineq, suleqatigiinneq tatiginninnerlu

Nuannissaaq

  • Isumassarsiannik saqqummiusserususseqaruit
  • Marlunnik oqaaseqartuuguit
  • Biilinik ingerlatsinissamut allagaqartaqarnissat, tamannali piumasaqaataanngilaq.

Uaguttaaq neqeroorutigaarput

  • Aqutsisoq angerlarsimaffimmik atuartunillu pingaartitsisoq, sulisunut angajoqqaanullu uumaarissumik ineriartorfiusumik pissutsinik pitsaasunik atugassaqartitserusuttoq
  • Sulisut Kommuneqarfik Sermersuumi atorfeqarnerminnik arajutsisimasaqanngitsut, matumani perorsaanerup tungaatigut ineriartortitsinissamik akisussaaffillit, ulloq unnuarlu atuartunut tamanut tapersersuinissamut tunniusimasut tamatumunngalu atatillugu meeqqap pilersusisuinik suleqateqarluartut
  • Init najoruminartut angerlarsimaffippalaartullu
  • Uummaarissuunneq, piumassuseqqortuneq nuannersumillu eqqarsarneq
  • Pikkorissartitsinerit, paasissutissiineq allarpassuillu

Sapaatip akunneranut nal.ak. 40-t suliffiussapput. Ulluinnarni sulineq pillugu atuartut angerlarsimaffianni pisortaq isumaqatigiissuteqarfigineqassaaq.

Atorfik pillugu erseqqinnerusumik paasisaqarusukkuit uunga saaffiginnissinnaavutit: Pisortaq Karl Ole Petrussen, oqarasuaat 36 69 65, E-mail:kope@sermersooq.gl

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, SIK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Atorfiup nr. 578/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 25. november 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Karl Ole Petrussen
Telefon: +299 366965
Mobil: +299 555313
Nittartagaq: http://www.sermersooq.gl
Qinnuteqaat nassiutiguk