Skip to main content
130

Dette jobopslag er udløbet

Igaffimmi ikiortimik Amaammut

Meeraaqqerivik Amaut igaffimmi ikiortimik pissarsiariumaneqarpoq atorfinittussamik piaartumik imaluunniit isumaqatigiissuteqarnikkut. Atorfik tamakkiisumik atorfiuvoq.

Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusuppit maani qanimut attaveqatigiinnerit pingaartinneqaqaat meeqqallu eqimattaqatigiillu ataasiakkaat ineriartornerat atugarissaarnerallu ukkatarineqarput. Taava suliffissaqartippatsigit.

Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

Meeraaqqerivik Amaut:
Meeraateqarfik Amaut 1965-imi atulerpoq meeraaqqanut 0-3 ukiulinnut ulluunerani neqeroorutaalluni, meeraaqqanut 36-nut inissaqarpoq ininullu pingasunut agguataaqqallutik. 

Meeqqerivitsinni immikkut ilisarnaatigaarput Anguniakkat aallaavigalugit sulineq ukuusut "Meeqqat peqqissut peqqinnartunik nerisaqartut" aamma "Kalaallit kulturitsinnik pingaartitsisut".

Paaqqinnittarfipput aamma anguniakkavut pillugit uani annermik atuagassaqarpoq: sermersooq.gl

Suliffik qanoq ittoq neqeroorutigisinnaavarput:

  • pingaaruteqarpoq meeqqat ulluinnarnik ataqatigiissunik toqqissimanartunillu misigisaqarnissaat inunnut pitsaasumik attaveqarneq aqqutigalugu.
  • ulluinnarni sammisanut annertuumik sunniuteqarfigisinnaasat neqeroorutigaarput.
  • sulisut atugarissaarnerannik, suliffimmik atugarissaarfiusumik, suleqatigiinnermik ingerlalluartumik aamma suliffimmi avatangiisit pitsaasuunerannik pingaartitsisut, maani suliamut tunngatillugu ineriartorneq pingaartinneqaqaaq.

Qinnuteqartumut naatsorsuutigineqartut:

  • igaffimmi ikiortitut ilinniarsimasutit assingusumilluunniit
  • akisussaaffimmik tigusisinnaavutit namminersorlutillu sulisinnaallutit
  • angajoqqaanullu suleqatiginnikkumavutit
  • piareersimasuuvutit
  • pilersaarusiorsinnaavutit
  • immikkut nerisassiorsinnaavutit
  • illit paaqqinnittarfiup anguniagaanut sinaakkutissanik pilersitseqataassasutit taakkununngalu tapersersuissasutit.

Annertunerusumik paasisaqarusukkuit:

Annertungerusumik paasisaqarusukkuit aqutsisoq saaffigisinnaavat Najaaraq Mølgaard oqarasuaammut 366745-mut imaluunniit e-mailimut najm@sermersooq.gl

Meeqqanik pinerliisimannginnermut aamma pineqaatissinneqarsimannginnermut uppernarsaat:Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik innarliisimannginnermut uppernarsaat qinnuteqartumit akuersissutitalik kommunimit piniarneqassaaq, pineqaatissinneqarsimannginnermullu uppernarsaat pineqartup Politiinit pissavaa.

Akissaatinut atorfinitsitaanermullu tunngatillugu atugassarititaasut:Namminersorlutik Oqartussat, NPK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.Atorfinitsitsineq qaammatini pingasuni misiligutaaqqaassaaq.Inissiaq:Atorfimmut atatillugu inissiamik atugassiisoqanngilaq.

Qinnuteqaateqarneq:Qinnuteqaat atorfiup normuanik ilisarnaatilik Atorfiup ilisarnaataa 395/22  aamma ilinniagaqarsimaneq siornatigullu suliffigisimasat pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqassaatit:
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Qinnuteqarnissamut killissarititaasoq: juulip 5.-at, 2022

Atorfik una qinnuteqarfigiuk