Skip to main content
134

Dette jobopslag er udløbet

Igaffimmi Ikiorti Tasiilami Utoqqaat Illuannut

Utoqqaat illuat igaffimmi ikiortimik/inuussutissalerinermut ikiortimik pissarsiorpoq, tamatumuunalu nerisassanik pitsaasunik eqquuttunillu inuussutissalinnik najugaqartunut nerisassiornissamut kajumissuseqartumik.

 

Tasiilami utoqqaat illuat Tasiilap illoqarfiata qeqqani inissisimavoq, qaqqanut kangerlummullu isikkiveqarluni.

 

Illu paaqqutarisarialinnut immikkoortortaqarpoq, maannalu 16-inik najugaqartoqarluni. Siunissami pilersaarutaavoq utoqqaat illuannik nutaamik sanasoqarnissaa, ullukkut najortakkami sungiusarsinnaanermut sammisaqarsinnaanermullu atortoqarumaarluni. Massakkut illumi errorsiveqarpoq aamma illumut atasumik angerlarsimaffimmi ikiorteqarpoq.

 

Sulinermi pffissarititaq nalinginnaasumik nal 7-15-usarpoq, aamma weekendi allortarlugu sulisarnissaq naatsorsuutigineqassaaq, aammalu ukiup ingerlanerani nalliuttuni sulisarnissaq naatsorsuutigineqassalluni.

 

Inersimasunik Isumaginniffimmut ineriartuinissamut soqutiginnippit sunniuteqaqataarusuppillu?

 

 

Ilinnut naatsorsuutigaavut:

      • •Igaffimmi ikiortitut ilinniarsimanissat, imaluunniit assingusumik
      • •Suleqataarusussasutit
      • •Aalajaatsuussasutit namminersorlutillu
      • •Sungiussiasuunissat
      • •Ineriartuinissamut sammisaqassasutit

 

 

Neqeroorutigaavut:

      • •Suliffimmi avatangiisiginneq
      • •Atorfik pillugu pitsaasumik paasissutissinneqarnissaq
      • •Suliat aaqqissuunneqarnerannut oqartussaaqataaneq

 

 

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Gitte Kilime Maratse, oqarasuaat +299 36 77 29 imaluunniit e-mail: giki@sermersooq.gl

 

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.


Atorfinititsineq qaammatini pingasuni misiliutitaqassaaq.

 

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:
Qinnuteqaat qulequtserlugu Atorfiup ilisarnaataa 650/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 7.-at, 2022

Atorfik una qinnuteqarfigiuk