Skip to main content
111

Dette jobopslag er udløbet

Facility Service ESDH-mut siunnersortimik pissarsiorpoq / atorfiup normua 522/19

Kommuneqarfik Sermersuumi ESDH-mut siunnersortimik.

Kommuneqarfik Sermersooq ESDH pillugu suleqatigiinni marluusuni suleqatissarsiorpoq. ESDH-mik atortoq Get Organized pillugu suliassat annerusumik suliarisassavasi. Kommuneqarfik Sermersuumi suliassat digitalisererlugit nutaaliorluta pisariitsumillu siunnerfeqarluta sulivugut, taamaaliornitsigut innuttaasut suliffeqarfiillu pitsaasumik digitalimik sullinneqarnissaat qulakkeerneqassammat. Taamaattumillu ESDH-mik atortutta ingerlatsivinnut pitsaanerpaamik tapertaanissaat anguniagarivarput, tassani ESDH-mik atuinermi periarfissat eqqarsaatigalugit nutarteriuarsinnaagatta.

Atorfik pillugu:

Suliassaqarfiit pingaarnernut pingasunut avissimapput:

  • Ineriartortitsinermik aqutsineq aamma atortunik aserfallatsaaliuineq
  • Ikiuineq, ajoqutinik nalunaarsuineq atuinermillu nakkutilliineq
  • Ilinniartitsineq allatullu paasissutissiisarneq

ESDH-mut siunnersortitut kommunip ESDH-p atortuata nutaap Get Organized-ip atuutilersinneqarnissaanut akisussaaqataassaatit. Suliassarissavat suliffeqarfiup immikkoortuini suleriaatsit allaaserineqarnissai pillugit 

saqqummiussisarnissaq. Atuutilersitsinissami avataaniit suleqatigineqartoq suleqatigalugu Get Organized-imi kode-t suliallu nassuiaataat ikkussussavasi. Tamanna ilinniartinneqarnerup kingorna pissaaq.

Suliffeqarfimmi atuisunut Get Organized-ip atornissaa ilinniartitsissutigalugulu paasissutissiissutigisassavat. Tamatuma kingorna ingerlaavartumik aserfallatsaaliuinermi ikiuisartutut pingaarutilittut atuuffeqalissaatit ungasinnerusorlu eqqarsaatigalugu ineriartortitsisinnaallutit.

Atuutilersitsineq naammassippat, atortup nutartertuarneqarnissaa aamma atortup ineriartortittuarneqarnissaa taamatullu suliffeqarfiup atortumik atuineranut akisussaaqataalissaatit.

Piginnaasatit:

Suleqatissarsiorpugut IT-p aamma illup iluani allaffissornerup akornanniissinnaasumik.

Tassani suleqatiginnissinnaanerit attaveqaqateqarsinnaanerillu pingaarnerpaapput. Pingaaruteqartuuvoq paasissutissiisinnaanivit qaffasissutsinut tamanut naleqqussarsinnaanissaa aamma ilinniartitsinerup iluani ilinniagaqarsimanissat iluaqutaasinnaavoq. Inuttut illit nuannersumik tapersersuisuuvutit, ammasuullutillu attavigiuminartuuvutit.

Paasisimasaqarluartuussaatit, aaqqissussaasumik sulisinnaassuseqarlutit kiisalu suliassat ajornakusoortut ataqatigiississinnaallugillu paasisinnaassavatit.

IT-p iluani ilinniarsimasuusariaqanngilatit, pingaaruteqartuuvorli IT pikkoriffigalugu atuisutut atorsinnaassagit kiisalu ilisimasassanik nutaanik pigiliussaqarsinnaanissat.

Naatsorsuutigivarput:

  • ESDH pillugu suleqatigiinni ajunngitsumik aaqqissuussaasumik peqataasinnaanerit
  • Suliffeqarfiup digitalimik ineriartortinneqarnerani peqataasinnaasutit

Naggataatigut ulluinnarni pisussat siumut ilisimaneqartannginnerat piareersimaffigissavat, tamatumanilu paasisimasaqarnissat ullullu ingerlanerani assigiinngitsunik suliaqarsinnaanerit pisariaqarpoq. Ataqatigiissaarisinnaasariaqarputit, suliniutit aamma suliassat assigiinngitsut amerlasuut akuutinneqarnerat piareersimaffigalugu.

Neqeroorutigisinnaavagut:

Suliffik suliassatigut ineriartorfiusoq pingaaruteqarluinnartuusorlu.

Illit ulluinnaap qanoq ingerlanissaa annertuumik sunniuteqarfigissavat piginnaasanillu ineriartortitsinissamut periarfissagissaarpoq.

Suleqatit aamma suleqatigisat piumassuseqarluartut, suleqatigiinnermik pingaartitaqartut, suliffik silaannarissoq, suleqatit nuannaartut persuarsiortuunngitsullu.

ESDH pillugu suleqatigiit Sullissigasuartarfimmi inissisimavoq taannalu IT pillugu, taamatullu ingerlatsiveqarfiit allat, qanimut suleqatigineqarput.

Akissarsiat atorfinitsitaanermilu atugassarititaasut:

Akissarsiatigut atorfininnermilu atugassarititat, isumaqatigiissut atuuttoq naapertorlugu aalajangiiffigineqassapput.

Inissaq:

Inissaqartitsisoqarpoq malittarisassallu atuuttut malillugit akilersorneqassaaq.

Atorfik inuttalerusunneqarpoq 1, septembari 2019 imaluunniit erseqqinnerusumik isumaqatigiissuteqarnikkut.

Atorfik pillugu annertunerusumik paasiniaasoqarsinnaavoq uunga saaffiginninnikkut: facilitychef Gerth Jakobsen, tlf 48 78 70.

Qinnuteqarfissaq kingulleq tassaavoq tallimanngorneq 30. aggusti 2019.

Naatsorsuutigivarput atorfinitsitsinissaq pillugu oqaloqatiginninnerit ingerlaavartumik ingerlanneqarnissaat.

 

Qinuteqaat tunniunneqassaaq kingusinnerpaamik: 30-08-2019
Atorfininneq: 02-09-2019 imaluunniit isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Gerth Jakobsen
Telefon: +299 366085
Mobil: +299 487870
Nittartagaq: http://www.sermersooq.gl
Qinnuteqaat nassiutiguk