Sannavimmi sullarissumik tunniusimasumillu Ajagami piaartumik sulilersinnaasumik Sannavimmi sulisussarsiorpoq piaartumik imaluunniit Aqutsisoq isumaqatigiissuteqarfigalugu.

 

Ajagaq tassaavoq Eqqumiitsuliorfik, Nuummilu innuttaasunut tamanut assigiinngitsunik Eqqumiitsuliornermi sannavimmi neqerooruteqartartoq.

Ajagaq-mi ullup affaanik nakkutiginnittussamik sulisussarsiorpoq, aqutsisoq, illorpumiillu suleqataasoq Sannavimmi atuisut eqqiaaqataasartullu peqatigalugit. Illorput-mut ilaavortaaq eqqumiitsuliornermik sannavik Ajagaq.

 

 

Atorfiup imarisaa:
Ajagami sunngiffimmik immikkoortortaqarfimmi sammisassanik neqeroorutaasunik soqutiginnittumik sannavimmi sulisussarsiorpugut. Sulisumik ulluinnarni sulinermut ilanngunnissamut sapiissusilimmik suliassanik isumaginnissinnaasumik:

 

• ·Ajagaq-mi torersuutitsinissamik eqqiluisaarnissamillu nakkutiginninneq akisussaasorlu
• ·Sannavinnut tunngatillugit nioqqutissat pigineqartut nioqqutissanillu pisiniarnermut tunngasunik suliassanik isumaginninneq
• ·Sannavinnik aqutsineq, tassunga ilanngullugit sannaviup atorsinnaaneranik atoriaannaaneranillu qulakkeerinninneq
• ·Aqutsisoq suleqatigalugu atortorissaarutinik pisiniarneq pisattanillu aserfallatsaaliuineq
• ·Pisariaqartitsineq tunngavigalugu ataatsimiinnernut sammisassaqartitsinernullu/aaqqissuussinernullu peqataaneq.
• ·Sannavinni pisariaqartillugu atuartitsisunut atuisunullu ikiuunneq.
• ·Atuisut sulisullu isumannaallisaanikkut najoqqutassanik ilisimasaqarnissaat qulakkiissallugu kiisalu ajutoortoqarnissaanut pinaveersaartitsinissamik paasititsiniaaneq
• ·Inunnut pisariaqartitsisunut attaveqarsinnaasoq ilitsersuussisinnaasorlu

 

 

Tamatuma saniatigut pingaartipparput, illit:

• ·Patajaatsuullutillu nutaaliorsinnaasutit
• ·Ataatsimut takunnissinnaaneq attatiinnarlugu arlalinnik suliaqarsinnaanissat
• ·Erseqqissumik paatsoorneqarsinnaanngitsumillu attaveqaqateqarsinnaasutit.
• ·Nammineerluni sulisinnaasoq, akisussaassuseqartoq sullissiumatoorlu
• ·Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
• ·Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
• ·Tatitooq pilersitsiniallaqqissoq inissaqartitsiuartoq piumassuseqarluartorlu
• ·Arlalissuarnik suleqateqallaqqissuunissat
• ·Qinnuteqartut marluinnik oqaasillit (kal/dk) atorfinitsinnissaat orniginartinneqarpoq.

 

 

Neqeroorutigaavut:
Suliffik pissanganartoq, ulluinnarni assigiinngitsunik suliassartalik. Ulluinnarni isumassarsiorfiulluartumi, suliaqarfiulluartumi nutaaliorfiusumilu sulineq, tassanilu nammineq sulinermutakisussaaffittalimmik sulisoqassaaq. Aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq.

Atorfik piffissaq Ullup affa suliffiuvoq, Illorpumi aqutsisumut attuumassuteqarluni.

 

 

Annertunerusumik paasisaqarusukkuit:
Annertunerusumik paasisaqarusukkuit pisortaq Poul erik Isaksen attavigisinnaavat uunga oqarasuaat 366325 imaluunniit e-mail-imut uunga: peis@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Qaammatini pingasuni misiliummik atorfinitsitsisoqarsinnaavoq.

 

 

Inissaq:
Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa 206-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

Qinnuteqarnissamut killissarititaasoq: marsip 12.-at, 2023

Atorfik una qinnuteqarfigiuk