Skip to main content
134

Dette jobopslag er udløbet

Ejnar Mikkelsenila Alivarpia ilinniartitsisussarsiorpoq

Ittoqqortoormiini atuarfitta, Ejnar Mikkelsenila Aluarpia, pikkorissunik sulerusussusilinnik ilinniartitsi-sussarsiorpoq.

 

Atuarfik katillugit 60-it missaani atuartulik 12-nillu ilinniartitsisulik kiisalu atuarfimmi pisortaqarluni. 1-imiit 10-mut atuartitsisarpugut.

 

Ittoqqortoormiit, 350 sinnilaarlugit innuttalik, qaasuitsup killeqarfiata avannaani nunarsuarmi kangerluit annersaanni inissisimavoq. Nunarsuarmi sumiiffiit ungasinnersaannut ilaavoq. Tassani atorfinissinnaa-vutit atuarfiullu ineriartorneranut sunniuteqaqataallutit, atuartut piginnaasatigut ineriartornerannut pingaarutilittut inissisimanissamut periarfissagissaarlutit.

 

Atorfiit imaat:

Ilinniartitsisunik ilinniarsimasunik pissarsiorpugut. Ilinniartitsisoqatigiilli killeqarmata naatsorsuutigi-neqassaaq nammineq atuartitsissutigisap saniatigut allanik atuartitsisarnissaq. Taakkua saniatigut klas-selæreritut inissisimasinnaanissaq kiisalu isumaqatigiissuteqarnikkut atuuffinnik allanik isumagisaqarsin-naanissaq.

 

Suliassat ingerlanneqartassapput ilinniartitsisut allat, pisortat sulisullu allat angajoqqaallu qanimut suleqatigalugit.

 

 

Qinnuteqartunut naatsorsuutigisat:

  • Ilinniartitsisutut ilinniarsimasoq
  • Klassimi aqutsinermi misilittagalik aqutsillaqqissorlu
  • Atuartunut atuakkatigut unammillernartitalinnut immikkut atuartitsinermik misilittagalik
  • Ilinniartitsinerup pitsaasumik ilusilersornissaanut pikkoriffeqartoq
  • Meeqqanut angajoqqaanullu pitsaasumik ataqatigiissitsisinnaasoq
  • Inuiaqatigiinni atuarfimmilu anginngitsuni, suleqatinik qanimut suleqateqarusuttoq
  • Atuarfiup ataatsimut ineriartornissaanut sunniuteqaqataallunilu peqataarusuttoq

 

 

Pingaartipparputtaaq:

  • Sulinissamut aalajaatsoq, aamma akisussaassuseqartoq
  • Meeqqanut, angajoqqaanut suleqatinullu attaveqarsinnaanermut pikkoriffeqartoq
  • Inuttut avatangiisinilu unamminarsinnaasuni suliffeqarnissamut piareersimanissaq

 

 

Neqeroorutigaavut:

Suliffik sutigut tamatigut unammillernartulik, inuup qajannaatsuuneranik misileraasoq kisianni tamanna pissutigalugu ilinniartitsisutut inuttullu ineriartornissamut periarfissalik. Atuartut, atuarfiup illoqarfiullu ineriartortinnissaanut allanngueqataanissannut sunniuteqaqataanissamut periarfissatsialammik pissarsinissaq.

 

 

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniartussaatitaaneq pillugu inatsimmut ilaatinneqarpoq.

 

Taamaattumik naalagaaffiup politiivinit meeqqanik pinerliisimannginnermut uppernarsaammik naamma-ginartumik kommunimi pissarsisoqareerpat aatsaat atorfinittoqarsinnaasoq erseqqissaatigineqassaaq.

 

Pineqaatissinneqarsimannginnermut uppernarsaat:

Atorfik una pinerlussimannginnermut uppernarsaammik pissarsiniartussaatitaaneq pillugu inatsimmut ilaatinneqarpoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.

 

 

Akissaatinut atorfinitsitaanermullu tunngatillugu atugassarititaasut: 
Atorfinititsineq Immikkut ittumik ukiunut aalajangersimasumik sivisussusilik pillugu Naalakkersuisut kiisalu Ilinniartitsisut Meeqqat Atuarfianeersut Kattuffiata (IMAK)-ip akornanni isumaqaitigiissut naapertorlugu pissaaq.

Naalakkersuisut aamma Iliniartitsisut Meeqqat Atuarfianneersut Kattuffiata (IMAK-ip) akornanni isumaqatigiissutit atuuttut naapertorlugit atorfinitsitsisoqassaaq.

Qinnuteqartoq tjenestemanditut atorfeqareerpat, Kalaallit Nunaanni tjenestemandinut inatsit naapertorlugu Kalaallit Nunaanni Namminersornerullutik Oqartussani aamma kommunini tjenestemandit pillugit Inatsisartut inatsisaat nr. 21, 18. decembari 2003-imeersoq aamma Namminersornerullutik Oqartussat aamma Iliniartitsisut Meeqqat Atuarfianneersut Kattuffiata (IMAK-ip) akornanni isumaqatigiissutit atuuttut naapertorlugit atorfinitsitsisoqarsinnaavoq.

 

Atorfinitsitsineq qaammatini pingasuni misiliutaaqqaassaaq.

 

 

Inissiaq:

Inissaqartitsisoqarsinnaavoq, taannalu malittarisassat atuuttut naapertorlugit akilersorneqassalluni. (pisatseriigaq)

 

 

Atorfininnermi angalanermut pequtit assartorneqarnerat:

Malittarisassat atuuttut naapertorlugit atorfininnermi, suliunnaarnermilu angalanissanut akiliussisoqas-saaq, pequtillu assartorneqarneri akilerneqarlutik kiisalu ukiut tamaasa feriefrirejseqarneq.

 

Pequtit angallanneqarnissaat maleruaqqusat atuuttut naapertorlugit akilerneqassapput.

 

Qinnuteqaateqarneq:

Qinnuteqaat atorfiup normuanik Job nr 710/22, ilisarnaaserlugu, ilinniagarisimasat aamma siornatigut suliffigisimasat pillugit paasissutissartalik aamma soraarummeernermi pappilissat assilineqarnerannik il.il. ilalik qinnuteqaateqarnissamut killissarititaasup qaangiutinnginnerani Sulisoqarnermut Immikkoortortamit tiguneqareersimassaaq.

 

Imaaliussaatit:

Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

 

Paasissutissat annertunerusut pissarsiarineqarsinnaapput:

Skoleinspektør Jonathan Petersen Telefon: +299 367861 Mobil: +299 580291 e-mail: jnpe@sermersooq.gl

 

Qinnuteqarnissamut killissarititaasoq: oktobarip 17.-at, 2022

Atorfik una qinnuteqarfigiuk