Find job
Dette jobopslag er udløbet
Borgmesterimut kommunaldirektørimullu allatsi
Kalaallit Nunaanni illoqarfiit pingaarnersaanni suliassaqarfimmi pingaarutilimmi ataqatigiissaarisoorusuppit, tamatumuuna nunap kommunillu ineriartupiloorfiusup ilusilersorneqarnerani politikkikkut aalajangiinerit immikkuullarissumik paasisaqarfigilissallugit?
"Atorfimmi tassani aalajangiisartut immikkuullarissumik pissanganartumillu qanimut sullinnissaannut periarfissaavoq.Tassungalu peqatigitillugu Kommuneqarfik Sermersuumi kommunimi politikkikkullu ingerlaatsit annertuumik paasisaqarfigissavatit,” taama oqarpoqallatseqarfimmi pisortaq Christina Heilmann Rasmussen.
Nuummi Pisortaqatigiit Allatseqarfiat
Nuup qeqqani, illoqarfiit pingaarnersaanni kulturikkut sunngiffimmilu periarfissarpassualimmi, Pisortaqatigiit Allatseqarfianni allaffissat nutaaq inissisimavoq. Tassani sulisut 11-t pikkorissut tunniusimasullu suleqatigilissavatit, suliatigut ataatsimoorussanik pitsaasunik avitseqatigiittartut.
Pisortaqatigiit Allatseqarfiannit politikerit inuit qinigaattut Kommunalbestyrelsimi, nunaqarfimmi siulersuisut aamma Najukkami Ataatsimiititaliani ilaasortat sullinneqarput. Taassuma saniatigut Pisortaqatigiit Allatseqarfiannit kommunimi aqutsisut qulliunerusut sullinneqarnerat akisussaaffigineqarpoq, nunatsinnilu kommunit sinnerinut kommunit ataatsimoorussamik suleqatigiinneranni allatseqarfittut atuulluni. Suliniutit aamma kommunimi suliassaqarfiit assigiinngitsut aqqusaarlugit taamatullu nunatsinni kiisalu nunat tamalaat akornanni suleqatigiinnernik ingerlatsivugut.
Immikkoortortaq mikisunnguugaluarluni, suliassaqarfiit assigiinngitsorpassuit sullitarivagut. Taamaattumik sutigut tamatigut suliassaqarfiit akimorlugit ikioqatigiittarpugut; siunnersueqatigiinnermiit annertuunillu aalajangiinissamut saqqummiussassanit pisortaqatigiit ataatsimiinneranni qalarlaamik kaffimik sassaallernermut suliarisarpavut.
Illit attaveqarniartunik imaaginnavissunik aqutsisuussaatit
Illit allatsitut tassaassaatit qitiusumik attaveqaqatigiinnermi aqqusaagassaq aammalu borgmesterimik kommunaldirektørimillu attaveqarniartunut pingaarnertut aqqusaaqqaagassaasoq. Suliassavit pingaarnersarissavaat borgmesterip kommunaldirektørillu malilikkut allagarsiaannik nakkutilliineq. Piffissap ingerlanerani illit nammineerlutit aamma saaffiginnissutit pisortatigoortuunerit kommunaldirektøri borgmesterilu sinnerlugit akissuteqarfigisassavatit.
Aamma borgmesteri kommunaldirektørilu sinnerlugit suliat ineriartortitsinermut tunngasut isumagisassavatit, assersuutigalugu pisortaqatigiit qitiutitaat pillugit qanoq ililluta pitsaanerusumik attaveqaqatigiittassanerluta.
Taakku saniatigut suliarissavatit:
• nakkutigineri aammalu saaffiginnissutit isumaqatigiissutillu ataqatigiissaarnerat
• aaqqissuussinissallu aaqqissuullugit ataqatigiissaarlugillu, imaqarniliorneq aammalu allaffimmi suliassanut ikiuunneq
• aammalu politikkikkut isortaqatigiinnilu suliarineqartussanik suliamut saqqummiussassanik suliaqarneq
• takunninnissamut qinnuteqaatinut akissuteqaatit
• assigiinngitsunik suliaqarneq.
Ukiup ingerlanerani aamma angalasoqartarpoq, Danmarkimut Nunatsinnilu kommuninut allanut.
Akademikerimik malinnaalluarsinnaasumik
Atorfimmut tassunga atorfittaarniaraanni periarfissat arlaqarput, imaassinnaavoq ilinniarnerlutit naammasserlaajusutit imaluunniit misilittagaqareersutit. Pingaarnerpaavoq, illit akisussaaffilimmik ataqatigiissaariffiusumillu suliaqarusunnersutit, aammalu suliassatit aaqqissuussamik isumaginissaannut pikkoriffeqartutit.
Tamakkua saniatigut akademiskimik ilinniagaqarputit - kisianni illit tunuliaquttat inuiaqatigiinni ilisimatusarnermut tunngasuuppat, pinngortitalerinermut tunngasuuppat imaluunniit inunnut tunngasuuppat tamakku apeqqutaatinngilagut. Marluinnik oqaaseqartuusutit, kalaallisut qallunaatullu, tamannali piumasaqataanngilaq
Tamakku saniatigut takorloorparput, illit:
• ulapaarfiusuni malinnaasinnaasoq aammalu suliassanik pingaarnersiuinermik pikkoriffeqartoq
• saaffikkuminartuusutit.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: allatseqarfimmi pisortaq Christina Heilmann Rasmussen oqarasuaat +299 36 70 23 imaluunniit e-mail: chra@sermersooq.gl
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 829-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: septembarip 27.-at, 2023