Skip to main content
88

Dette jobopslag er udløbet

BFC Tasiilaq taartaasussamik pitsaaliuinermut siunnersortissarsiorpoq / Atorfiup nr. 364/20

Kommuneqarfik Sermersooq, Meeqqanut Ilaqutariinnullu Sullissivik Tasiilami pitsaaliuinermut siunnersortitsinnut pikkorissumik tunniusimasumillu taartaasussarsiorpoq. Atorfik akunnerni 40-ni suliffiuvoq ullorlu 1. augusti 2020-mit tamatumaluunniit kinguninnguanit atuutilissalluni. Meeqqanut Ilaqutariinnullu Sullissivimmut atassaatit.

Pitsaaliuinermi siunnersortitut Tasiilami, Tasiilallu eqqaani nunaqarfinni, peqqinnerulernissamut pitsaaliuinermullu suliniutinik suliaqartassaatit.

Nalugunanngilallu Tunu, pingaartumillu Tasiilaq pillugu inooqatigiinnut tunngasut politikkikkut nutaarsiassatigullu sammineqartupilussuupput. Unammilligassat annertoqaat, najukkamili nunalu tamakkerlugu ajornartorsiutit ilorraap tungaanut saatinniarlugit piumassuseq annertoqaaq.

Meeqqat ilaqutariillu ilungersunartumik inissisimasut pillugit anguniarusutavut amerlapput, ilaatigut inuunerinnissaq toqqissisimanissarlu meeraanermit aallartinnissaa pilersissallugu, siusissukkut iliuuseqarneq pinaveersaartitsinermillu suliaqarneq qitiutillugit.

Pitsaaliuinermi siunnersortitut suliassat:

  • Suliassaqarfimmut iliuusissatut pilersaarusiorneq kiisalu suliniutinik aalajangersimasunik suliaqarneq, suliniuteqarneq kiisalu suleqatit avataaneersut suleqatigalugit paasititsiniaalluni suliaqarneq.
  • Tasiilami nunaqarfinnilu pitsaaliuinermik peqqinnerulernissamullu suliniutinik ataqatigiissaarinermik, ingerlatsinermik kiisalu malitseqartitsinermik qulakkeerineq.
  • Imminut toqunnissamut pinaveersaartitsinermut tunngatillugu suleqatigiinnissamik, ataqatigiissitsinermik kiisalu malitseqartitsinermik qulakkeerineq.
  • Aanngajaarniutinik atornerluinermi pitsaaliuinermut tunngatillugu suleqatigiinnissamik, ataqatigiissitsinermik kiisalu malitseqartitsinermik qulakkeerineq.
  • Suliassanik allanik aqutsisullu isumaqatigiinnikkut suliaqarneq

Suliassat tamarmik najukkami kommunip avataani suliaqartartunik suleqateqarnikkut suliarineqartarput.

Qinnuteqartunut naatsorsuutigisat:

  • Pitsaaliuinermut siunnersortitut imaluunniit perorsaanikkut, isumaginninnikkut peqqissutsimulluunniit tunngasumik ilinniarsimasuussaatit.
  • Pitsaaliuinermut tunngasunik soqutigisaqarlutillu ilisimasaqassaatit.
  • Assigiinngitsunik suleqateqallaqqissuussaatit
  • Misiginneqataasinnaaneq, qanilaassuseqarneq tunniussimanerlu piginnaasaqarfigissavatit.
  • Aalajaatsuussaatit, pitsaassutsimik pingaartitsisoq immikkuualuttunullu malussarissoq
  • Sulianik aaqqiissutigisartakkatta ingerlaavartumik inerisarneqarnerani pitsanngorsarneqarneranilu peqataassaatit
  • Kalaallit Nunaanni inuiaqatigiinni pissutsinik ilisimasaqassaatit

Neqeroorutigisinnaavagut:
Suliffiup unammillernarsinnaasup imarisassaanik nammineq sunniuteqarsinnaaneq, suliffeqarfimmilu pitsaassutsimik ineriartortitsinermillu pingaartitsisumik annertuumik namminersorluni akisussaassuseqarneq.
Suliffeqarfitsialak pitsaasunik suleqateqarfiusoq aqutsisunik avitseqateqarsinnaanermik periarfissalik kiisalu suliniuteqarnissamut nutaaliornissamullu inissaqartitsisoq.

Takkua saniatigut Tasiilami pinngortitamut misigisassarsiortoqarsinnaavoq. Aasakkut tatsini kangerlunni aalisarnissamut periarfissaqarluarpoq, qaqqakkut pisuttuarluni umiatsiarnermilu arfernik puisinillu takunissamik periarfissaqarluarluni. Ukiukkut qimussertoqarsinnaavoq, sangusaarluni imaluunniit ujakkaarluni, sikukkut aalisarluni aamma qamuteralalluni. Akeqanngitsumik fitnessertarfimmut timersoriartoqarsinnaavoq, iligiiaarluni timersortoqarsinnaavoq, soorlu volleybolderluni isikkamik arsarlunilu, soorluttaaq ivigaaraasalimmi arsaattarfimmi arsaattoqarsinnaasoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq AK, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 364/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 30. juli 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Lene Warwick
Telefon: +299 367795
Nittartagaq: http://www.sermersooq.gl
Qinnuteqaat nassiutiguk