Skip to main content
67

Dette jobopslag er udløbet

BFC Amarngivat Tasiilaq ilinniarsimasumik sulisussarsiorpoq / Atorfik nr. 371/20

Tasiilami Meeqqanut Ilaqutariinnullu Sullissivik 1. septembari 2020 tamatumaluunniit kinguninngua piaartumik atorfinissinnaasunik ilaqutariinnut ukioqanngitsuniit pingasut tikillugit ukiulinnik meerartalinnut aqqutissiuisartunik pissarsiorpugut. Immikkoortumi siusissukkut iliuuseqartarneq pitsanngorsarniarlugu neqeroorummik pilersitsinissaq tassani pineqarpoq.
Isumaginninnikkut, perorsaanikkut peqqinnissamullu tunngasunik suliallit peqatigiillutik qulakkeerniassavaat, meeqqat angajoqqaavi angajoqqaatut suliassatigut annertuumik ikorfartussallugit aqqutissiuutissallugillu.
Malinnaaffiginninnerit aqqutigalugit, kiisalu naleqquttumik ilitsersuinikkut aqqutissiuinikkullu angajoqqaat meeraq pillugu, ineriartornermini pisariaqartitai pillugit kiisalu qanoq pisariaqartitaasa salliunneqarnissaannut ilitsersorneqarnikkut ilisimasanik pissarsiaqartassapput.
Katsorsaanermik toqqammavilinnik oqaloqatiginninnikkut angajoqqaat sakkortuumik misigisaminnik suliaqarnissaminnut periarfissaqassapput, taakkumi ilaatigut angajoqqaatut piginnaasanik ineriartortitsinissamut akornutaasinnaasarmata.
Nukissaqarluartumik piumassuseqarluartumillu sulisussarsiorpugut, taanna kissalaartumik misigittarsinnaassusilimmillu ilaqutariinnik ajornartorsiortunik piginnaasassatigut ineriartortitsisinnaalluni sulisinnaassuseqassaaq. Naatsorsuutigaarput  perorsaasutut, peqqissaasutut imaluunniit isumaginninnermi sullissisutut ilinniagaqarsimassasutit aamma katsorsaanermik ingerlatitseqqiisinnaassuseqartutit.

Naatsorsuutigaarput, illit:

  • Meeraaqqat pitsaasumik toqqissisimanartumillu inuunermik aallartinnissaannut qulakkeerinissamut suleqataasinnaasutit
  • meeqqamut tunngatillugu ajornartorsiutaasut annertusiartortut siusissukkut paasineqarnissaannik qulakkeerinneqataasinnaasutit
  • angajoqqaani pineqartuni angajoqqaatut piginnaasanik ineriartortitsinissamik qulakkeerinnissinnaasutit
  • Meeraaqqanut tunngasunik ilisimasaqartutit
  • Meeqqat ingerlalluarnissaannut ineriartornissaannullu nalilersuilluarsinnaassuseqartutit
  • Assigiinngitsunik suliallit oqartussaassuseqarfinni sullissisut, tarnip pissusiinik immikkut ilisimasallit, ulluunerani neqeroorutiniittut, peqqissaasut allanillu suliallit qanimut suleqatiginissaannik sungiusimannittuusutit
  • ammasuusutit alapernaassuseqartutillu aamma suleqatit allat isumaannik tusarniaasinnaassuseqartutit

Neqeroorutigaavut:

  • Tasiilami meeraaqqanik nutaamik suliniuteqarnermi ineriartortitsinissamik periarfissalimmi atorfik soqutiginartoq
  • suleqatitsialaat, suliamut tunngasunik isummanik tusarniaaneq kiisalu siunersioqatigiinneq
  • suliatigut inuttullu tunngasutigut ineriartornissamut periarfissalik
  • Assigiinngitsunik suliallit akornanni suleqatigiit

Taakkua saniatigut Tasiilami pinngortitamut misigisassarsiortoqarsinnaavoq. Aasakkut tatsini kangerlunni aalisarnissamut periarfissaqarluarpoq, qaqqakkut pisuttuarluni umiatsiarnermilu arfernik puisinillu takunissamik periarfissaqarluarluni. Ukiukkut qimussertoqarsinnaavoq, sangusaarluni imaluunniit ujakkaarluni, sikukkut aalisarluni aamma qamuteralalluni. Akeqanngitsumik timersoriartoqarsinnaavoq, iligiikkaarluni timersortoqarsinnaavoq, soorlu volleybolderluni aamma isikkamik arsarluni, soorluttaaq ivigaaraasalimmi arsaattarfimmi arsaattoqarsinnaasoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut
Namminersorlutik Oqartussani isumaqatigiissut atuuttoq NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 371/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 15. august 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Ina Kilime MIkaelsen
Mobil: +299 581989
Lene Warwick
Telefon: +299 367795
Nittartagaq: http://www.sermersooq.gl
Qinnuteqaat nassiutiguk