Skip to main content
121

Dette jobopslag er udløbet

BFA Tasiilaq-mi oqalutsimik/nutserisumik pissarsiorput / Atorfiup nr. 581/21

Kommuneqarfik Sermersooq Tasiilami BFA marlunnik oqalutsinik/nutserisunik pissarsiorpoq.

OQALUTSITUT/NUTSERISUTUT atorfik allattariarsorluni oqaluttariarsorlunilu nutserinermik kiisalu oqaloqatigiittunut ataatsimiinnernilu assigiinngitsuni toqqaannartumik oqaluttaasarnermik suliassartaqarpoq.

Naatsorsuutigaarput:

  • Oqalutsitut/nutserisutut assingusumilluunniit ilinniagaqarsimanissat
  • Toqqaannartumik oqaluttaasinnaassasutit
  • Kalaallisut, qallunaatut ajornanngippallu oqaatsinik allanik piginnaasaqarluartutit
  • Eqinnaatsuusutit takkuttuaannartuusutillu
  • Sullissillaqqilluinnartuusutit
  • Suliassannik pingaarnersiuisinnaassuseqarlutillu pitsaasumik naammassinnittartutit
  • Suleqatiginnillaqqissuusutit inussiarnersuusutillu
  • Ulapaarfinni tamakkiisumik isiginnissinnaassuseqarnerit attatiinnarsinnaagit
  • nammineerlutit sulisinnaassuseqartutit
  • Qarasaasialerillaqqissuuvutit

Atorfimmut paasissutissat annertunerusut pissarsiarineqarsinnaapput, uunga saaffiginnilluni immikkoortortami aqutsisoq Sara Kristensen, sakr@sermersooq.gl, oqarasuaat 367755

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:
Naalakkersuisut, SIK imaluunniit kattuffiup allap isumaqatigiinniarsinnaatitaasup isumaqatigiissutaat atuuttoq naapertorlugu akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misiliutaaqqaassaaq.

Inissaq:
Atorfimmut atatillugu inissamik innersuussisoqarsinnaanngilaq

Qinnuteqaat:
Qinnuteqaat Job nr. 581/21-mik ilisarnaaserlugu aamma ilinniagaqarsimaneq siornatigullu sulisimanermik paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Ima qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 13. oktober 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Sara Kristensen
Telefon: +299 367775
Nittartagaq: http://www.sermersooq.gl
Qinnuteqaat nassiutiguk