Skip to main content
106

Dette jobopslag er udløbet

Atuarfimmi perorsaanermi ikorfartortinik marlunnik / Job nr. 675/19

Kommuneqarfik Sermersooq Atuarfik Samuel Kleinschmidt-imut naleqquttumik ilinniagaqarsimasumik pikkorissumik tunniusimasumillu perorsaanermi ikorfartortissarsiorpoq marlunnik, sulilerfiusussaq 25. November imaluunniit 1. December isumaqatigiissuteqarnikkulluunniit.

Atuarfik Samuel Kleinschmidt atuarfiuvoq 400 missaani atuartulik, 1-10 klassinut aamma specialklassit tallimanut agguataakkat. Atuarfik ineriartortoq, aamma ukiuni aggersuni suleqatigiinnermik annertuumik eqqarsaateqartoq, pitsaassusermik ineriartortitsineq, aamma atuartut ilinniakkamikkut qaffasissumik inissinnissaannut nukittorsaaneq ingerlakkusupparput. Atuarfiup anguniarpaa atuartut tamarmik nalilittut misiginissaat, aamma atuartut siunissami periarfissaannik tuninissaat sapinngisarput tamaat suliniutigalugu tunniukkusupparput.

Atuarfik immikkoortunut sisamanut agguataakkanik maannakkut 53-nik sulisoqarpoq ima tulleriinnilikkanik 1-3 klassit, 4-7 klassit, 8-10 klassit aamma atuaqatigiit immikkut atuartinneqartut. Atuarfimmi pisortaq, pisortap tullia, aamma trinlederit pingasut.

Atorfik piffissap ilaannaani sapaatip akunneranut 28 tiimit suliffiuvoq periarfissaqarluni tiimit amerlanerusut ilanissaannut.

Atorfiup imarisaa:
Perorsaanermi ikorfartortimik  – misilittagaqarluarsinnaasumik –  ulluinnarnilu atuartuni nukarlerni sulinermik aamma suliassanik arlalinnik uku ataanni suliaqartussamik pissarsiorpugut:

  • Ilinniartitsisoq suleqatigalugu atuartitsinermi meeqqanut ikorfartueqataallunilu ilitsersueqataaneq.
  • Meeqqanut immikkut isumagisarialinnut ilinniartitsisoq suleqatigalugu atugarissaarnermut tunngasunik oqaloqatiginninneq.
  • Aaqqiagiinngissutinut aaqqiissutissarsiornermik meeqqanik ilinniartitsisoq suleqatigalugu ikiuineq.
  • Atuarfiup iluani silataanilu meeqqanik nakkutilliinermik peqataaneq.

Atuarfimmi ilinniartitsisut aqutsisuusullu qanimut suleqatigalugit suliassat naammassineqassapput.

Qinnuteqaateqartunut naatsorsuutigisat:

  • Isumaginninnermi ikiorti imaluunniit  socialmedhjælperi 
  • Meeqqanut atuartunut sullissinermik misilittagaqartutit.
  • Atuarfimmi atuartuni nukarlerni atugarissaarnermut aamma ilikkarluarfiusunik avatangiiseqartitsinermik ilinniartitsisoq qanimut suleqatigalugu pilersitserusussusilik.

Tamatuma saniatigut pingaartipparput:

  • Aalajaatsuuneq, piffissaq eqqorlugu takkussinnaaneq isumaqatigiissutinillu eqquutsitsisinnaaneq.
  • Angajoqqaanut, suleqatinut atuartunullu allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit.
  • Nammineerluni sulisinnaasoq akisussaassuseqartoq sullissiumatoorlu
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allannguuteqartitsisinnaassuseqartoq
  • Ulloq ulapaarfiugaluarpalluunniit ukkatarinnilluarsinnaasoq ataqatigiisitsilluarsinnaasorlu
  • Tatitullunilu aallarnisaasinnaasoq, nukissaqarluartoq iliuuseqarnissamullu piumassuseqarluartoq
  • Perorsaanermut aamma klassini toqqissisimanissamut ingerlaavartumik tapersiinissamut pilersitseqataarusussuseqartoq
  • Arlalissuarnik suleqateqallaqqissoq
  • Qinnuteqartut marluinnik oqaasillit (kal/dk) atorfinitsinnissaat orniginartinneqarpoq.

Neqeroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfiusinnaasoq, suliffeqarfimmilu angisuumi ineriartortinneqartuartumi allanngorartuartumilu annertuumik akisussaaffeqarfiusoq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq.

Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 675/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.

Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 7. november 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Skoleinspektør Hector Lennert Sørensen
Telefon: +299 366221
Nittartagaq: http://www.sermersooq.gl
Qinnuteqaat nassiutiguk