Skip to main content
163

Dette jobopslag er udløbet

Atuarfik Samuel Kleinschmidt Kontorfuldmægtigimik pissarsiorpoq

Kinaana atorfinitsinniaripput: 
Pingaaruteqarluinnarpoq illit atuarfipput ataatsimoortoq ulluinnarni pilersitseqataaffigissagit, taamaattumik suliffik nikerartoq pissanganartorlu suliffigissallugu piareersimaffigissavat. Illiussaaq akulikitsunik atuartunik, angajoqqaanillu ikiuisinnaasoq, minnerunngitsumillu atuarfimmi sulisunut ulluinnarni annikinnerusunik annertunerusunilluunniit unammilligassaqartuartoq. Taamaattumik pisaqariaqartipparput inuk inussiarnersoq, pitsaasumillu kiinnertartoq ulluinnarni sulinitsinni ulapaarfiusumi. Naatsorsuutigissavat atuarfimmi allaffimmiutut atuarfiup aqutsisui qanimut suleqatigilluinnaqqissaarnissai.

 

 

Kikkut suleqatigissavigit:
Illit piginnaasaqaqatigalugillu suleqatigalugillu sullisissavatit suleqatit 56-it missaaniittut, atuartullu 400-it missaaniittut.

 

 

Allaffimmioq atorfinitsitassarput makkuninnga suliassaqarpoq nakkutigisaqarlunilu:

  • Allaffissornikkut atuartunut, sulisunullu programmeq TEA
  • Atortussanik piniartarneq
  • Atuartut nalunaarsorneri/allattorneri
  • Skoleintramut administrator
  • Akiligassanik fakturanillu bogførineq winformatik atorlugu.
  • Allakkat isertut anisut, kiisalu avataanit saaffiginnittunut sullissineq
  • Journalisering aamma GetOrganized aqqutigalugu
  • Peqanngiffinnik nalunaarsuineq atuartunut ilinniartitsiunullu
  • Akissarsialerineq
  • Suliassallu allat

 

 

Neqeroorutigissavagut:

  • Suliffik ulapaarfik, kisiannni aamma allanngorartoq pissanganartoq ilikkagaqarfiusinnaasorlu.
  • Suliffik nikerartoq suliassatigut
  • Suliassanut nammineersinnaassusilik
  • Suleqatit qanimut suleqatiginittut

 

 

Naatsorsuutigaarput:

  • Allaffimmiutut ilinniarsimassasutit assingusumilluunniit
  • Allaffimmiutut siornatigut sulereersimassasutit
  • Nammineersinnaasutit aammalu nammineq suliaqarsinnaallutillu sulisinnaasutit
  • Allaffissornikkut suliassanik ilisimaarinnittutit
  • Ilisimasaqartutit Tabulex Trio-mut / TEA-mullu.
  • Ilisimasaqartutit sulisunut allaffissornikkut journaliseriinermullu
  • Ilisimasaqartutit qarasaasialerinermut soorlu makkununnga: Skoleintra, Winformatik, GetOrganized Microsoft office pakken il.il.

 

 

Suliffeqarfimmik ilisarititsineq:
Atuarfiak Samuel Kleinschmidt 400-inik atuartoqarpoq 56-inillu sulisoqarluni. Afdelinginut sisamaasunut aggugaavoq: Nukarliit, akulliit, angajulliit specialklassellu

 

 

Uku ilisarnaatigaagut:

  • Sulisut aamma aqutsisut atugarissaartut suliassaqarfiit akimorlugit aamma ineriartuutaasumik atugassaqartitaallutik
  • Atugarissaarnermik, ataatsimoornermik aamma atuartut ilinniartitsisullu ilikkagassaannik pingaartitsineq
  • Angajoqqaat akisussaassuseqarnissaannut kaammattuisuuvugut aamma meeraasa atuarnerannut peqataatitsinermut
  • Meeqqat ataasiakkaat pillugit suliassaqarfinni allani ingerlatsisut suleqatigivagut

 

 

Sapaatip-akunneranut akunnerit suliffissat:
40 tiimit sapaatip-akunneranut 

 

 

Annertunerusumik paasisaqarusukkuit:
Annertunerusumik paasisaqarusukkuit atuarfiup pisortaa Margrethe Karlsen Brummerstedt attavigisinnaavat uunga oqarasuaat 366221 imaluunniit e-mail-imut uunga: mkar@sermersooq.gl

 

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

Inissiaq:
Atorfimmut atatillugu inissiamik atugassiisoqanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa 533/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.               

 

Qinnuteqarnissamut killissarititaasoq: aggustip 23.-at, 2022

Atorfik una qinnuteqarfigiuk