Skip to main content
106

Dette jobopslag er udløbet

Atuarfik Samuel Kleinschmidt Ilinniartitsisunik arfinilinnik pissarsiorpoq /Atorfiup ilisarnaataa. 271/19

Atuarfik Samuel Kleinschmidt ilinniartitsisunik arfinilinnik pikkorissunik ilinniarsimasunillu pissarsiorpoq,Augustip 1-ni 2019 atorfinittussanik. Atorfinittussat ukunani fagini atuartitsissapput: 

  • Trin 1. Kalaallisut, matematik, qallunaatut, tuluttut, pinngortitalerineq, lokale valg, timersorneq,inuiaqatigiilerineq, rel/fi aammalu klasselærer
  • Trin 2. Matematik, pinngortitalerineq, kalaallisut, inuiaqatigiilerineq, rel/fi aammalu klasselærer
  • Trin 2. Qallunaatut, tuluttut, inuiaqatigiilerineq, rel/fi aammalu klasselærer
  • Trin 3.  Linjefag Matematik pinngortitalerinerlu, meeqqat atuarfianni misilitsinnissanut piareersarnermut misilittagaliusinnaavoq.
  • Trin 3 Linjefag-ini qallunaatut tuluttullu, meeqqat atuarfianni misilitsinnissanut piareersarnermut misilittagaliusinnaavoq
  • AKT-klasse/trivselklasse-mut ilinniartitsisoq, specielklasse-nut aammalu familieklasse-nut misilittagaliusinnaavoq

Aammalu ilinniartitsissutit inuttalerusussinnaasat, musik/drama, kunst/arkitektur (sløjd), timersorneq nalunnerlu.

Atuarfik Samuel Kleinschmidt 430-nik atuartoqarpoq, 1.-10- klassinik, immikkullu atuartitat atuaqatigiit tallimat. Atuarfik ineriartortuuvoq, ukiunilu tullittuni annertuumik suleqatigiinneq salliutinneqarluni aallunneqarpoq. Pitsaasumik ineriartortitsineq, atuartullu pitsaasumik angusaqarnissaannik nukittorsaarusuttoq.

Atuartut tamarmik naleqartutut misiginissaat atuarfiup anguniarpaa, aammalu atuarfiup sulisutigiuarpaa atuartup siunissarissaarnissaa anguterlugu.

Massakkuugallartoq atuarfik 52-inik sulisoqarpoq, taakku immikkoortunut sisamanut inississoqqapput. 1.-3. klassit 4.-7. klassit kiisalu 8.-10. klassit kiisalu atuaqatigiiaat immikkut atuartitat. Atuarfimmi pisortaq, pisortap tullia, aammalu immikkoortortani aqutsisut sisamat. Atorfik piffissaq tamakkerlugu sulliviussaaq.

Atorfimmi suliassat: 
Atuaqatigiinni allat ilinniartitsisut aammalu immikkoortortami suleqatit qanimut suleqatiginissaat piareersimaffigineqassapput. Pingaartumillu angajoqqaat qanimut suleqatigineqassallutik.

Qinnuteqaateqartunut naatsersuutigisat: 

  • Ilinniartitsisutut ilinniarsimaneq immikkullu toqqakkamik (liniefag) naleqquttumik ilinniagaqarsimaneq.
  • Atuaqatigiinnik aqutillaqqinneq.
  • Atuartitsinermik pitsaasumik ilusilersukkamik ingerlatsineq.
  • Meeqqanut angajoqqaanullu pitsaasumik attaveqarsinnaaneq.
  • Qanittumik suleqateqarsinnaaneq.
  • Immikkut atuartitsinermut akullernilu atuartitsinermi misilittagalik, pikkorissarnissamullu kissaateqartoq.

Aammattaaq pimgaartipparput:

  • Suliffimmut aalajaatsuuneq akisussaassuseqarnerlu
  • Atuartunut, angajoqqaanut suleqatinullu attaveqateqallaqqinneq
  • Sulinissamut akuersaartuuneq,  meeqqanut inersimasullu nukissaqarluni sulisinnaaneq
  • Ineriartortuarnissaq suleqatinullu misilittakkanik ilisimasanillu tunioraajuarnissaq
  • Nuannersumik qaffasissumillu pissuseqarsinnaanissamik atuartunut piumaffiginninnissaq

Neqeroorutigaavut:
Atorfik unamminartulik, ilinniartitsisutut inuttullu ineriartornissamut periarfissalik. Atuarfiup isigineqarneranut tunniusseqataanissamut periarfissamik pitsaalluinnartumik pissarsiaqarfiusinnaasoq. Ukiuni aggersuni ilinniartitsinermi pitsaassuseq ineriartornerlu eqqarsaatigalugit ASK-imi sulissuteqarpugut, atuartut ilinniakkamikkut qaffasissusaat, aamma naleqartitat ataatsimoorussat iluanni. Aaqqissugaaneq naapertorlugu aqutseriaatsinik siunersiueqateqatigiittarneq aamma suleqatinit pisortaniillu ilitsersorneqarneq, taamaalillutit toqqissisimasumik patajaatsumillu sulisinnaassagavit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, IMAK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq: 
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 271/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 20. Maj 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Skoleinspektør Malene Kongpetsak
Telefon: +299 366221
Nittartagaq: http://www.sermersooq.gl
Qinnuteqaat nassiutiguk