Skip to main content
153

Dette jobopslag er udløbet

Atuarfik Samuel Kleinschmidt Ilinniartitsisumik ilinniarsimasumik ataatsimik pissarsiorpoq

Atuarfik Samuel Kleinschmidt atuarfiuvoq 440-nik atuartulik, 1.-10- klassenik atuartulik, atuaqatigiillu immikkut ittut arfinillit. Atuarfik ineriartortoq, aamma ukiuni aggersuni suleqatigiinnermik annertuumik eqqarsaateqartoq, pitsaassusermik ineriartortitsineq, aamma atuartut ilinniakkamikkut qaffasissumik inissinnissaannut nukittorsaaneq ingerlakkusupparput. Atuarfiup anguniarpaa atuartut tamarmik nalilittut misiginissaat, aamma atuartut siunissami periarfissaannik tuninissaat sapinngisarput tamaat suliniutigalugu tunniukkusupparput. Atuartut kulturertik tunngavigalugu ineriartortitsinissaat angarusupparput, ingerlaavartumik nalilersuinerit, pitsanngorsaatissanik aqqutissiussisut angorusutatta ilagaat.

Massakkuugallartoq atuarfik 52-inik sulisoqarpoq, taakku immikkoortunut sisamanut agguarneqarput 1.-3. klassit 4.-7. klassit kiisalu 8.-10. klassit kiisalu specialklassit. Atuarfimmi pisortaq, pisortap tullia, aamma immikkoortunut pingasunut pisortat pingasut, immikkullu ittumik immikkut atuartittakkanut aqutsisoqarluni, atorfik piffissaq tamakkerlugu sapaatip akunneranut suliffiuvoq.

Atorfiup imarisai:
Klassimi ilinniartitsisut allat qanillugit suleqatigiinnissamut piareersimaneq, aamma immikkoortortani, kiisalu angajoqqaanut qanittumik attaveqartarnissaq.

Ilinniartitsisup ingerlatassai:

Ukunani ilinniartitsisunngortussaq atuartitsisinnaassaaq: trin 2-mi aammalu 10.klassini kisitsinermi ilinniartitsisuunissaa naatsorsuutigissavarput, ukunani atuartitsisinnaasoq: Kisitsinermi, pinngortitalerinermi, timersornermi inuiaqatigiilerinermilu. Saniatigut kvalitetsudvikleritut inissisimasoqarsinnaalluni.

Naatsorsuutigaarput:

  • Ilinniartitsisutut ilinniarsimassunissat
  • Atuartitsinerni aqutsilluarsinnaanissat
  • Qiimasuunissat, sulerusussuseqarnissat,, akisussaassuseqarnissat aammalu aallarnisaasinnaassuseqarnissat takutissinnaassagit/piginnaaneqarfigissagit.
  • Ammasuunissat, ataqqittuunissat aamma allanut akuulluarsinnaanissat.
  • Suleqatigiligassanik, qullersanik angajoqqaanillu nuannersumik suleqateqarsinnaanissat.
  • Periarfissaasunut assigiinngitsunut ammasuunissat.
  • Sulerusussuseqarnissat aammalu ineriartorfiusumut suleqataanissamut isernissat.
  • Teamsini suleqataalluarnissannut allanngueqataanissamullu ammalluarnissaq, immikkoortortanilu suleqataalluarsinnaanissaq.
  • iPad-inut siunnersuutaasinnaasunullu taakkununnga nalunngisaqarnissat.
  • iPad atorlugu atuartitsisinnaanissat.

Uku tunniussinnaavagut:
Atorfik unamminartulik, ilinniartitsisutut inuttullu ineriartornissamut periarfissalik. Atuarfiup isigineqarneranut tunniusseqataanissamut periarfissamik pitsaalluinnartumik pissarsiaqarfiusinnaasoq. Ukiuni aggersuni ilinniartitsinermi pitsaassuseq eqqarsaatigalugu "ASK-imik nutaamik" sulissuteqarpugut, atuartut ilinniakkamikkut qaffasissusaat, aamma naleqartitat ataatsimoorussat iluanni. Aaqqissugaaneq naapertorlugu aqqutseriaatsinik siunersiueqateqatigiittarneq aamma suleqatinit pisortaniillu ilitsersorneqarneq, taamaalillutit toqqissisimasumik patajaatsumillu sulisinnaassagavit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat. Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarneq atorfinitsitaanerlu isumaqatigiissutit atuuttut malillugit pissaaq, Naalakkersuisut aamma Ilinniartitsisut Meeqqat Atuarfianneersut Kattuffiata (IMAK) akornanni. Isumaqatigiissut atuuttoq naapetorlugu atorfineqqaarneq qaammatini aqqaneq marlunni misiliutaassaaq.

Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat.

Atorfinititsineq qaammatini pingasuni misiliutitaqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, Ilinniartitsisut Meeqqat Atuarfianneersut Kattuffiatalu (IMAK) akornanni isumaqatigiissut atuuttoq, imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaat atuuttut naapertorlugu atorfinititsisoqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Attavissaq: Allanik paasisaqarnerorusukkuit atuarfimmi ningioq Margrethe K. Brummerstedt attavigisinnaavat uunga sianerlutit imaluunniit allallutit: Telefon: (+299) 36 62 21

E-mail: mkar@sermersooq.gl . Imaluunniit atuarfiup pisortaata tullia Susanne Jørgensen Telefon: (+299)366222 E-mail: sunj@sermersooq.gl

Qinnuteqaat:
Qinnuteqaatip ilisarnaataata Atorfiup ilisarnaataa 35/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 7. februar 2022
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Skoleinspektør Margrethe Karlsen Brummerstedt
Telefon: +299 366221
Nittartagaq: http://www.sermersooq.gl
Qinnuteqaat nassiutiguk