Skip to main content
128

Dette jobopslag er udløbet

Atuarfik Samuel Kleinschmidt erninermi taartaasumik ilinniartsitisumik pissarsiorpoq

Kommuneqarfik Sermersooq erninermut sulinngiffeqartumut paarlattaasussamik, ilinniartitsisutut ilinniarsimasumik alloriarfik 2-mi pissarsiorpoq. Ukunani fagini ilinniartitsisuusinnaasoq: Kalaallisut, lokale valg, eqaarsaarneq aammalu immaqa kursuscenterimi kalaallisoortitsisoq. Atorfininneq pissaaq 01.august 2022 - 31.december 2022 tungaanut.

 

Atuarfik Samuel Kleinschmidt atuarfiuvoq 430-it missaani atuartoqarpoq, 1.-10- klassenik atuartulik, atuaqatigiillu immikkut ittut tallimat. Atuarfik ineriartortoq, aamma ukiuni aggersuni suleqatigiinnermik annertuumik eqqarsaateqartoq, pitsaassusermik ineriartortitsineq, aamma atuartut ilinniakkamikkut qaffasissumik inissinnissaannut nukittorsaaneq ingerlakkusupparput. Atuarfiup anguniarpaa atuartut tamarmik nalilittut misiginissaat, aamma atuartut siunissami periarfissaannik tuninissaat sapinngisarput tamaat suliniutigalugu tunniukkusupparput.

 

Massakkuugallartoq atuarfik 52-nik sulisoqarpoq, taakku immikkoortunut sisamanut agguarneqarput 1.-3. klassit 4.-7. klassit kiisalu 8.-10. klassit, aamma atuaqatigiit immikkut ittumik pisariaqartitsisut. Atuarfimmi pisortaq, pisortap tullia, aamma immikkoortunut pingasunut pisortaq. Atorfik piffissaq tamakkerlugu sapaatip akunneranut suliffiuvoq.

 

Atorfiup imarisai:
Klassimi ilinniartitsisut allat qanillugit suleqatigiinnissamut piareersimaneq, aamma immikkoortortani, kiisalu angajoqqaanut qanittumik attaveqartarnissaq.

 

Qinnuteqaateqartunut naatsorsuutigisat: 

  • Ilinniartitsissutigisanut naleqquttunut ilinniartitsisutut ilinniagalik
  • Klassimi aqutsillaqqissoq
  • Ilinniartitsinerup pitsaasumik ilusilersornissaanut pikkoriffeqartoq
  • Meeqqanut angajoqqaanullu pitsaasumik attaveqarsinnaasoq
  • Qanilluni suleqateqarusuttoq
  • Atuarfimmi ilinniartitsinissamut atatillugu pikkorissarnissamut kissaateqartoq, misilittagalik

 

Tamatuma saniatigut pingaartipparput, illit:

  • Sulinissamut aalajaatsoq, aamma akisussaassuseqartoq
  • Meeqqanut suleqatinullu attaveqarsinnaanermut pikkoriffeqartoq
  • Akuersaartuulluni sulinissamut aamma meeqqanut inersimasullu nukissaqarluni sulisinnaasoq
  • Suleqatinut misilittakkanik ilisimasanillu avitseqatigiinnissamut ineriartornermullu piumassuseqartoq
  • Atuartunut piumaffiginninnermi nuannersumik qaffasissumillu pissuseqarsinnaaneq

 

Neqeroorutigaavut:
Atorfik unamminartulik, ilinniartitsisutut inuttullu ineriartornissamut periarfissalik. Atuarfiup isigineqarneranut tunniusseqataanissamut periarfissamik pitsaalluinnartumik pissarsiaqarfiusinnaasoq. Ukiuni aggersuni ilinniartitsinermi pitsaassuseq eqqarsaatigalugu "ASK-imik nutaamik" sulissuteqarpugut, atuartut ilinniakkamikkut qaffasissusaat, aamma naleqartitat ataatsimoorussat iluanni. Atuarfittaassallu tungaanut, atuarfik Ukaliusaq peqatigalugu suleqatigiinnerulernissarput suleqatigiissutigilereerlutigu. Aaqqissugaaneq naapertorlugu aqqutseriaatsinik siunersiueqateqatigiittarneq aamma suleqatinit pisortaniillu ilitsersorneqarneq, taamaalillutit toqqissisimasumik patajaatsumillu sulisinnaassagavit.

 

Annertunerusumik paasisaqarusukkuit:
Atuarfiup pisortaa: Margrethe K. Brummerstedt oqarasuaat: 366221 e-mail: mkar@sermersooq.gl
Atuarfiup tullersortaa: Susanne Jørgensen       oqarasuaat: 366222 e-mail: sunj@sermersooq.gl

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, IMAK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.


Atorfinititsineq qaammatini pingasuni misiliutitaqassaaq.

 

Inissiaq:
Atorfimmut atatillugu inissiamik atugassiisoqanngilaq.

 

Qinnuteqaatip:
Qinnuteqaatip ilisarnaataata Atorfiup ilisarnaataa 316/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: maajip 26.-at, 2022

Atorfik una qinnuteqarfigiuk