Skip to main content
150

Dette jobopslag er udløbet

Atuarfik Hans Lynge marlunnik ilinniartitsisussarsiorpoq

Atuarfik Hans Lynge marlunnik ilinniartitsisussarsiorpoq, ataaseq akullerni atuartitsissutini: kalaallisut, matematik, qallunaatut, inuttut inerikkiartorneq, ataaseq nukarlerni atuartitsissutini tamani.

 

Atuarfik Hans Lynge Nuummi Qinngutsinni inissisimavoq. Atuarfik pinngortitamik nuannersumik avatangiiseqarpoq qaqqat, kuuit tatsillu qanitaralugit. Atuarfik nutaaliaavoq 2011-imi atulerneqartoq. Atuarfiup init atuartitsinermi atugassat atuartitsinermilu atortorissaarutit tamaasa pigai, soorlu smartboardit whiteboardillu.

 

Atuarfik atuartoqarpoq 1.-10.kl, ukioqatigiit atuaqatigiit marluk pingasullu ingerlanneqarput. Maannakkut 490-it miss. atuartoqarpoq 47-nillu ilinniartitsisoqarluni.

 

Suleqatigiit ingerlalluartut, angerlarsimaffiup atuarfiullu akornanni pitsaasumik oqaloqatigiinnikkullu attaveqarfiusumik suleqatigiinneq, aqutseriaaseq ersarissoq ulluinnarnilu angajoqqaanik pitsaasumik suleqateqarneq atuarfimmi atuupput.

 

 

Naatsorsuutigaarput:

  • Ilinniarfissuarmi ilinniartitsisutut naammassisimasutit
  • Inimi atuartitsivimmik aqutsilluarsinnaassaatit tatituujullutit
  • Akuersaartuusutit, tunniusimasuusutit, akisussaassuseqartuullutillu aallarnisaasuusutit
  • Ammasuullutillu ilumoortuussutit attaveqatigiissitsillaqqissuusutillu attaveqallaqqittuussaatit atuartut piginnaasassatigut inoqqataanikkullu qaffasissumik aallullugit
  • Suleqatinik, aqutsisunik angajoqqaanillu pitsaasumik suleqateqarusussuseqartutit naligiissumik tamanut.
  • Aporfiit salliutinnagit periarfissanilli salliutitsissaatit
  • Atuarfiup avatangiisaani tamatigoortuni ineriartornermullu sammisuni ilanngunnissannut kajumissuseqartutit
  • Atuarfimmi immikkoortukkuutaarlugit agguataagaasumi suleqatigiinnut ilanngussinnaasutit suleqatigiinnillu taakkuninnga ineriartortitseqataasinnaasutit
  • IPad atorlugu atuartitsinermi misilittagaqarnissaq ilisimasaqarnissarlu

 

 

 

Neqeroorutigaavut:

  • Atuarfiup avatangiisai ineriartornermut sammisut, inuttut suliatigullu ineriartornissamut periarfissallit
  • Kommunimi atuarfeqarfik politikikkut pingaartinneqarfiusumi atuarfeqarfimmi atorfik soqutiginartoq atuarfillu pillugu inatsimmi atuuttumi perorsaanikkut ineriartorneq pingaartinneqartoq
  • Atuarfimmi ilinniartitsisutut nutaatut tapersersorluarneqarneq
  • Suleqatigiinni isummanik pissarsiffiulluartumik suleqatit pitsaasut
  • Suliassanik sunniinissamut aaqqissuussinissamullu periarfissat pitsaasut

 

Paasissutissat amerlanerusut uunga saaffiginnilluni pineqarsinnaapput:

Paasissutissat amerlanerusut uunga saaffiginnillutit pissarsiarisinnaavatit: Atuarfiup pisortaa Tom Ostermann-Søholm (+299 36 64 51) E-mail toos@sermersooq.gl  imaluunniit Atuarfiup pisortaata tullia Laila Vivian Petersen           (+299 36 64 53) E-mail lavp@sermersooq.gl

 

 

Meeqqanik innarliisimannginnermik uppernarsaat:

Inatsik meeqqanik innarliisimannginnermik uppernarsaammik aallernissamut tunngasoq atorfimmut uunga inuttassarsiuunneqartumut atuuppoq. Taamaammat erseqqissaatigissavarput atorfininnissaq aatsaat pisinnaammat meeqqanik innarliisimannginnermik uppernarsaat naammaginartoq Rigspolitiiniit kommunimut apuunneqarpat.

 

 

Pineqaatissinneqarsimannginnermik uppernarsaat:

Inatsik pineqaatissinneqarsimannginnermik uppernarsaammik aallernissamut tunngasoq atorfimmut uunga inuttassarsiuunneqartumut atuuppoq. Taamaammat erseqqissaatigissavarput atorfininnissaq aatsaat pisinnaammat pineqaatissinneqarsimannginnermik uppernarsaat naammaginartoq ilanngunneqarpat. Taannalu politiinut imaluunniit sullissivik.gl aqqutigalugu qinnuteqartumit aaneqassaaq.

 

 

Akissaatinut atorfinitsitaanermullu tunngatillugit atugassarititaasut:

Aningaasarsiat atorfininnermilu atukkat aaqqinneqassapput Naalakkersuisut Ilinniartitsisut Meeqqat Atuarfianneersut Kattuffiat, IMAK, akornanni isumaqatigiissut malillugu.

 

 

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

 

Qinnuteqarneq:
Qinnuteqaatip ilisarnaataata Job nr. 586/22, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

 

 

Imatut qinnuteqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissaatit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat. Qinnuteqaaternut ilanngutissavatittaaq qinnuteqaatit, CV, ilinniarsimanermut uppernarsaatit, atuartitsinermi periuseq (Didaktik) oqaaseqaatillu.

 

 

Malugiuk:
Nalunaarutigiuk, atorfik sorleq qinnuteqarfiginerlugu, periarfissaq ataasiinnaanngimmat.

Qinnuteqarnissamut killissarititaasoq: septembarip 8.-at, 2022

Atorfik una qinnuteqarfigiuk