Skip to main content
91

Dette jobopslag er udløbet

Atuarfik Hans Lynge ilinniartitsisussarsiorpoq / Atorfiup normua 583/20

 

Atuarfik Hans Lynge ilinniartitsisussarsiorpoq akullerni atuartitsisinnaasumik, atuartitsissutini ukunani: Kalaallisut, qallunaatut, tuluttut, timersorneq – silamiinnerlu, sumiiffinni qinigassat kiisalu inuttut inerikkiartorneq.

Atuarfik Hans Lynge Nuummi Qinngutsinni inissisimavoq. Atuarfik pinngortitamik nuannersumik avatangiiseqarpoq qaqqat, kuuit tatsillu qanitaralugit. Atuarfik nutaaliaavoq 2011-imi atulerneqartoq. Atuarfiup init atuartitsinermi atugassat atuartitsinermilu atortorissaarutit tamaasa pigai, soorlu smartboardit whiteboardillu.

Atuarfik atuartoqarpoq 1.-10.kl, ukioqatigiit atuaqatigiit marluk pingasullu ingerlanneqarput. Maannakkut 494-nik atuartoqarpoq 40-nillu ilinniartitsisoqarluni.

Suleqatigiit ingerlalluartut, angerlarsimaffiup atuarfiullu akornanni pitsaasumik oqaloqatigiinnikkullu attaveqarfiusumik suleqatigiinneq, aqutseriaaseq ersarissoq ulluinnarnilu angajoqqaanik pitsaasumik suleqateqarneq atuarfimmi atuupput.

Naatsorsuutigaarput atuartut, ilinniartitsisut angajoqqaallu tamarmik piumassuseqarluarlutik, tunniusimallutik pitsaasumik isiginnittaaseqarlutik suleqatiginnissasut. Angajoqqaanik suleqatigiinninneq qaffasissoq pingaartipparput, atuartullu akisussaassuseqartumik atuarnerminnik ingerlatsinissaat pingaartittuullutigu. Isumaqarpugut atuartut pillugit suleqatigiinneq suleqataasunit tamanit naligiimmik ataatsimoorfigalugu ataqqeqatigiilluni ingerlanneqassasoq.

Ilinniartitsisussarsiorpugut, qulaani atuartitsissutit pineqartunik atuartitsisinnaasumik ukiumi atuarfiusumi ingerlasumi. Atuartut pisinnaasassaannik ilikkartitsilluarusuttumik, inooqataanikkullu ineriartorfiusumik pingaartitsisumittaaq. Ilinniartitsisoq atuaqatigiinnik aqutsillaqqissoq piumavarput, suleqatigiinnilu ingerlalluartitsisoq tatitoorlu sulinermi piumasaralugu.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut, Ilinniartitsisut Meeqqat Atuarfianneersut Kattuffiat, IMAK-llu isumaqatigiissutaat atuuttoq malillugu.

Atorfinititsineq qaammatini pingasuni misiliutitaqassaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:

Qinnuteqaatip ilisarnaataata Atorfiup normua 583/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Paasissutissat amerlanerusut uunga saaffiginnillutit pissarsiarisinnaavatit: Atuarfiup pisortaa Tom Ostermann-Søholm (+299 36 64 51) E-mail toos@sermersooq.gl  imaluunniit Atuarfiup pisortaata tullia Laila Vivian Petersen (+299 36 64 53) E-mail lavp@sermersooq.gl

Imatut qinnuteqassaatit:

Atorfik qinnuteqarfigerusutat takugukku, uagutsinnut qinnuteqaammik nassitsissaatit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat. Qinnuteqaaternut ilanngutissavatittaaq qinnuteqaatit, CV, ilinniarsimanermut uppernarsaatit, atuartitsinermi periuseq (Didaktik) oqaaseqaatillu.

 

Qinuteqaat tunniunneqassaaq kingusinnerpaamik: 30. novembari 2020
Atorfininneq: 1.decembari 2020 isumaqatigiinnikkulluunniit
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Laila Vivian Petersen
Telefon: +299 366453
Tom Ostermann-Søholm
Telefon: +299 366451
Nittartagaq: http://www.sermersooq.gl
Qinnuteqaat nassiutiguk