Skip to main content
89

Atuarfik Hans Lynge ilinniartitsisussarsiorpoq / Atorfiup ilisarnaataa 725/19

Atuarfik Hans Lynge angajullerni marlunnik ilinniartitsisussarsiorpoq, ataaseq atuartitsissutini ukunani atuartitsisinnaasumik: Fysik/kemi, naturgeografi, biologi, matematik. Ataaseq Dansk, tuluttut, kiisalu ataaseq kalaallisut naammattusaataasumik atuartitsineq, kursuscenter.

Atuarfik Hans Lynge Nuummi Qinngutsinni inissisimavoq. Atuarfik pinngortitamik nuannersumik avatangiiseqarpoq qaqqat, kuuit tatsillu qanitaralugit. Atuarfik nutaaliaavoq 2011-imi atulerneqartoq. Atuarfiup init atuartitsinermi atugassat atuartitsinermilu atortorissaarutit tamaasa pigai, soorlu smartboardit whiteboardillu.

Atuarfik atuartoqarpoq 1.-10.kl, ukioqatigiit atuaqatigiit marluk pingasullu ingerlanneqarput. Maannakkut 495-nik atuartoqarpoq 41-nillu ilinniartitsisoqarluni.

Suleqatigiit ingerlalluartut, angerlarsimaffiup atuarfiullu akornanni pitsaasumik oqaloqatigiinnikkullu attaveqarfiusumik suleqatigiinneq, aqutseriaaseq ersarissoq ulluinnarnilu angajoqqaanik pitsaasumik suleqateqarneq atuarfimmi atuupput.

Atuarfik Hans Lynge angusarissaarfiusuuvoq, inooqatigiinnikkut ataatsimoornermik ineriartortitsinermik suliaqartuulluni.

Naatsorsuutigaarput atuartut, ilinniartitsisut angajoqqaallu tamarmik piumassuseqarluarlutik, tunniusimallutik pitsaasumik isiginnittaaseqarlutik suleqatiginnissasut. Angajoqqaanik suleqatigiinninneq qaffasissoq pingaartipparput, atuartullu akisussaassuseqartumik atuarnerminnik ingerlatsinissaat pingaartittuullutigu. Isumaqarpugut atuartut pillugit suleqatigiinneq suleqataasunit tamanit naligiimmik ataatsimoorfigalugu ataqqeqatigiilluni ingerlanneqassasoq.

Angajullerni ilinniartitsisussarsiorpugut, qulaani atuartitsissutit pineqartunik atuartitsisinnaasumik upernaap tungaanut.

Atuartut pisinnaasassaannik ilikkartitsilluarusuttumik, inooqataanikkullu ineriartorfiusumik pingaartitsisumittaaq. Ilinniartitsisoq atuaqatiginnik aqutsillaqqissoq piumavarput, suleqatigiinnilu ingerlalluartitsisoq sulinermi piumasaralugu.

Paasissutissat amerlanerusut uunga saaffiginnillutit pissarsiarisinnaavatit: Atuarfiup pisortaa Tom Ostermann-Søholm (+299 36 64 51) E-mail toos@sermersooq.gl imaluunniit Atuarfiup pisortaata tullia Laila Vivian Petersen            (+299 36 64 53) E-mail lavp@sermersooq.gl

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat. Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

ILINNIARTITSISUT Akissarsiaqarneq atorfinitsitaanerlu isumaqatigiissutit atuuttut malillugit pissaaq, Naalakkersuisut aamma Ilinniartitsisut Meeqqat Atuarfianneersut Kattuffiata (IMAK) akornanni. Ilinniartitsisutut isumaqatigiissut malillugu atorfineqqaarnermi qaammatini pingasuni annerpaamik misiliisoqarnissaaq. Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat. 

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata atorfiullu ilisarnaataa 725/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 27. november 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Tom Ostermann-Søholm
Telefon: +299 366451
Nittartagaq: http://www.sermersooq.gl
Qinnuteqaat nassiutiguk