Skip to main content
109

Dette jobopslag er udløbet

Attaveqatigiinnermi suleqataasoq / Atorfiup normua 559/19

Attaveqatigiinnermi suleqataasoq ataatsimut isiginnissinnaasoq erseqqissumillu allaatilik

Anguniagaraarput Nunatsinni attaveqaqatigiinnermut immikkoortortani pitsaanerpaanissarput. Naatsumik oqaatigalugu kommunini innuttaasunik paasissutissiillaqqinnerpaajumavugut, tassungalu ilanngullugu suleqatitsinnik qinikkanillu pitsaanerpaamik sullisserusulluta - aammalu nuannisarumavugut, upperigatsigu qungujulaneq illarnerlu pitsaanerusunik sulinermi avatangiiseqalersitsisartoq, taamaasillunilu suliassanik naammassisaqarluarfiunerusartoq.

Suliassamut naleqqutissaguit attaveqaqatigiinnerup iluani assigiinngitsorpassuarnik suliaqarsinnaasariaqarputit, aammalu malinnaalluarsinnaasariaqarputit misilittagaqarlutillu. Pissanganartumilli allanngorartumillu suliassaqartippatsigit ilaatigut makku akisussaaffigalugit:

  • Kommunip nittartagaanut tusagassiorfinnut nalunaarutinik allanneq, nutaarsiassanik allanneq aammalu inuit attaveqaqatigiittarfiinut allaaserisaqarneq.
  • Tusagassiortutut ujartuillutit sulisarlutit.
  • Kommunip ingerlatsivii qanimut suleqatigalugit paasititsiniaassutinik attaveqaqatigiinnermilu periutsinik suliaqarneq.
  • Apeqqutit attaveqaqatigiinnermut tunngasut pillugit allaffeqarfimmik qinikkanillu siunnersuisarneq.

Suliffitsinni ulapaartassaatit assigiinngitsorpassuarnillu suliaqartarlutit, immikkoortortatsinni suleqativut arfiniliupput (grafiker, webmaster, tusagassiortut attaveqaqatigiinnermullu suleqatit). Annertunngikkaluamik illit soqutigisatit piginnaanitillu naapertorlugit suliassatit pilersaarusiortarsinnaassavatit.

Naatsorsuutigaarput illit:

  • Attaveqatigiinnerup tusagassiutilerinerullu iluani ilinniarsimanissat.
  • Nunatsinni inuiaqatigiinni pissutsinik ilisimasalik soqutigisalillu.
  • Attaveqaqatigiinnermut tunngasunik suliaqarnissamut nuannarisalik oqaluttuassaqqissunillu oqaluttuarumasartoq.
  • Kalaallisut oqaaseqarneq iluaqutaassaaq, piumasaqaataanngilarli.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissarsiat atorfinitsitaanermilu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit.

Qinnuteqaat:
Qinnuteqaatip ilisarnaataata Job nr. 559/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                      

Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

 

Qinuteqaat tunniunneqassaaq kingusinnerpaamik: 23. september 2019
Atorfininneq: 1. oktober 2019 imaluunniit isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Lars Damkjær
Telefon: +299 367511
Mobil: +299 563120
Nittartagaq: http://www.sermersooq.gl
Qinnuteqaat nassiutiguk