Skip to main content
149

Dette jobopslag er udløbet

Attaveqatigiinnermi suleqataasoq ataatsimut isiginnissinnaasoq erseqqissumillu allaatilik

Attaveqatigiinnermi suleqataasoq ataatsimut isiginnissinnaasoq erseqqissumillu allaatilik

 

Anguniagaraarput Nunatsinni attaveqaqatigiinnermut immikkoortortani pitsaanerpaanissarput. Naatsumik oqaatigalugu kommunini innuttaasunik paasissutissiillaqqinnerpaajumavugut, tassungalu ilanngullugu suleqatitsinnik qinikkanillu pitsaanerpaamik sullisserusulluta - aammalu nuannisarumavugut, upperigatsigu qungujulaneq illarnerlu pitsaanerusunik sulinermi avatangiiseqalersitsisartoq, taamaasillunilu suliassanik naammassisaqarluarfiunerusartoq.

 

Nunarsuami kommunit anginersaanni, Kommuneqarfik Sermersuumi attaveqaqatigiinnermut immikkoortortaqarfiup kommunip iluani avataanullu attaveqarneq akisussaaffigaa.

 

Suliassatit assigiinngiiaartuussapput malinnaalluarsinnaasariaqarputit misilittagaqarlutillu Pissanganartumilli allanngorartumillu suliassaqartippatsigit ilaatigut makku akisussaaffigalugit:

 

∙ Pilersaarutikkut attaveqaqatigiinnermi paasititsiniaanermilu suliassat

 

∙ Nutaarsiassat allaaserisallu

 

∙ Kommunip tamanut attaveqaataatigut imarisassaliorneq

 

Suliffitsinni ulapaartassaatit assigiinngitsorpassuarnillu suliaqartarlutit, immikkoortortatsinni suleqativut arfiniliupput (grafiker, webmaster, tusagassiortut attaveqaqatigiinnermullu suleqatit). Annertunngikkaluamik illit soqutigisatit piginnaanitillu naapertorlugit suliassatit pilersaarusiortarsinnaassavatit.

 

Naatsorsuutigaarput illit:

 

∙ Attaveqatigiinnerup tusagassiutilerinerullu iluani ilinniarsimanissat.

 

∙ Annertunerusumik attaveqaqatigiinnermik suliaqarneq nuannarisuugit

 

∙ Nutaanik isumassarsiaqartassasutit innuttaasunik oqaloqatiginninnissamut

 

∙ Attaveqaqatigiinnermut tunngasunik suliaqarnissamik nuannarisalik oqaluttuassaqqissunillu oqaluttuarumasartoq.

 

∙ marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

 

Annertunerusumik paasisaqarusukkuit:

 

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: attaveqaqatigiinnermut pisortaq Lars Damkjær uunga sianerfigisinnaavat +299 56 31 30 immaqaluunniit uunga allaffigalugu e-mail: lada@kommunikation.gl

 

Pineqaatissinneqarsimannginnermut uppernarsaat:


Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat

 

Inissaq:


Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Akissaatinut atorfinitsitaanermullu tunngatillugu atugassarititaasut:

 

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

Qinnuteqaat:

 

Qinnuteqaat qulequtserlugu Atorfiup ilisarnaataa 842-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

 

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 

 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk

 

 

 

 

 

 

Qinnuteqarnissamut killissarititaasoq: decembarip 4.-at, 2022

Atorfik una qinnuteqarfigiuk