Find job
Dette jobopslag er udløbet
Aqutsisoq Paarsisoq-mut
Akuleriinnut meeqqerivik Paarsisoq pisortassarsiorpoq
Meeqqerivimmik aqutsisuullutit ineriartortitsillutillu toqqissisimanermik pilersitseqataarusuppit, qanittumik attaveqarneq pingaartinneqarpoq, meeqqanut ataasiakkaanut eqimattanullu ineriartorneq iluarisimaarnerlu ukkatarineqarlutik. Taamaappat atorfissaqartippatigit.
Kommeqarfik Sermersooq akuleriinnik meeqqerivik Paarsisoq atorfinittussamik pikkorissumik eqiingasumik pisortamik pissarsiorpoq. Taamaattumik illit pisortatut meeqqeriviup peqataaffigisarnik meeqqerivimmi pingaartitat pilersitseqataaffigissavatit.
Meeqqanut atuarfeqarnermut ingerlatsivik anguniagaqarpoq meeqqat nuannaartut, alapernaattut, tatituut, peqqissullu pilersissallugit. Naatsorsuutigineqarpoq illit pisortatut anguniagassaliussat pimoorullugit anguniagaqataassasutit.
Atorfiup imarisaa:
Pingaartipparput meeqqat ataqatigiissumik toqqissisimanartumik nuannersumik attaveqaateqarlutik ulluinnarni misigisaqartinneqarnissaat. Naatsorsuutigaarput meeqqeriviup anguniagaanut sinaakkusersuillutillu tapersersueqataanissat.
Saniatigut suliassat:
· Ulluinnarni aqutsineq
· Qulakkiissallugu Immikkoortortami anguniagaliunneqarsimasut meeqqerivimmi suliarinerat
· Meeqqeriviup aningaasaqarneranut akisussaasuuneq
· Meeqqanut ajunnginnerpaassaq anguniarlugu angajoqqaanik suleqarteqarneq
· Suliarinasuarneqarsinnaasullu ilanngullugit
Suliassat naammassineqartassapput ingerlatsivimmi meeqqeriveqarnermut immikkoortortaq qanimut suleqatigalugu.
Qinnuteqartumut naatsorsuutit:
Naatsorsuutigaarput:
· Perorsaasutut ilinniarsimasuunissaq.
· Meeqqeriveqarnerup iluani aqutsinermik misilittagaqarsimanissaq.
· Akisussaaffimmik tingusineq Ataatsimoorluni anguniakkat anguniarnerani.
· Meeqqanut sammisassaqartitsinermi pilersaarusiullaqqissuunissaq.
· Siammasissumik suleqateqarluarsinnaaneq.
· Aningaasaqarnikkut Missigersuutinut naatsorsuutinullu tamakkiisumik nakkutiginnissinnaaneq.
· Ulluinnarni PC atuinermut sungiusimasaqarneq
· Kalaallisut qallunaatullu oqarseqartuusinnaaneq.
Pingaartipparputtaaq aalajaatsuussasutit, pitsaassusermut eqqummaarissoq peqqissaartumillu eqqummaarittuussasutit, suliassanik arlallinik ataatsikkut puullaaqinngikkaluarlutit suliaqarsinnaassasutit.
Akerlianik neqeroorfigisinnaavatsigit atorfimmut periarfissarpassualimmut, nammineerlutit inerisaaqataaffigisinnnaasannut nammineerluinnarlutit akissussaaffigalugu suliffeqarfimmi inerisaqataanissannut. Pingartitarivarput atorfimmut suliffeqarfimmullu pitsaasumik isertilluarneqarnissaq ilungersorlutalu qulakkeertussaallutigu suleqatigiilluarneq aqutsinerup tungaatigut avitseqatigiilluarnerlu inissaqartitsineq suliniutinut pilersitsisinnaanermullu.
Meeqqat amerlassusiligaanerat
Paarsisumi ataatsimut inissaateqarluni meeqqat 90-t, init 6-t ininut avissimallutik.
Sulisut amerlassusiligaanerat
Sulisut aaliangersimasut 22-put perorsaasut 6, isumaginninnermi ikiortit 6, ikiortit 6. Igaffimmioq eqqiaasorlu.
Ilinniartuuteqarsinnaasarpoq, ikiortinngornianik, perorsaasunngornianillu igaffimmilu ilinniartuuteqassangaanni ukioq ataaseq kisimi periarfissaasartoq, inummut ataatsimut.
Annertunerusumik paasisaqarusukkuit:
Annertunerusumik paasisaqarusukkuit immikkoortortami pisortaq Ane Marie Lynge Møller attavigisinnaavat uunga oqarasuaat: +299 36 73 25 imaluunniit e-mail: anmm@sermersooq.gl
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Pinerluuteqarsimannginnermut meeqqanillu innarliisimannginnermik uppernarsaatit atorfimmi piumasarineqarput. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit tiguneqarpat atorfininnissaq inissinneqassammat.
Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.
Atorfinitsitsineq qaammatini pingasuni misiliutaaqqaassaaq.
Inissaq:
Atorfik nittarsaanneqartoq initaqanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 808-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
MALUGIUK:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 4.-at, 2023