Skip to main content
140

Dette jobopslag er udløbet

Aqutsisoq Najugaqatigiiffiit Qinngorput

Inunnut innarluutilinnut tarnimikkullu nappaatilinnut immikkoortortaqarfik pikkorissumik tunniusimasumillu Najugaqatigiiffik Qinngorput aqutsisussarsiorpoq. Aqutsisutut sulineq misilittagaqarfigaajuk aamma najugaqartut pillugit allanngueqataanissat uummateqarfigiviuk, taava illerpiaq aqutsisussatut amigaatigaatsigit.

 

Najugaqatigiiffik Qinngorput-mi aqutsisutut atorfik piffissaq tamakkerlugu atorfiuvoq sapaatip akunneranut 40 tiimit. Pingaarnertut ulluunerani sulisassaatit, aqutsisutulli najugaqatigiiffik ulloq unnuarlu neqeroorutaasoq akisussaaffigissavat. Aqutsinermi suliassat najugaqatigiiffimmi tullersorti qanimut suleqatigalugu aamma siunnersortinik fagchefinillu ikorfartortinnikkut suliarissavatit

 

Najugaqatigiiffik Qinngorput Nuummi najugaqatigiiffitta annerit ilagaat. Najugaqatigiiffimmi najugaqartut 21-upput tarnimikkut piginnaasakillisimasut, amerlanerillu atornerluinermik ajornartorsiuteqarlutik. Najugaqartut namminerisaminnik ineqarput, najugaqarfiullu ataatsimoorussamik iniutai marluk iganermut, nerinermut ataatsimoornermullu atortarlugit. Pingaarnertut suliassaraarput najugaqartut tarnimikkut, inooqataanikkut aamma nalinginnaasunik piginnaasassanik inerisaaviginissai, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Sulisut 20-t missaaniittut ilaaffigilissavatit, peqqinnissamut tunngasunik ilinniagallit, perorsaasut ilaalu ilinniagaqartuunatik.

 

Atorfimmi suleqatitit tullersortillu peqatigalugit ingerlatsineq qulakkiissavat, kiisalu angerlarsimaffik najugaqartullu ineriartortissallugit. Qanilaartumik aqutsisuussaatit, pisariaqartinneqarfiani siuttuunissamut qunusuitsoq. Najugaqarfiit akornanni pisortaqatigiit ataatsimoorfiannut patajaatsumut aamma peqataassaatit, tassani pisortaqatitit aamma ingerlatsisoq peqatigalugit suliassaqarfiup ineriartortinneqarnera siunnerfilissavarsi.

 

Suliatigut piginnaasat, assigiinngissuseq, ataatsimoornerlu suleriaatsimik siunissami kivitsinissap iluatsinnissaanut pingaaruteqarsoraagut. Taamaattumik suliniutinik nutaanik, suliatigut qaninnerulersitsisussanik aallartisaalluta aallartilluareerpugut. Pikkorissunik aqutsisoqassagaanni aqutsisuuneq oqaluuserineqarsinnaasariaqartoq upperaarput!

 

Naatsorsuutigaarput:

  • Aqutsisutut misilittagartuujusutit, inuit imminnut atorluarsinnaanerinik eqqumaffiginnittoq
  • Suliatigut patajaatsumik toqqammaveqartutit, peqatigalutalu ineriartortinnissaanut soqutiginnittutit
  • Oqaloqatiginniffiusumik sulisunillu peqataatitsillutit aqutseriaaseqartutit
  • Attaveqaqateqarnermut piginnaaneqarluartutit, immikkoortumilu suliffeqarfiup iluani avataanilu suleqatigiinnerup nukittorsarnissaanut tamassuma pingaaruteqassusaa takusinnaagit.
  • Kalaallit, inuiaqatigiit kulturilu pillugit ilisimasaqarluartutit, marluinnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

 

Inuttut:

  • tunngaviusumik allaanerussuteqarneq ataatsimoornerlu nukittut isigissagitit
  • arlalinnik suliaqarlutit nuannarissagit
  • tatitusutit oqaloqatiginnikkumasuullutillu
  • paasisaqarusussuseqarnissat, alapernaatsuunissat allallu isiginnittaasiinut akuerinnittuunissat

 

Uagut pilluta:

Atorfimmi tassani ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfinnut pingasunut Nuummi, Tasiilami Paamiunilu agguataarsimasut.

 

Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigaatsigit. Ineriartortitsineq pineqartoq ilaatigut aqutsisunngorlaatut illit sukumiisumik ilitsersuunneqarnissannik, ingerlaavartumik siunersiueqatigiittarnissamik kiisalu suliatigut ataatsimooqatigiiffeqarnissamik imaqarput.

 

Alapernaannerulersimaguit

Kommunip nittartagaani suliat allaaserineqarnerini suliatsinnut malittarisassat pillugit atuarsinnaavutit, aammattaaq allanik apeqqutissaqaruit attaveqarfiginissatsinnut tikilluaqqusaavutit.

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Susassaqarfimmi pisortaq Mathias Knude Brusgaard, oqarasuaat +299 562761 imaluunniit e-mail: mtbr@sermersooq.gl

 

Atorfinitsitsinissamut oqaloqatiginninnerit sapaatip akunnerini 47-mi ingerlannissaat naatsorsuutigaarput.

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

Inissaq:

Atorfininnermut atatillugu inissiamik innersuussisoqarsinnaanngilaq.

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:

Qinnuteqaat qulequtserlugu Atorfiup ilisarnaataa 864/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 12.-at, 2022

Atorfik una qinnuteqarfigiuk