Skip to main content
89

Dette jobopslag er udløbet

Aqutsinermut siunnersorti / Atorfik nr. 25/20

Avatangiisinut suliaqarnermi allanngueqataarusuppit?

Taava immaqa Eqqakkanik Sullissivimmi aqutsinermi siunnersortitut sulineq ilinnut tulluarpoq!

Kommuneqarfik Sermersooq siunnersortimik Eqqakkanik Sullissivimmi pissarsiorpoq 1. februar 2020-imiit aallartittussamik imaluunniit isumaqatigiissuteqarnikkut atorfinittussamik.

Eqqakkanik Sullissivik ulluinnarni assigiinngitsorpassuarnik avatagniisinut tunngasunik suliaqartarpoq. Suliassaqarfiit ilaatigut tassaapput eqqagassalerineq, imermik minguttulerineq (spildevand), CO2/silap pissusia/nukissiutit, mingutsitsinermi avatangiisillu pillugit ilisimatitsineq. Avatangiisilerinitsinni avammut ilummullu suliaqarpugut.
Avammut, tassani suliffeqarfiit innuttaasullu avatangiisit eqqarsaatigalugit eqqortumik pissusilersortarnissaannut piumasaqaateqartarpugut aammalu oqartussaasut innuttaasullu saaffiginnissutaannik suliarinnittarluta.
Ilummut, tassani kommunip nammineerluni avatangiisimut sunniutai annikillisinnissai sulissutigaarput.

Uagut pilluta paasissutissat amerlanerusut pissarsiarisinnaavatit una aqqutigalugu: https://sermersooq.gl/da/borger/miljoe-og-affald/

Atorfiup imarisaa:
Atorfinittussaq pisortat akornanni  allaffissornermut ilisimasaqarnissaa kissaatiginarpoq, kiisalu qarasaasianik atuisinnaanermut ilisimasaqarneq.

Siunnersorti sullissinermi suleqatigiinni tallimaasuni Eqqakkanik Sullissivimmi suleqataassooq. Ilaatigut ukuninnga suliaqartussaalluni:

  • Ulluinnarni qarasaasiap eqqakkanik nalunaarsuiffiup ingerlannissaa kiisalu eqqakkanut tunngasunik nalunaarutit eqqortumik immiunnissai
  • Innuttaasunut/sullitanut toqqaannartumik attaveqaataaneq eqqagassalerinermut tunngasunik attaveqartuni
  • Suliffeqarfinnut toqqaannartumik attaveqaataaneq eqqagassalerinerinermi pissutsinik apeqqutilliisuni
  • HR-imi suliaqarneq Eqqakkanik Sullissivimmi sulisunut tunngasut pillugit
  • Eqqakkanik Sullissiviup ingerlatsinermut aningaasartuutinik suliaqarneq
  • Eqqakkanik sullissivimmi ulluinnarni ingerlatsinermi suliassanik inaarsaaneq (ad hoc)
  • Qallunaatut kalaallisullu nutserineq
  • Suleqatigiinnermi sulianut peqataaneq sullissivimmi sulisut peqatingalugit

Qinnuteqartumut naatsorsuutigaarput:

  • Allaffissornermi aqutsinermut attuumassutilimmik ilinniagaqarsimaneq
  • Pisortat oqartussaasut ilisimasaqarfigilluarnissaat
  • Aalajaatsuuneq pitsaassutsimik ilisimaarinnittoq annikitsunullu arajutsiuitsoq
  • Immikkoortumi suleriaatsit malittarisallu ataavartumik pitsaassusaat qulakkiissallugu
  • Ataatsimoortumik takunnissinnaanerit annaanagu arlalinnik ataatsikkut suliaqarsinnaaneq
  • Suliffeqarfimmi angisuumi qaffasissutsini assigiinngitsuni pitsaasumik takkorliuttarnermik misilittagaqartoq
  • Oqaluttariarsornikkut allattariarsornikkullu paasinartumik paatsuugassaanngitsumillu attaveqarsinnaasoq
  • Qarasaasialernermik kisitsisilernermullu ingerlatsinermik sungiussisimalluartoq
  • Suliniuteqarumassutsimik iliuuseqarsinnaanermillu takutitsisinnaasoq
  • Suleqatikkuminartoq
  • Qinnuteqartoq marluinnik oqaasiliussaaq (kal/dk) aamma tuluttut ilisimasaqarneq iluaqutaasinnaavoq

Pinerlussimannginnermut uppernarsaat:
Atorfik una pinerlussimannginnermut allagartamik pissarsinissamut inatsimmi pisussaatitaaffiuvoq. Inatsit naapertorlugu atorfinitsitsineq aatsaat pisinnaavoq pinerlussimannginnermut uppernarsaammik kommune pissarsereerpat. Taamaammat maluginiaqqussavarput atorfininnissamut isumaqatigiissusiortoqarsinnaammat aatsaat kommune pineqaatissinneqarsimannginnermut uppernarsaammik Politiinit pissarsereerpat.

Ini:

Atorfininnermut atatillugu inissaqartitsisoqanngilaq.

Akissarsiat atorfininnermilu atugassarititat:
Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Qaammatini pingasuni misiligummik atorfinitsitsisoqassaaq.

Qinnuteqarneq:
Qinnuteqaat Atorfik nr. 25/20-mik naluanaarutsigaq, ilinniagarisimasat aamma siornatigut suliffigisimasat pillugit paasissutissartalik aamma soraarummeernermi papilissat assilineqarnerannik il.il. ilalik qinnuteqaateqarnissamut killissarititaasup qaangiutinnginnerani Sulisoqarnermut Immikkoortortamit tiguneqareersimassaaq.

Imatut qinnuteqassaatit:
Qinnuteqaatit elektroniskimik nassiunneqarnissaat piumaneqarnerupput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Qinuteqaat tunniunneqassaaq kingusinnerpaamik: 4. februar 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: HR-afdelingen
Telefon: +299 36 70 00
Nittartagaq: http://www.sermersooq.gl
Qinnuteqaat nassiutiguk