Skip to main content
156

Dette jobopslag er udløbet

Aqqusinernik pilersaarusiortartoq imaluunnit aqqusinernut ingeniøri ukiuni marlunni

Kalaallit Nunaanni kommunini illoqarfiit pingaarnersaqarfiusumi ineriartortitsinermut sunniuteqaqataarusuppit?

 

Sanarfinermut Avatangiisinullu immikkoortortami kommunimi atassuteqaasersuutini nutaatut suliniutissatta ingerlannissaannut suleqatissarput ujartorparput.

 

Kommuneqarfik Sermersuumi teknikkimut pikkorissumik atassuteqaasersuutinullu torrallatanik aaqqiissuteqarsinnaasumik suleqatissarsiorput. Atorfik piaarnerpaamik imaluunniit isumaqatigiissuteqarnikkut inuttalerniarneqarpoq.

 

 

Atorfik:

Atorfik piffissami sivikitsumi ukiunut marlunnut killiligaavoq, sivitsorneqarsinnaavorli. Pingaarnertut Kommunimi atassuteqaasersuutit iluini nutaamik suliniuteqarnerup ingerlanneqarnissaa qularnaarniartussaavat, aammalu aqquserngit /aqqusersuutit pioreersut qitiutillugit nutarterinissaq. Nuuk maanna annertuumik ineriartortinneqarpoq annertuunik sanaartorfiulluni soorlu imarpik qulaallugu timmisaratunut mittarfiliorneq, Kalaallit Nunaanni atuarfiit annersaat aammalu inissialiortiterneq annertulluni. Illoqarfiup ineriartornerani pissusissamisoortumik aqquserngit atorneqartorujussuupput, taakkulu iluarsaattariaqarput.

 

Suliassarissavat Nuup aqquserngisa assiliortornerat, kusserngit taakkulu qanoq inneri, aqquserngit pilersaarusiorneri, Sanarfinermut Avatangiisinullu immikkoortortami aqutsisoq aamma kommunimi entreprenørit qanimut suleqatigalugit pilersaarutit ingerlanneqarnissaat isumagalugit. Kommunimi illoqarfinni allani nunaqarfinnilu aqqusinernik /aqqusersuutinik suliassaqartarsinnaavoq.

 

Issittumi aqqusersuutit / aqqusinniorneq suliatigut sunniuteqarfigissallugu pissanganartunik unamminiarnartunillu suliassartaqarsinnaavoq.

 

 

Immikkoortoqarfiup suliassaasa iluini makkua suliassarissavatit:

 

∙ Aqqusinerni pilersaarusiorneq

 

∙ Sanaartorfissagissaanerit nakkutigalugit

 

∙ Ingerlatsineq aserfallatsaaliinerlu

 

∙ Aqqusinernut oqartussanit suliassat

 

 

Piginnaasaqarfigisassatit:

Takorloorparput illit suleqatitut immikkut soqutigisarigitit aqquserngit, aqquteeqqat aamma kusserngit.

 

∙ Ingeniøriuvutit imaluunniit teknikkimut tunngasumik allamik ilinniarsimallutit suliatigullu aqquserngit /aqqusersuutit immikkut ilisimasaqarfigalugit. Pitsaaqutaassaaq inuussutissarsiortuni namminersortuni, entreprenørini imaluunniit ingerlatsiveqatigiiffimmi pisortanit pigineqartumi atorfeqarnermik misilittagaqaruit, ilinniakkamilli naammasserlaat aamma atorfimmut eqqarsaatigineqarsinnaapput.

 

∙ Pitsaaqutaassaaq aqqusinniornerup iluani suliaqarnermik misilittagaqaruit, namminerlu pilersaarusiorsinnaaguit.

 

∙ GIS-programmit assigisaallu misilittagaqarfigissagitit

 

∙ Suleqatigiinnissamut piginnaasaqarluarneq aamma annertuumik sunniuteqarsinnaassuseqarneq kiisalu

 

∙ Ajornanngippat danskisut, kalaallisut tuluttullu oqaatsitigut piginnaasaqarneq

 

∙ Kalaallit Nunaanni pissutsinik ilisimasaqarneq

 

 

Neqeroorutigisinnaavarput:

Sulisutut Kommunip allaffeqarfiani aallaaveqassaatit, Ingerlatsivik tassani inissisimavoq. Suliffitsinni avatangiisit ammasuupput, suleqatigiinneq salliutinneqarluni. Suliassaqarfimmi annertuumik kiffaanngissuseqarlutillu akisussaaffeqassaatit, kommunimi avatangiisit isikkuat sunniuteqarfigisinnaallugu. Ilanngullugu:

 

∙ Suliffik soqutiginartoq, aamma assigiinngiiaartunik namminersorluni piginnaasatigut ingerlatsineq, aamma akisussaaffilik.

 

∙ Ingerlatsivimmi immikkoortortanik allanik, avataanilu siunnersortinik, entreprenørimik il.il. suleqateqarneq.

 

∙ Pikkorissunik piumassuseqarluartunillu suleqateqarlutit suliffimmi suleqatigiilluarneq.

 

∙ Suliatigut inuttullu ineriartornissamut periarfissat pitsaasut.

 

∙ Illoqarfiit pingaarnersaanni annertuumik ineriartortinneqartumi atorfik unamminiarnartulik.

 

 

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Jakob Kofod, oqarasuaat +299 36 74 74 imaluunniit e-mail: jkof@sermersooq.gl

Imaluunniit

Immikkoortortami pisortaq Margrethe Rosing Hegelund, oqarasuaat +299 34 74 13 imaluunniit e-mail: mroh@sermersooq.gl

 

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

 

Inissaq:
Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa 535-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: aggustip 24.-at, 2022

Atorfik una qinnuteqarfigiuk