Skip to main content
115

Dette jobopslag er udløbet

Aqqusinermi ujartuilluni angalaartartuni aasaanerani –inulerisumik-ikiortimik pissarsiorpoq / Atorfiup nr. 396/21

Kommuneqarfik Sermersuumi Suliffeqarnermut Isumaginninnermullu Ingerlatsivimmi Aqqusinermi ujartuilluni angalaartartuni piaarnerpaamik pikkorissumik kajumissuseqarluartumillu aasaanerani taartaasussamik ikiortissarsiorpoq. 

Aqqusinermi ujartuilluni angalaartartut pingasunik isumaginninnermi sulisoqarput, sulianut ataqatigiissaarisoq ataaseq aamma immikkoortortaqarfimmi aqutsisoq ataaseq.

Atorfimmut inuttalerniarneqartumi, aasaanerani aqqusinermi sullissisunut ikiortissarsiorput aasaanerani piffissaq tamaat sulisartussamik. Aqqusinermi sullissisoqatigiinni ikorti, sullissisoqatigiit qanimut suleqatigissavai aammalu Sulianut ataqatigiissarisumut qanimut suleqatiginnissalluni.

Atorfiup imarisaa:
Suliffeqarnermut Isumaginninnermullu Ingerlatsivimmi Aqqusinermi ujartuilluni angalaartartuni aasaanerani ulluinnarni suleqataasussamik isumaginninnermi sulisumik pissarsiorpugut.

Isumaginninnermi sulisoq, isumaginninnikkut suliaqartartunik suleqatigiinnullu aqutsisoq qanimut suleqatigalugit, isumaginninnermut suliassaqarfimmi assigiinngitsorpassuarnik suliaqartassaaq.

Aqqusinermi ujartuilluni angalaartartut sullinniagaat:
Innuttaasut inooqataanikkut ajornartorsiuteqarnerpaat, isumassorneqarnissamik, ikorfartorneqarnissamik, aqqutissiuunneqarnissamik, siunnersorneqarnissamik eqqumaffigineqarnissamillu pisariaqartitsisut.

Ukioqassusiinut tunngatillugu innuttaasut inersimasut 18-it sinnerlugit ukiullit.
Sullinniakkat ukuninnga ilisarnaateqarajupput:

  • Angerlarsimaffeqannginneq, namminerluunniit najugaqarnissamik ajornartorsiuteqarneq.
  • Inooqataanikkut attaveqarfeqanngitsut, killilimmilluunniit attaveqartarfillit.
  • Annertuumik sivisuumilluunniit atornerluisuusut.
  • Inooqataanikkut, tarnikkut timikkulluunniit ajornartorsiuteqartut.
  • Aningaasaqarnikkut ajornartorsiuteqarneq.
  • Suliffissarsiuussisarfimmut killilimmik tamakkiisumilluunniit attaveqanngitsut.
  • Artorsaatit aporfigalugit inuunermik allanngortitsinissamik ajornartorsiuteqarneq.
  • Oqartussaaffeqarfinnut attaveqaannarnissap ajornartorsiutiginera.

Ikiortip/Isumaginninnermi sulisup pineqartunut sullinniakkanut tunngatillugu Aqqusinermi ujartuilluni angalaartartuni suliassai pingaarnerit:
Innuttaasumik Attaveqalerneq, Atassuteqalerneq, Qulaajaaneq, suna ajornartorsiutaava aamma Aqqusinermi ujartuillutik angalaartartut qanoq innuttaasup imminut ikiornissaanut iliuuseqarsinnaavugut? Aqqutissiuussineq, innuttaasup suliffeqarfiillu pisariallit akornanni atassusiisuuneq.                    

  • Isumassuineq Aqqusinermi ujartuillutik angalaartartut innuttaasunut ajornartorsiornerpaanut ikorfartuissapput isumassuillutillu, inoorusussuseq inuunerullu pitsaassusaa pitsanngorsarniarlugit.
  • Paasititsiniaaneq aqqutissiuussinerlu Aqqusinermi ujartuillutik angalaartartut assersuutigalugu iluaqusersuutit katsorsaanissamullu periarfissat pillugit atugarliornerpaat siunnersortassavaat aqqutissiuullugillu.
  • Orniguttarluni sulineq Aqqusinermi ujartuillutik angalaartartut sulinerminni ujartuisussaapput, namminneq piumassutsiminnik innuttaasunut attaveqartartussaallutik, paasissutissiissutigalugulu periarfissaasoq Aqqusinermi ujartuillutik angalaartartut piumaffigineqarani nammineq oqaloqatigineqarsinnaasut.
  • Attaveqarnermik attaveqarfigisartakkanillu pilersitsisinnaaneq. Aqqusinermi ujartuillutik angalaartartut innuttaasoq sullissisumut, nakorsanut, ornittakkanut allanulluunniit suliffeqarfimmut pineqartumut attuumassutilimmut attaveqalernissaanik ikiussavaat, innuttaasup imminut ikiorniarluni pisariaqartitaanik ikiorneqarnissaa qularnaarniarlugu.
  • Aqqusinermi ujartuillutik angalaartartut innuttaasup pisariaqartitai kissaataalu aallaavigalugit, ilaquttanut piumassutsimilluunniit suliaqartunut attaveqalernissaanik ikiussavaat.
  • Taamatuttaaq Aqqusinermi ujartuillutik angalaartartut, innuttaasut aamma kattuffinni namminneq piumassutsiminnik attuumassutilinnut, nammineq kissaatigisaq pisariaqartitarlu tunngavigalugit, ikiorsinnaavaat.
  • Aqqusinermi ujartuillutik angalaartartut sullissisunik ukununnga atatillugu ikiuisussaapput:
  • Innuttaasunut pulaarnerit artornartut.
  • Nakorsamut napparsimaviliarnerniluunniit peqataanerit.
  • Sullissisup kissaateqarneratigut innuttaasunik ikiuineq, soorlu najugarisap allanngorneranik isumagisassanillu allanik assingusunik ikiuineq.

Qinnuteqartunut naatsorsuutigisat:

  • Perorsaanermik tunngaviusumik ilinniagaqarsimasuunissat imaluunniit peqqinnissamut tunngaviusumik ilinniagaqarsimasuunissat
  • Innuttaasunik inooqataanikkut ajornartorsiutilinnik angerlarsimaffeqanngitsunillu sullissinermut atatillugu perorsaanikkut assigiinngitsutigut misilittagaqarneq
  • Inuunermi assigiinngitsunik misilittagaqarneq
  • Timikkut tarnikkullu qajannaatsoq tatitoorlu.
  • Allatut aaqqiinissarlu siunertaralugu eqqarsartariaaseqarneq
  • Qamutinut motoorilinnut allagartaqarneq

Pingaartipparputtaaq:

  • Inuunermi assigiinngitsunik misilittagaqarneq
  • Aqqusinermi ujartuilluni angalaartartuni suleqammik minnerunngitsumillu suliffeqarfimmi tatiginnittumik, ataqqinnittumik qanimullu suleqateqarsinnaaneq.
  • Suliffeqarfimmi assigiinngitsumi suliffeqarfimmi, tassa Nuuk, Nuussuaq Qinngorpullu tamaat, sulinissamut piareersimanissaq.
  • Arlalissuarnik suleqateqallaqqissuseq.
  • Pitsaasumik akuersaartumillu pissuseqarneq.
  • Ataqatigiissaarillaqqissuseq.
  • Pissutsikkut ersarissuseq.
  • Piumasarineqarpat unnukkut unnuamilu akunnerit marlunni sulinissamut piareersimaneq.
  • Nammineq inuuneq suliffillu immikkoortinneqarsinnaassapput.
  • Nalinginnaasumik qarasaasiamik atuisinnaaneq.
  • Timikkut tarnikkullu ikiueqqaarsinnaaneq.
  • Qallunaatut kalaallisullu oqalussinnaaneq allassinnaanerlu.
  • Qungujunnartunik nuannarisaqarneq qungujutsikkuminartuunerlu.
  • Imminut inoqatinullu ajunngitsumik pisarneq.
  • Soraarnermi ullormut assoroornarsimasunik iperaasinnaaneq.

Neqeroorutigaavut:
Suliffik unamminartulik ulluinnarnilu suleqatigiinnikkut nammineerluni imarisassaanik sunniivigineqarsinnaasoq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqassaaq atorfeqartitsillunilu.

Atorfinitsitsineq qaammatini pingasuni misiliutaaqqaassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 396/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 02. August 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kirsten Johnsen
Telefon: +299 368083
Nittartagaq: http://www.sermersooq.gl
Qinnuteqaat nassiutiguk