Find job
Dette jobopslag er udløbet
Annersuaq perorsaasumik pissarsiorpoq
Annersuarmut perorsaasumik tunniusimasumik soqutiginnittumillu pissarsiorpugut
Ulluunerani meeqqanut paaqqinnittarfimmi qanimut attaveqatigiinnernik pingaartitsisumik meeqqallu ataasiakkaat eqimattakkaallu ineriartornerinik atugarissaarnissaannillu qitiutitsisumi ineriartoetitseqataarusuppit ? Taava suliffissaqartippatsigit.
Meeqqat alapernaatsut eqqarsartaatsikkut tatituut meeqqallu peqqissut nuannaartullu kommunip anguniagarisai, qanorlu anguniarlugit sulissanerluta eqqartuisarnitsigut siuttuuffigerusuppagut.
Meeqqerivimmi Annersuarmi ilisarnaatigaarput: naleqartitagut ukuusut aallaavigalugit sulinerput:
- Akuersaartumik perorsaariaaseq.
- Allaassuteqarsinnaaneq pillugu meeqqat ataqqinnissinnaanermik ilinniartillugit.
- Meeqqanut toqqissisimaneq pilersissallugu, ineriartornermut inissaqartitsisoq.
Suliffik qanoq ittoq neqeroorutigisinnaavarput:
Uagutsinnut pingaaruteqarpoq meeqqat ulluinnarnik ataqatigiissunik toqqissimanartunillu misigisaqarnissaat inunnut pitsaasumik attaveqarneq aqqutigalugu. Naatsorsuutigaarput illit paaqqinnittarfiup anguniagaanut sinaakkutissanik pilersitseqataassasutit taakkununngalu tapersersuissasutit.
Naatsorsuutigaarput illit:
- ilinniarsimasuunissat
- akisussaaffimmik tigusisinnaavutit namminersorlutillu sulisinnaallutit
- angajoqqaanullu suleqatiginnikkumavutit
- piareersimasuuvutit
- ineriartuutaasunik sammisaqartitsinernik pilersaarusiorsinnaavutit
- oqaaseqartuuvutit.
Meeqqerivik pillugu paasissutissat:
Annersuaq meeqqeriviuvoq rundtkørsel Paarnat aammalu Eqalugalinnguit eqqaanni inissisimasoq. Meeraaqqeriviullunilu meeqqerivik Annersuaq meeqqanut 0-niik arfinilinnut ukiulinnut 64-nut inissaqarpoq. Meeraaqqeriviit marluupput taakkunanilu 12-ni inissaqarluni aammalu meeqqeriviit marluk 20-ni inissallit. Sulisussarititaasut 15-iupput imatut agguagaallutik: Pisortaq, pisortap tullia, immikkoortortaqarfimmi pisortaq, perorsaasut marluk, Meeqqerisut isumaginninnermilu ikiortit sisamat, ikiortit pingasut igaffimmioq ataaseq aammalu asaasoq.
Meeraaqqerivik meeqqerivillu ammasarpoq nal. 7:00-miit 17.00-mut, Nuussuarmiillunilu. Atorfik piffissaq tamakkiisumik suliffiuvoq, Annersuaq-mi aqutsisut qaninnertut suleqatigissallugit, Meeqqanut atuarfeqarnermullu ingerlatsivik / Meeqqeriviit.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: pisortaq Miki Ane Jensen, oqarasuaat +299 366868 imaluunniit e-mail: miaj@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 879-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 20.-at, 2023