Skip to main content
113

Dette jobopslag er udløbet

Aningaasaqarnermut tunngasunut siunnersortinik marlunnik pissarsiorpoq / atorfiup normua 519/19

Kommuneqarfik Sermersooq Suliffeqarfimmut kiffartuussiviup ataani sungiussilluarsimasunik pikkorissunillu marlunnik Akiligassaqarfinnut immikkoortortaqarfianut Aningaasaqarnermut tunngasunut Siunnersortissarsiorpoq, 01.09.2019 imaluunniit piaarnerpaamik sulilersussamik pissarsiorpoq.

Immikkoortortaqarfik aqutsisoq ilanngullugu maanna arfinilinnik sulisoqarpoq.  Akiligassaqarfinnut immikkoortortaqarfimmi suleriaatsit suleriaatsillu ingerlarngi ineriartorteqqinnissaat pitsanngorsarneqarnissaallu sulissutigiuaannarpavut, kommunip iluani suleqativut akiligassat pillugit aqutsinissaannut oqitsumillu akimmisaarfiunngitsumik suliassat akisussaaffigineranni misiginissaat pillugu.

Naatsorsuutigineqarpoq suleqatigiligassarput akiligassaqarfinnut immikkoortortaqarfimmi sulisooreersut sungiussilluarsimasut nuannersumillu periaasillit peqatigalugit suli pitsanngorsaaffiginissaanut suleqataassasoq.

Kommuneqarfik Sermersuumi Akiligassaqarfinnut immikkoortortaqarfimmi fakturat tamaasa suliarineqarnerat akisussaaffigineqarput. Nalunaarsuutaappata, malitseqartinneqarpata, naligiissaarineruppata kiisalu eqqortumik akiliinissaq qulakkeerneqarnissaannut tunngasuuppata.

Atorfiup suliassartaa:

Pissarsiorpugut – ajornanngippat misilittagaqarluartumik – Akiligassaqarfinnut immikkoortortaqarfimmi  aningaasaqarnermut siunnersortinik peqataasussanik. Ulluinnarni suliassat makkuupput:

  • Emailiniit fakturanit ERP systemimut ikkussuineq
  • System aqqutigalugu fakturanik akuersisussanut eqqortunut ingerlatitseqqiisarneq
  • Akuersisartunit malitseqartitsineq
  • Fakturat akuerineqareertut akilertarnissaat
  • Akiligassanik naleqquttunngorsaaneq
  • GLN allattuiffinnik aserfallajaallisaaneq
  • ERP systemimi fakturanik nakkutiginninnerup pisinnaatitaanerullu aserfallajaallisarnissaa
  • Avataanit suleqatigisanit suliffeqarfiullu iluaniit suleqatigisanit saaffiginnissutit tamaasa akisarnissaat
  • Nutaaliornissamut siunnersuineq
  • Suliassat takkussortut suliarinerat
  •  
Qinnuteqaateqartunut naatsorsuutigisat:  
  • Akiligassaqarfimmi sulineq misilittagaqarfigissagit
  • Excelimik kiisalu naligiissaarinermik ilisimasaqarluartutit
  • Suliassanut nutaanut suliniutinullu ajunngitsumik isumaqarnissaq
  • Kiffartuussinissamut paasisimasaqarnissaq
  • Kommunimi pissutsinut ilisimasaqarnissaq iluaqutaassaaq taamaattorli piumasaqaataanani
  • Microsoft Dynamics AX ilisimasaqarnissaq iluaqutaassaaq taamaattorli piumasaqaataanani

Tamatuma saniatigut pingaartipparput, illit:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimut takunnissinnaaneq attatiinnarlugu arlalinnik suliaqarsinnaasoq
  • Allattariarsornikkut oqaluttariarsornikkullu ersarissumik paatsuugassaanngitsumillu attaveqateqarsinnaasoq
  • Nammineerluni sulisinnaasoq akisussaassuseqartoq kiffartuussinissamullu paasisimasalik
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allannguuteqartitsisinnaassuseqartoq
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu
  • Tatitullunilu aallarnisaasinnaasoq, nukissaqarluartoq iliuuseqarnissamullu piumassuseqarluartoq
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Arlalissuarnik suleqateqallaqqissoq
  • Qinnuteqartut marluinnik oqaasillit (kal/dk) atorfinitsinnissaat orniginartinneqarpoq
Neqeroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu ineriartortinneqartuartumi allanngorartumilu annertuumik akisussaassuseqarfiusoq.    Suliffimmut suliffeqarfimmullu iserluartinneqarnissaq pingaartipparput aamma qanimut aqutsisut suleqatigalugit pitsaasumik suleqatigiittoqarnissaata qulakkeernissaa anguniartuarparput.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfik ulloq naallugu suliffiusarpoq.

Atorfimmut tunngatillugu inissiamik, ilaatigullu atorfinitsinneqarnermut atatillugu angalanissamut pequtillu assartorneqarnissaannut neqerooruteqartoqarsinnaanngilaq. 

Imatut qinnuteqaateqassaatit:                                                                                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Qinuteqaat tunniunneqassaaq kingusinnerpaamik: 30-08-2019
Atorfininneq: 02-09-2019 imaluunniit isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kreditor Afdeling Konstitueret Afdelingsleder John G. Sandgreen
Telefon: +299 367106
Nittartagaq: http://www.sermersooq.gl
Qinnuteqaat nassiutiguk