Skip to main content
118

Dette jobopslag er udløbet

Angerlarsimaffimmi paarsisussanik pingasunik Amauligamut - Allagarsiussap nr.-a 562/21

Kommuneqarfik Sermersooq pingasunik pikkorissunik, tunniusimasunillu angerlarsimaffimmi paarsisartussanik pissarsiorpoq.

Amauligaq Qeqertarsuatsiaani angerlarsimaffimmi paarsisartut naapittarfigivaat. Illup B-nr.2162.

Amauligaq januarip aappaani 1985 ammarneqarpoq. Ammasarfii 7:30 miit 16:30 tungaanut.

Illup avatangiiserivaa pinngortitaq kusanarluinnartoq aamma aneerasaartarfeqarpoq, pinnguartarfeqarlunilu.

Massakkut Amauligami meeqqat 15 paarineqartarput, meeqqallu ukioqanngitsumiit arfinillit tikillugit ukioqarlutik.

Amauligaq sisamanik sulisoqarsinnaavoq, angerlarsimaffimmilu paarsisut saniatigut aqutsisoqarput.

Atorfik ulloq naallugu atorfiuvoq, qaninnerpaatut attaveqaatigalugu Meeqqerivik ”Meeqqat”-ni pisortaq.

Atorfiup imarisaa:

Angerlarsimaffimmi paarsisup atorfimmi suliassaqarfiit, ataanilu makkuninnga suliaqarluarsinnaasumik pissarsiorpugut.

  • Suleqatinut allanut maligassiuisoq.
  • Atuisunut qanimut suleqatiginnissinnaassusilik.
  • Inatsisartut inatsisaat Nr. 16 3.dec.2012-meersoq malillugu sulinermik ingerlatsisoq.

Suleqatit aqutsisorisarlu qanimut suliassat tungaasigut suleqatigineqassapput.

Ilinnut naatsersuutigaarput:

  • Meeqqanut isumaginninnermullu ikiortitut iliniarnikuusimassasutit assingusumilluunniit, kisiannili piumasaqaataanani.
  • Ammasuusutit oqitsumillu periaaseqartutit.
  • Patajaatsumik aamma pitsaassusilimmik sullissisinnaasoq.
  • Suliamut pimoorussillutillu saaffigiuminartuusutit.
  • Suleqaigiinnissamut piginnaasaqarluartutit.
  • Nikittooq pilersitsiniaallaqqissoq inissaqartitsiuartoq piumassuseqartorlu 

Neqeroorutigissavagut:  

  • Sulinermi atugassarititaasut pitsaasut.
  • Isumassarsiassanut nutaanut eqqarsaatinulli periarfissat.
  • Suleqatit angajoqqaallu suleqatigiilluartut.
  • Sulisut nuannersut

Meeqqanik pinerliisimannginnermut uppernarsaat

Atorfik taanna meeqqanik pinerliisimannginnermut uppernarsaammik   
piumasaqaateqartussaatitaaneq pillugu inatsit naapertorlugu uppernarsaammik
piumasaqaateqarfiuvoq. Inatsit naapertorlugu Kommuneqarfik Sermersooq meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput Kommuneqarfik Sermersooq Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Kommuneqarfik Sermersuumit pissarsiarineqartussaq tunngavigalugu atorfinitsitsisoqassaaq.

Akissaatinut atorfinitsitaanermullu tunngatillugu atugassarititaasut

Kalaallit Nunaanni Namminersornerullutik Oqartussat aamma S.I.K.  isumaqatigiissutaat imaluunnit allamik naleqquttoq atuuttuusoq Kalaallit Nunaannilu kattuffiup isumaqatigiinninniarsinnaatitaasup isumaqatigiissutaat atuuttut malillugit.

Atorfinitsitsineq qaammatini pingasuni siullerni misiliummik atorfinitsitsisoqassaaq.

Atorfimmut atatillugu inissiamik atugassiisoqarsinnaanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 562/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 13. oktober 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Qeqertarsuatsiaat
Paasissutissat allat uani piniarneqarsinnaapput: Peter Johansen
Telefon: +299 36 68 51
Nittartagaq: http://www.sermersooq.gl
Qinnuteqaat nassiutiguk